Luka 1:6 - O Mikanda Ikola

⁶ Kiiadi kiâ anga a kala athu aiuka bhu pholo ia Nzambi, athu a kuenda mu itumu ioso ni ijila ia Ngana, sé kima ki tokala ku a bazela.

Luka 1:6 ပူးပေါင်းရင်းမြစ်များ

Dimatekenu 17:1

Mbalamu kia kala kiá mu makuinhiʼvua a muvu nʼivua, Jihova u tukulukila Mbalamu, u mu ambela, uixi; Eme ngi Nzambi, Muteni-a-Ioso; enda jinga bhu pholo iami, u kale u muthu ua tenena.

Dimatekenu 6:9

O malunda a Noué eneʼá: Noué ua kexi muthu uaiuka, sè kuêla kua kima muʼa xaxe ka akua muiji uê; Noué anga uenda ni Nzambi.

Dimatekenu 7:1

Kienʼokio Ngana anga u ambela Noué, uixi: Iza eie ni dibhata dié dioso mu bokone mu álaka; kuma eie ngó nga ku mono kuiuka bhu pholo iami, mu muiji iú.

I Jisobha 15:5

Mukonda Davidi ua bhanga jinga kia iukila ku mesu ma Jihova, ka bhambukile ku ima ioso ia mu tumine muene mu izuua ioso ia muenhu uê, kikale mu mulonga ngó ua Udiia, mukua Hiti, kuabhu!

I Jisobha 9:4

Eie muene-phe se uenda jinga bhu pholo iami ni kivimba kia muẋima ni uthu ua tenena, kala kiendele tatʼenu Davidi, anga u bhanga jinga ima ioso i nga ku tumu, anga u bhaka itumu iami ni jiphangu jami,

II Jisobha 20:3

Auá! Jihova, tata! Nga ku diondo xinganeka kuila ngʼende bhu pholo ié ni kidi, ni muẋima ua tenena nga bhange muene ima ia kuiuka bhu mesu mé-eie.

II Malunda 17:4

Kota muene ua sota o Nzambi ia tatʼâ, iú uende mu ijila iê, kana mu ibhangelu ia Izalaiele.

Jobe 1:1

Kua kexile muthu, mu ixi ia Uze dijina diê a muʼixana Jobe. Muthu iú ua kexile kidi, muthu ua iuka, mukua uoma ua Nzambi; o ia ibha u i lenga.

Jobe 1:8

Ngana anga uibhula dingi Satana, uixi: Mubhikʼami Jobe ua mu mono? Mukonda ki kuala mukuá mu ngongo ua soko ni muene; muthu ua kidi, ua iuka o muẋima, u xila Nzambi, o ia ibha u i lenga.

Jobe 9:2

Kutanga o kidi, eme ue nga kʼijiia kuila kiene muene: Mukonda muthu u di lungisa kiebhi kua Nzambi?

Jisálamu 119:6

Jisonhi-phe ki jeje ku ngi kuata, mukonda o itumu ié ioso nga i te muene muẋima.

Luka 1:7

Ene-phe ka moneka mona, mukonda Nzebele ua kexile mbaku; o ene kiiadi kiâ, a kuata kiá mivu iavulu.

Luka 16:15

Jezú-phe anga ua ambela, uixi: Enuenu mu akua kudiuabhesa bhu pholo ia athu, Nzambi-phe ua mijiia o miẋima. Kuma sai ni kima a ki ximana mu ʼaxaxe ka athu, kua Nzambi-phe ufusa.

Luka 2:25

Kiki ku kala mu Jeluzaleme diiala diexana Ximinhá. Muenió muthu ua mbote, ua zola Nzambi; ua kexile ue mù kinga Kibhamuenhu kia Izalaiele, ni Nzumbi Ikôla ia mu tula ku thandu diê.

Jipoxolo 2:25

Kuma Davidi ua tanga Jezú, uixi: Eme Ngana ngà mu mona jinga bhu pholo iami, mukonda uala ku madilu mami phala ki ngi sendumuke;

Jipoxolo 23:1

Phaulu bhenhobho Kionge kioso u kʼixi sûi, uixi: Enu akuetu! Eme ngende bhu pholo ia Nzambi ni muẋima ua kidi, katé mu kizuua kia lelu.

Jipoxolo 24:16

Mukonda dia kiki, nga kuata muanu ua kukala ni muẋima ua kambe o kuêla, ni kua Nzambi ni ku athu, izuua ioso.

Jipoxolo 8:21

Eie mu Njimbu iii kuala-mu ni kibatu mba kididi, kuma o muẋima ué ki ua iukila kua Nzambi.

Loma 8:4

Nzambi ua bhange kiki phala kioso kia iuka kia xindi o Kitumu, tu ki kumbidile etu oso tua kambe kukaiela o xitu mu kuenda kuetu, maji tua kaiela o Nzumbi ia Nzambi.

I Kolindo 11:2

Kiki nga mi ximana kuma mua ngi lembalala mu ima ioso, mua jijila ue o ilekelelu iami i nga mi xila.

II Kolindo 1:12

Kuma etu o thathe ietu ieniii, o kitongoluelu kietu kia tu bhela umbangi muʼaxaxi kenu, kuma tuende mu ngongʼumu mu kuzela ni kidi kia tu bhana Nzambi. Tuende ue, kana mu jindunge ja xitu maji mu kiadi kia Nzambi.

Matendelelu 5:33

Muendela mu njila ioso ia mi tumu Jihova Nzambi ienu, nda mu kole muenhu, mu bhanduluke kiasoko, o izuua ienu i vule mʼoxi i mua-nda kúvua.

Filipe 2:15

phala mu kale mu athu ki mu moneka kuêla, ki mu moneka kulokalala, mu anʼ a Nzambi mua tenena sé kikuma, mua di lungu ni muiji ua athu a bhengalala, ezala ni ituxi.

Kolose 1:22

Maji leluʼdi, ua mi luuluila mu kufua kua Monʼ ê, iú ua mi bhange mu makamba mê, phala nʼ a tene ku mi bheka bhu pholo iê mu athu azele, sé ngó dixaka, sé kuêla.

I Tesalonika 3:13

Phala o muène a mi kuatese miẋima mu kuzela ku kamba kuêla, bhu pholo ia Nzambi ietu, Tatʼetu, katé bhuoso bhua kà tukulukila Ngana ietu Jezú kumoxi ni akua Ngana oso.

II Phetele 3:14

Uila kiki-phe, enu akuetu, nga mi zola, kuma mua kinga o Kizuuʼ okio, kuatenu muanu phala ki mi sange muala ku paze ni Nzambi, sé ngó dixaka, sé kuêla, ku mesu mê.

I Nzuá 2:29

O kiedi muene Kristu mua mu ijiia kuma muthu uaiuka, mu kʼijiia ue kuma uoso u bhanga ima iaiuka, muène muthu a mu vuala kua Nzambi.

I Nzuá 2:3

Kiene ki tu kʼijidila kuila Nzambi tua mu ijiia, se tu aiuka o ijila iê.

I Nzuá 3:7

Enu, tuana tuami, ki mu ehele muthu ku mi jimbidisa! Uoso u bhanga ima iaiuka, muène muthu ua kuiuka, kala kia iuka muène Kristu.