Luka 1:32 - O Mikanda Ikola

³² Muène uandu kala kota dia muthu, a kà mu ixana Monʼa Nzambi ia Diulu. O Ngana Nzambi ua kà mu bhanga Sobha, kala kia kexile tatʼâ Davidi mu xahulu.

Luka 1:32 ပူးပေါင်းရင်းမြစ်များ

II Samuuele 7:16

Dibhata dié-phe ni utuminu ué uà kola ku pholo ku uia, kiandu kié kià xala sé dizubhilu.

Jisálamu 132:11

Jihova ua te ni Davidi, kikutu kia mulôko, ka ẋikina dingi kualuluka; kuma uambe, uixi; Mona u tunda ku mukutu ué muene u ku bhingana bhu kiandu.

Jisálamu 132:12

Anʼé se aiuka o kikutu kiami ki nga a bhana, ni ijila iami ioso i nga-nda ku a longa, ni ku mululu ni ku mulaula nuka ku kamba mukua muiji ué, u xikama bhu kiandu kié, katé ku hádia ni hádia.

Izaía 16:5

Mbata kua-nda kukala kiandu kia henda kia difikidila, o ku thandu diê, mu balaka ia Davidi, kuene kua kà xikama muthu ufundisa mu kidi, u sota o mulonga kiambote, anga u sakalala mu ku lungisa.

Jelemiia 17:25

Kuabhu-phe, bhu mielu iii ia mbonge, hinu bhu kala mu bokuena jisobha ni anʼa jingana, a tulama bhu kiandu kia Davidi, endela mu makalu ni ku jimonde, ni ene ni adiakimeʼâ, o mala a Juda ni akua bhata mu Jeluzaleme: O mbonge iii-phe, i tunga muene i soma mu thembu joso.

Jelemiia 22:2

Uila uixi: Ívua kizuelu kia Jihova: Eie u sobha ia Juda ua di nenge bhu kiandu kia Davidi: nʼeie ni jiselevende jé, ni mundu ué, enu muene kubokuena bhu mielu iii.

Daniiele 2:44

Maji, mu izuua ia jisobha jenhiji, o Nzambi ia diulu ua kà bhekaku o utuminu ki u xikina dingi ku u jikinisa; o utuminu iú kà u ehela ku bhita dingi bhu maku ma miji iengi; uene kiá ua kà sasujula o mautuminu mosoʼama anga a-bhua-ku, maji o uene ua kà xalela ni kutumina mu thembu joso katé ku hádia ni hádia.

Matesu 1:1

Divulu dia Uvadiue ua Jezú Kristu, monʼa Davidi, monʼa Mbalahamu.

Matesu 12:42

Sobha ia Sulu ia muhatu mu kizuua kia kufundisa ua kà balumuka mu ku funda ni muiji uenhú, nʼa u belesa; mbata muène ua tundile kua suku oxi, hé uiza mù kuivua o unjimu ua Solomá. Bhenhabha-phe sai-bhu ni iú ua tundu Solomá!

Matesu 28:18

Jezú anga uiza, u a ambela, uixi: O kutena kuoso a ngi bhana-ku eme, ni mu diulu, ni mu ngongo.

Matesu 3:11

Eme ni kidi, nga mi batizala ni menha mu kudiela; uoso-phe ua ngi kaiela ku dima ua ngi tundu, eme ki nga tokala ngó ku mu ambatela o jihaii jê. Muène ua kà mi batizala ni Nzumbi Ikôla ni túbhia.

Marku 14:61

Muene-phe ua di xibhe, nguê kukumbulula. Nganga ia dikota anga u mu kumuna dingi, uixi: Kífua eiemuene u Kristu, Monʼa Ngana Nzambi ukola?

Marku 5:7

anga u di kola ni dízui dia suina, uixi: Eme nga kuata-hi ni eie, u Jezú, u Monʼa Nzambi, ua suka ku ukota? Nga ku bhingi mu dijina dia Nzambi, kana ku ngi talesa hadi.

Luka 1:15

Mukonda muène u kala kota dia muthu bhu pholo ia Ngana, ka kà nua vinhu, mba kúnua kuoso-kuoso ku kodiuisa; hé uizala-phe ni Nzumbi Ikôla, tunde kiá mu divumu dia mamʼá.

Luka 1:35

Mukunji u mu vutuila, uixi: O Nzumbi Ikôla ua-ndu tuluka ku thandu dié, o nguzu ia Nzambi ia Diulu ia-nda ku ku vungina kizúzumbia kiê. Ki bhangesa kuila o mona ukôla ua-nda ku mu vuala, a mu ixana Monʼa Nzambi.

Luka 1:76

Eie-phe kamona, a-nda ku kuixana Polofeta ia Nzambi ia Diulu. Kuma ua kà tuamenena bhu pholo ia Ngana mu ku mu iudikila jinjila jê;

Luka 3:16

Nzuá hé u a vutuila osomuene, uixi: eme nga mi batizala ni menha, maji kù kuiza muthu ua ngi tundu, eme ki nga fuama ku mu jituina ngó o ngoji ia haii iê. Muène u mi batizala ni Nzumbi Ikôla ni túbhia.

Luka 6:35

Zolenu-phe o jinguma jenu, a bhangienu o mbote. Sobhesenu, sé ngó kukakula muthu mba mu kinga ku mi vutuila ki mua sobhesa. O kisakidilu kienu anga ki kala kia dikota, hé mu kala mu anʼa Nzambi ia Diulu. Mukonda muène mukua kulendukila athu a kambe kusakidila, a bhukumuka.

Nzuá 12:34

O kifuẋi-phe kia mu vutuila, exi: Etu tua di longo mu Kitumu kietu, kuma Kristu u xalela-ku kiá. Eie-phe ua-lu kuamba kiebhi, kuma o Monʼ a Muthu ku mavu a mu zangumuna-ku? Monʼ a Muthu, nanhi muene?

Nzuá 6:69

Etu tua xikana, tua kʼijiia kuma eie u Muthu Ukôla ua tundu kua Nzambi.

Jipoxolo 16:17

Anga u kaiela Phaulu ni etu, ni kudikola, uixi: Mala iá jiselevende ja Nzambi u kôla. Ene a tu tangela o njila ia kubhuluka.

Jipoxolo 2:30

Muène-phe kuma ua kexi polofeta, uejidile kuma Nzambi ua mu lokela kuila ku mbutu ia malômbo mê, hádia kukala muthu ua kà xikama ku kialu kiê kia ungana.

Jipoxolo 2:36

Uila kiki, dibhata dioso dia Izalaiele di tume ku kʼ ijiia mu kidi, kuma Jezú imoxi iíi, mua mu tele ku dikulusu, Nzambi ua mu bhanga muène Ngana, muène Kristu.

Jipoxolo 7:48

Sumbala Ió Uasuka ku Ukota kene kutunga mu jinzu jokalakale ni maku ma muthu, uila kia tange o Polofeta, uixi:

Loma 1:4

O mu kuidikiza kuzela kuê kua unzambi, o kufukunuka kuê kuene kua londekesa ni kutena kuonène, kuila Muène muene o Monʼ a Nzambi.

Dijingunuinu 3:7

O Anjo ia Ngeleja ia Filadélfia, mu sonekene kiki: Eme ió ukôla, mukua kidi, uala ni sabhi ia kexile ia Davidi, uila kia jikula kana muthu u jika, o kia jika kana muthu u jikula, ua-mbe kiki: