Luka 1:48 - O Mikanda Ikola

⁴⁸ Mukonda muène ua te mesu mu kutola kua mubhikʼê! Talesa, tunde lelu, miji ioso ia-ndu ngi tumbula kuma ngi muhatu ua zediua.

Luka 1:48 ပူးပေါင်းရင်းမြစ်များ

Dimatekenu 30:13

Liia anga u amba, uixi: Nga zediua! minzangala ia anʼa ahatu andu ngi mona kuzediua; anga u mu luka dijina dia Asele.

II Samuuele 7:8

Ki tualʼiki-phe, kà tangele selevende iami Davidi, uixi: Eme Jihova dia Ifuẋi, uambe kiki: Nga ku katula mu kuinga ibhaku mu iangu, mu kombola jimbudi, phala u kale ku pholo mu tambula konda ia mundu uami ua Izalaiele.

Jisálamu 102:17

Ua suu kiá o kusamba kua jihukunhu; kala mu kudituna dingi o ku di tenda kuâ.

Jisálamu 136:23

Ua tu lembalala mu ditala dietu dia kutola; kuma kulenduka kuê ki kuene kúbha.

Jisálamu 138:6

Kuma Jihova sumbala kota dia ngana, maji u suua ió ua batama; mukua izala-phe u mu muena ngó mu kanga.

Jisálamu 72:17

Dijina diê di nangenena katé ku hádia ni hádia; diia ni kusambuka muene ni ku mululu ni ku mulaula, kioso hanji ki kala mu nangenena o dikumbi; athu a kala mu ku a bhana dibesá mu dijina dia muene; o ifuẋi ioso mu ngongo a mu ixana kuma Mukua jimbote.

Izaía 66:2

Kuma lukuaku luami luene lua bhange imbamba iosuʼiii, imbamba iosuʼiii í iòbhange, kiene kiambe Jihova; maji, ivua uoso ngi mu tala: Eme ngi suua uoso ngadiama uala ni muẋima ua toloka, anga u kenanena kizuelu kiami, ió muene ngi mu suua.

Malakiia 3:12

Bhenhobho akua jixi joso, a kà mʼixana kuma mua zediua; mbata enu mua-nda kala ixi ia kubhanduluka eme ngi Jihova dia Ifuẋi.

Luka 1:28

Mukunji anga u bokona, uixi: Nga ku menekena Madiia! Eie a ku zediuisa kiavulu kuala Nzambi! Ngana uala ni eie.

Luka 1:42

Anga u di kola ni dízui dia suina, uixi: Eie ua beta kuzediua mu ahatu ni akuenu! Mu tuana ue ua beta o kuzediua monʼé uanda ku mu vuala!

Luka 1:45

Eie ua zediua, mukonda ua xikana kuma hinu i bhita, ioso ia ku tudila kua Ngana.

Luka 1:49

Mukonda Muteniʼa ioso ua ngi bhange ima iònene; dijina diê di kôla!

Luka 11:27

Muène kioso kia kexi kuzuela imʼiíi, muhatu mu ʼaxaxe ka kifuẋi u zangula dízui, uixi: Dia zediua o divumu dia ku ambatele, ma zediua o mele ma kuamuisine, Ngana!

I Samuuele 1:11

Anga u di hambelela, uixi: Jihova dia ifuẋi, se ni kidi kiene u ngi tala o kutata kuami eme ngi mubhikʼé, se u ngi ta muẋima, nʼu kambe ku ngi jimba eme ngi mubhikʼé, phala ki ngalʼiki ngi mubhikʼé u ngi bhane monʼa diiala, eme-phe ngi mu bhana kua Jihova izuua ioso ia muenhu uê, ki kua bhita phoko ia bhutu ku mútue uê.

I Samuuele 2:8

U zangumuna o ngadiama mu mavu, u katula phulungu bhu dixita nʼa mu xikamesa ni anʼa jingana phala a lundule kiandu kia fuma; kuma o jiphiladi ja ixi, jangene ja Jihova, o Ngongo ua i xikika ku thandu diâ.