Luka 1:37 - O Mikanda Ikola

³⁷ Mukonda kua Nzambi, kana-ku kima ki kamba kuẋikina.

Luka 1:37 ပူးပေါင်းရင်းမြစ်များ

Dimatekenu 18:14

Kifua Jihova sai kima ki mu bhonza ku ki bhanga? Tala, muvu uiza-mu, bhu kumbi kala bhenhabha, bhu kithangana kienhiki kia muenhu uenu, nga kʼeza dingi kikuʼé, o Sala ukala ni mona.

I Jisobha 17:16

o fuba mu ímbia ki iabhu, o maji ue mu thenda ki ma kambe. Anga ki bhita kienhiki, mu kutenesa o kizuelu kia Ngana kia tangele mu ukunji ua Elija.

II Jisobha 3:18

O kik-phe hanji ki kima ku mesu ma Nzambi; kuma uanda ku mi bhakuila ue akua Mouabhi bhu maku menu.

Jobe 13:2

Kioso ki muejiia enu, eme uami nga kʼijiia; enu ki mua ngi tundu, kana.

Jelemiia 32:17

Auá! Jihova, tata! Eie ua iudika o maúlu ni ixi, ni kutena kuoso kua nguzu ié, ni lukuaku lué lua sununuka; kanaku kima ki u mona kuila kisunji ku mesu mé.

Jelemiia 32:27

Tala-ze, eme Jihova, Nzambi ia Xitu ioso; mbé sai-ku kima kioso-kioso ki ngi bhekela ku diuana?

Zakadiia 8:6

Jihova dia Ilombo Ieta uambe, kiki: Se o kiki kia kà kala kisunji ku mesu ma iá a subhuka ku muiji uenhú, mu izuua ienhoio, kia kà kala ue kisunji ku mesu mami? Kiene kia tange Jihova dia Ilombo Ieta.

Dialuilu 11:23

Jihova anga u ambela Mozé, uixi: Eie ua fika lukuaku lua Jihova lua di koteka? Ua-nda mona se kizuelu kiami ki ku bhita, mba kana.

Matesu 19:26

Jezú ua exi suí, anga u zuela, uixi: Ku athu ki ki xikina; kua Nzambi-phe iene ioso i xikina.

Marku 10:27

Sui kuala Jezú, uixi: Ku athu ki kamba ku xikina, kua Nzambi phe kana. Kuma kua Nzambi iene ioso i xikina.

Luka 1:36

Xinganeka hanji ndandu ié Nzebele, a kexi ku mu ila mbaku, kiki uemita ue monʼa diiala mu uadikime uê; mbeji samanu kiá a mu kuata.

Luka 1:38

Madiia uixi: Emeʼamiʼú, ngi mubhika ua Ngana. Ki ngi bhite, Ngana, kala ki ua ki zuela. Mukunji anga u tunda bhu mbandu iê.

Luka 18:27

Muène-phe, uixi: Ima athu a i tokoka, kua Nzambi-phe i xikina.

Filipe 3:21

Muène, o mukutu uetu uasebuluka ua kalunga, ua kà u bhana kidifua kiòbhe, phala u di fangane ku mukutu uê Muène ua kubenha, kabasa o kutena kuê kuala na-ku, kuasoko mú tolola ima ioso ni i mu belesela muène.