Luka 1:51 - O Mikanda Ikola

⁵¹ Ua bhange ima ia nguzu ni lúkuaku luê, ua muanganesa akua izala mu ikutu ia miẋima iâ.

Luka 1:51 ပူးပေါင်းရင်းမြစ်များ

Dimatekenu 11:8

Ngana bheniʼobho anga u a muangena mu ngongo ioso, o mbonge anga a lémbua o ku i tunga.

Dimatekenu 6:5

Ngana anga u mona kuma o kubhuma ni kubhukumuka kua muthu kua di vuala mu ngongo, o ilunji ioso ia ku xinganeka kua muxima uê, ia ibha ithangana ioso.

Dimatekenu 8:21

Ngana anga uívua dizumba diambote; Ngana anga uamba ku muxima uê, uixi: Ki ngi tona dingi, ixi ku i ta mázui mukonda dia muthu, kuma ilunji ioso ia ixinganeku ia muthu, iaiibha tunde mu undenge uê; ki ngi tena dingi ue o kubuikisa mienhu ioso, kala ki nga bhangʼiki.

Jisálamu 118:15

Ivenu! ku jifundu ja athu aiuka kuala dízui dia kukola kikóue; kuma lukuaku lua Jihova lua bhange undanda!

Jisálamu 33:10

Jihova u fudisa o phangu ia akua jixi; kikutu kia athu mu ngongo u ki sukika.

Jisálamu 52:9

Izuua ioso ngi ku sakidila jinga eie, ngi dielela jinga mu dijina dié, kuma dijina didi diambote bhu pholo ia athuʼé angene.

Jisálamu 63:5

Muẋima uami u ikuta jinga kala ngadi xitu ianete ni uôngo; dikanu diami di ku ximana ni mizumbu ia ngalasa,

Jisálamu 89:10

Mudikixi ua mu diota-diota, kala ua mu kuamena kúfua; o nguma jé ua ji muanga-muanga ni lukuaku lué lua nguzu.

Jisálamu 89:13

Eie o lukuaku lué luala ni nguzu ia kindanda; o lukuaku lué lua suína, o lua dilu se ua lu sunununa lu bhanga muene madiuanu!

Jisálamu 98:1

Imbilenu Jihova muimbu uobhe; kuma Muene ua bhange madiuanu; lukuaku luê lukôla, luene lua lende o jinguma.

Makatukilu 18:11

O kiki nga kʼijiia kuma Jihova kota, jinzambi joso ndenge; mukonda enhó a di zangeleka ni ku mi tatesa, ua a katula o mahanha.

Izaía 40:10

Talesa, muadi Jihova ua-nda kuiza kala dizonda, o lukuaku luê-phe luene lua-nda kutumina. Tala-phe o futu iê uiza na-iu, o kisakidilu kiê ua ki tuamekesa ku pholo iê.

Izaía 51:9

Phaphumuka, phaphumuka, u maneke ukuenze, eie u lukuaku lua Jihova; phaphumuka muene kala mu thembu ia xahulu, kala ki ua bhanga jinga mu miji iòkulu. Abha, ki eie-muène ua batujula Lahabe, anga unemeka o mudikixi?

Izaía 52:10

Jihova ua funha lukuaku luê lu kôla bhu pholo ia ifuẋi ioso; o maẋokololo moso maʼxi ma-ndu mona ubhulukilu ua tundu kua Nzambi ietu.

Izaía 63:12

Ió ua bhangesa o kuaku luê lua ulamba kuendesa o lukuaku lua kadilu lua Mozé, uala kuebhi? Iuná ua budile o menha mu kaii bhu pholo iâ, phala kubhangesa o dijina diê kukala dijina di nangenena?

Jelemiia 49:15

Kuma, talesa, nga ku bhange u ndenge muʼaxaxe ka Huxi, mu kizomba kia athu, eie a ku sebulula.

Daniiele 4:37

Kiki-phe, eme, Nabukodonozolo, ngedi: Muenexiʼa diulu atane-ku! A kule, ajinge! Ngi mu zangeleka ni ku mu ximana jinga, mbata ikalakalu iê ioso kidi mu kidi, uendelu uê kutetuluka kuoso, oso ambe ku di zangeleka, muene u a toza anga a sebuluka muene.

Loma 1:21

Mukonda sumbala Nzambi a mu ijidile, ka mu bhana ujitu kala Nzambi, ka mu sakidila. A biluka-phe jisemenhi mu jiphata jâ, o muẋima uâ ua kutobha anga u vunda.

II Kolindo 10:5

ni ima ioso ia ukumbu ua xitu ki i ehela athu kuʼijiia Nzambi. Tu tolola ixinganeku ioso ia athu phala nʼa tumaka Kristu.

Matendelelu 4:34

Inga kua kexi kiá Nzambi ua xikina o kutambula kifuẋi phala muene nuʼaxaxe ka athu engi, ni jipolova ni isuma, ni madiuanu, ni kúlua mvunda, ni lukuaku lua suina, lua sununuka, ni ima iavulu i kuatesa uoma kala ia bhange Jihova Nzambi ienu, ku mesuʼenu, mu Ijito?

I Phetele 5:5

Enu mu minzangala ue kiene, beleselenu adiakime. Katé ni enʼuenu oso di kutienu o kubatama kua ku di bhikila mudienu, kuma o Mikanda ia Ngana, iambe iexi: Nzambi u bhânga ni akua izala, u bhana-phe ujitu oso a batâma.

Dijingunuinu 18:8

Kienhiki, mu kumbi dimoxi, kua-nda ku mu tulukila o kingûmba kiê kia mabhebhu: Makukata, misusu ni nzala! A kà mu oha mu túbhua katé ua buila. Kuma o Ngana Nzambi, ua mu mu fundisa, ua suina.