Luka 1:71 - O Mikanda Ikola

⁷¹ kuma Nzambi ua tanga ku tu bhulula bhu maku ma jinguma jetu, ni bhu maku ma oso a tu kuatela lûma;

Luka 1:71 ပူးပေါင်းရင်းမြစ်များ

II Jisobha 17:39

Maji Jihova, Nzambi ienu, muene ngó mu mu kuatela uoma, nda Muene u mi bhulula bhu maku ma jinguma jenu joso.

Jisálamu 106:10

Ua a kudila bhu lukuaku lua ió ua a kanena jinga; ua a tambula bhu maku a ngungu-a-nzumba.

Jisálamu 106:47

Tu bhulule, tata, u Jihova, Nzambi ietu, u tu bhongolole dingi ku matumbu ku tua di muangena, phala tu sakidile dingi o dijina dié, tu kole kikóue kia ku ku ximana eie.

Jelemiia 23:6

O mu izuua iê Juda ua kà bhuluka, o Izalaiele uà kà tunga ni kukondama; didi-phe diene o dijina dia-nda ku mu luka: Jihova Dilungilu Dietu.

Jelemiia 32:37

Tala-ze, eme nga-nda ku a bhongolola ku jixi joso ku nga a takuile mu njinda iami, ni mu kutema kuami, ni mu kuthathamana kuami kua vulu kinéne; nga-nda kutona dingi ku a bheka bhu kididi kienhiki anga ngi bhangesa kuila a tunga muenhomo, ni kudondama kuoso.

Izekiiele 28:26

A kà tunga momo ni kukondama, a tunga a soma, anga a kà bhanga mabhata, a kà kuna mivide; kiene muene, a kà tunga ni kukondama, kioso eme ki nga-nda kufundisa ene oso a muia ni kunhana mu jimbandu jâ; hé a kà kʼijiia kuila eme ngi Jihova, ngi Nzambi iâ.

Izekiiele 34:25

Hé nga kà ta na-ju kikutu kia paze, o iama iaiibha mu ngongo nga kà i zubha-mu, o jene hé ja kà tunga ni kukondama mu kikangalakata, hé ja kà zekʼé muene mu matutu.

Izekiiele 34:28

Ki ja-nda kukituka dingi mbole ia uiii ua akua matumbu, mba ji diua dingi ku iama ia ngongo; hé ja kà tunga ni kutululuka kua soko, ki bhu kala dingi muthu u ji sasumuisa.

Izekiiele 38:8

Mbata kia-nda kubhita izuua ia vulu, a-nda ku ku zungila; o ku zubhilu dia mivu ua kʼèza mu ixi iôtambule ku xibhata, i ia tundu muʼaxaxe ka ifuẋi iavulu mu ku di bhongoluela ku milundu ia Izalaiele ia xalele jinge jingùndu; maji-phe o ixi ioio a i katula muene muʼaxaxe ka ifuẋi, o kiki-phe ene oso a-nda kutunga ni kukondama.

Luka 1:68

Sakidilenu Ngana, Nzambi ia Izalaiele! Kuma mundu uê ua u zungila, ua u kula;

Luka 1:74

kuila u tu kudila bhu maku ma jinguma jetu, phala tu mu kalakele muène sé uôma,

Matendelelu 33:29

Kuzediua kué Izalaiele, tata! Nanhi ua soko nʼeie? Kifuẋi kiòbhulule kuala Jihova, muene o ngubu ié ienda ni ku ku banda. Muene ue o xibhata ia unéne ué; kiene kia-nda kubhangesa o jinguma jé ku ku tolokela, eie anga uendela ku thandu diâ, ni ku a tumina.

I Nzuá 3:8

Uoso u jijila kuta ituxi, ua tokala kua Diabhu, kuma o Diabhu mukua ituxi tundé ku dimatekenu dia mundu. Kiene kia bhekelele Monʼa Nzambi kutukuluka, phala a muange o ikalakalu iene mu bhanga Diabhu.