Luka 1:25 - O Mikanda Ikola

²⁵ Eué! Ngana ua ngi bhange o mbote! Izuuʼiíi muène ia ngi xinganeka o ku ngi katula muôndo muʼaxaxi ka akuetu. Kana-ku dingi muthu ua-nda ku ngi tela dibete.

Luka 1:25 ပူးပေါင်းရင်းမြစ်များ

Dimatekenu 25:21

Izake anga u diondela muhatuʼê kua Jihova, mukonda kala kuvuala; Jihova anga u mu ivua kudikola kuê, Bebeka mukajiʼê anga u imita.

II Samuuele 6:23

Mikala-phe, monʼa Saúlo ua muhatu tunde kienhokio ánga u kamba mona katé kiá bhu kizuua kia ufuilu uê.

Izaía 25:8

O kalunga ua ka kà bhuisa-ku muene nzaká, kienhiki Jihova ua kà kondona o masoxi mu pholo joso, inga mu ixi ioso u katula-mu o kusebuluka kua mundu uê, kuma Jihova muene ua ki tange.

Izaía 4:1

Bhu kizuuʼokio, sambuadi dia muhatu dia kà jijila diiala dimoxi, exi: Etu o kúdia, tudia jinga mu konda ietu, kuzuata tu di-zuika jinga etu-ene; hé kima, eie tu xikine ngó, a tu ijiie kuamba tu akajiʼé; katula ngó dilebhu dietu.

Luka 1:13

Mukunji anga u mu ambela, uixi: Ku kale ni uôma Zakadiia! Mukonda musambu ué Nzambi ua uivu. Muhatuʼé, Nzebele, ua-ndu ku vualela monʼa diiala, eie u mu luka dijina dia Nzuá.

Luka 1:24

Kia bhiti izuua iòfele, muhatuʼê Nzebele anga uimita, hé u suama hanji mʼonzo mbeji jitanu, uixi:

Jihebeleu 11:11

Kiejila mu kuxikana, kuila Mbalahamu u kala tata, sumbala ua kexile kiá kikulakaji, o Sala ue muene, thembu ia kuvuala ia mu bhiti kiá. Muène-phe ua xikanene kuila Nzambi uanda kukumbidila polomesa iê.

Afundixi 11:37

Muene anga u ambela tatʼâ, uixi: Ngi bhange ngó kiki: Ngʼehele mu mbeji jiiadi, ngiie mu nhunga mu milundu ni ku dila o undenge uami, ni eme ni ilumba ni akuetu.

I Samuuele 1:6

Mukajinʼê anga uia ni ku mu ondolola kiavulu phala ku mu ẋinuna nʼa kale ni dilamba, mukonda Jihova ua mu jika o divumu iu ua lémbua kuvuala.