Luka 1:33 - O Mikanda Ikola

³³ Muène ua kà tumina o dibhata dia Jakobo katé ni ku hádia. O Ungana uê ki uá kà-bhua dingi.

Luka 1:33 ပူးပေါင်းရင်းမြစ်များ

II Samuuele 7:13

Muenhú muene hinu u ngi tungila inzo ia dijina diami, o kiandu kia utuminu uê ngi ki kolesa bhu kididi, anga kia kà xalela.

II Samuuele 7:16

Dibhata dié-phe ni utuminu ué uà kola ku pholo ku uia, kiandu kié kià xala sé dizubhilu.

Jisálamu 45:6

Kiandu kié, Nzambi iami, ki xalela sè thembu, katé ku hádia ni hádia; mbasá ia utuminu ué, ia kukumbidila kuoso.

Jisálamu 89:4

Ngixi o mbutu ié i laia muene ni ku hádia ni hádia; kiandu kié ngi ki tunga ni ki nangenena, kutunda muiji kuiza muiji. (Selah.)

Izaía 16:5

Mbata kua-nda kukala kiandu kia henda kia difikidila, o ku thandu diê, mu balaka ia Davidi, kuene kua kà xikama muthu ufundisa mu kidi, u sota o mulonga kiambote, anga u sakalala mu ku lungisa.

Izaía 9:7

O kukula kua ulamba uenhú, ki kuene mbambe; o kutululuka kuê ki kuene kúbhua; ua tulama bhu kiandu kia Davidi ni ku usobha uê, phala ku u kuatesa bhu kididi, ni ku u fikidila mu kutetuluka ni mu uiukilu, tunde kiki katé ku hádia ni hádia; o muanu ua Jihova dia Ilômbo Ieta uene ua-nda ku bhanga kienhiki.

Jelemiia 23:5

Jihova uixi: Talesenu, kua-nda kuiza izuua, Davidi nga kà mu balumuina Mbutu ia Iuka; kuma muene sobha, ua kà tumina hé u bhanduluka kiavulu, anga u bhanga ima ia tokala ubatuilu ua kidi ni uiukilu mu ngongo

Daniiele 2:44

Maji, mu izuua ia jisobha jenhiji, o Nzambi ia diulu ua kà bhekaku o utuminu ki u xikina dingi ku u jikinisa; o utuminu iú kà u ehela ku bhita dingi bhu maku ma miji iengi; uene kiá ua kà sasujula o mautuminu mosoʼama anga a-bhua-ku, maji o uene ua kà xalela ni kutumina mu thembu joso katé ku hádia ni hádia.

Daniiele 4:34

Maji, kia zubha kúbhua izuua ienhoio, eme Nabukodonozolo, nga bhetula mesu ku diulu, anga ku ngʼiza dingi kilunji, eme nga tanesa Suke-ku, Ió kene mbambe nga mu ximana, nga mu kola fuma, mbé utuminu uê utuminu ua kunangenena, o usobha uê, kutunda muiji kuiza muiji.

Daniiele 6:26

Eme nga bhana ngonge, kuila, oso a tokala mu jixi ja usobha uami, ende ni kuteketa ni kuxila o Nzambi ia Daniiele; mbata muene o Nzambi ia muenhu u xialelà-ku, o utuminu uê kene ku u jima, o ungana uê ua kalʼê katé ku dizubhilu.

Daniiele 7:18

Maji o athuʼê angene a Suke-ku, ene a kà tambula ungana, anga a u vua kiá muene katé ku hádia ni hádia.

Daniiele 7:27

O utuminu-phe ni ungana, ni ulâmba ua ma-usobha moso, mene bhoxi dia diuluʼabha, a kà u bhakuila o athuʼê angene a Ió ua Suka-ku ku Ukota; o utuminu uâ ene-phe ua kà nangenena, ma-utuminu moso ma kà a bhikila ene, ni ku a beleselela.

Obadiia 1:21

O ku mulundu ua Ziione kua kà banda abhuludi phala kufundisa o mulundu ua Ezaú; o utuminu-phe ua kà kala ua ngene ua Jihova.

Mikeia 4:7

Anga, o kia tenguine nga kà ki bhanga kiengi, kuma iene o mbandu ia xala-bhu; o ki nga texile dikanga nga kà ki bhanga muiji ua nguzu ni kutena, o Jihova anga ua kà kala jinga mu ku a tumina ku mulundu ua Ziione, tunde kindala, katé ku hádia ni hádia.

Matesu 1:1

Divulu dia Uvadiue ua Jezú Kristu, monʼa Davidi, monʼa Mbalahamu.

Matesu 28:18

Jezú anga uiza, u a ambela, uixi: O kutena kuoso a ngi bhana-ku eme, ni mu diulu, ni mu ngongo.

Luka 1:34

Madiia bhenhobho anga u ambela o mukunji, uixi: Kiki, ki bhita kiebhi, eme ki ngʼejiia luua diiala?

Loma 9:6

Ki tu fike-phe kuila o kizuelu kia Nzambi kia lémbua. Kuma a tokala Izalaiele, ene oso ki akua Izalaiele osole kua Nzambi.

Ngalásia 3:29

O ki kala enu oso mua tokala Kristu, muala mu mbutu ia Mbalahamu; mu ibinganu ia polomesa ia bhele Nzambi kua Mbalahamu.

Ngalásia 6:16

Oso kijila kiki, kiene o kijila kiâ kiala kuenda na-kiu, ku kale paze, ni henda ku thandu diâ, ni ku thandu dia mundu uoso ua Nzambi!

Filipe 3:3

Kuma o kusaia kua kidi, etu tuala na-ku, tu akua kubheza Ngana ni Nzumbi ia Nzambi, ki ene, kana! Kuma etu o kujinga kuetu kuala mu kudituma ni Kristu Jezú. Ki tu dielela kima ki bhanga athu ku kanga mu xitu.

Jihebeleu 1:8

Maji o kua Monʼê, muene uixi: O kiandu kié, eie u Nzambi, kienié katé ku hádia ni hádia! Eie o Utuminu ué, ua kà uendesa ni mbasá ia kuiuka.

Dijingunuinu 11:15

Anju ia kasambuadi anga u xika o koloneta iê. Hé kukala mazui a makota mu diulu, exi: Kiki o Utuminu ua jixi mu ngongo, ua biluka Utuminu ua Ngana ietu, ni ua Kristu iê. Muène kiá ua kà tumina katé ku hàdia ni hàdia!