Luka 1:20 - O Mikanda Ikola

²⁰ Kiki-phe u kala u dibubu, kutena kuzuela, katé kizuua kia kà bhita imʼiíi, mukonda eie kua xikana kizuelu kiami, maji o kiene-phe kia kà bhita bhu thembu iê.

Luka 1:20 ပူးပေါင်းရင်းမြစ်များ

II Jisobha 7:19

O kabhitangu muenʼió anga u vutuila o muthu ua Nzambi, uixi: O bhabha kiá né-mbe hanji o Nzambi ua bhangele jinjanena ku diulu, o kienʼiki muene ki xikina ku di bhanga, kala kia tange o kizueluʼiki? O polofeta anga u muʼambela, uixi: Tala, ua-nda ku ki mona muene ni mesuʼé, maji o kuene kua-nda kudia-ku.

II Jisobha 7:2

Maji-phe, kabhitangu kamoxi, muthu ene ku mu xamenena ku lukuaku luê kuala sobha, u vutuila muthu ua Nzambi, uixi: Tala, né-mbe hanji Jihova ua bhangele jinjanena ku diulu, o kiki ki xikina ku di bhanga? Muene-phe, uixi: Tala, ua-nda ku ki mona ni mesu mê, maji o kuene-phe kua-nda kúdia-ku.

Makatukilu 4:11

Jihova anga u mu ambela, uixi: Nanhi muene ua bhanga o dikanu dia muthu? U bhangesa kuila iú dibubu, iú muxilu, o iú u mona, iú kifofo? Manhi ki eme muene ngi Jihova?

Izaía 7:9

Hé kima, o Dikota mu Ifalaími ua ká kala Samádia, o muadiakimi mu Samádia o monʼa Lemadiia; O kienhiki, se mu kamba ku ki xikana, ki mu tena dingi kunangenena.

Izekiiele 24:27

Mu kizuua kienhokio-phe, kiene kiua kia-nda kua ku jikula o dikanu dié, mu kuambela ió ua subhuka-ku; anga ua kà kuata kuzuela, kua-nda kua kà kala dingi u dibubu mu kithangana kia dikota; kienhokio eie ua kà di bhanga u kijimbuete kia isunji ni madiuanu phala ene, nda a kà tene ku kʼijiia kuila ememuène ngi Jihova.

Izekiiele 3:26

Eme ue nga-nda kubhangesa kuila o dimi dié di naminina mu kanu, ua-nda ku kituka dibubu, kua-nda kukala u ala di tena ku a bazela; mbata ene ala bhata dia kubhukumuka enhó.

Daniiele 10:15

O kia kuata ku ngi zuelesa maka enhá, nga bheteka pholo iami bhoxi eme nga dixibha, mua ngʼiza ububu.

Dialuilu 20:12

Maji o Jihova uambela Mozé ni Alá, uixi; Tala, mukonda mua kambe ku ngi xikana eme, phala ku ngi kôlesa bhu mesu ma anʼa Izalaiele, mukonda dia kienhiki ki mua-nda kubokuesa dingi o kilombo kiki mu ixi i nga a bhana.

Marku 16:14

Jezú anga u tukulukila kiua ene oso, o kuinhi ni umoxi, kia xikama mu kudia, he u a bazela mukonda dia kuxibhaka ni kukola o muẋima, mukonda nguauâ kuxikana kia zuela io oso a mu mono ua fukunuka.

Marku 9:19

Muene u a kumbulula, uixi: Enu tata! Muiji ua kambe o kuxikana, tu kalaʼdi kate bhebhi? Kate bhebhi, ki ngi mi lendukila? Ngi bhekele-nê kunu.

Luka 1:19

Mukunji anga u mu tambuijila, uixi: Eme Ngabidiiele, ngene kuimana bhu pholo ia Nzambi. Muène iu ua ngi tumu ku ku zuelesa, ku ku tudila o njimbu iíi iambote.

Luka 1:21

Kiosuʼiki-phe imʼiíi iala kubhita, o kifuẋi ku kanga hanji ia kinga Zakadiia, anga a diuana mukonda dia kukokoloka kuê mu Tembulu.

Luka 1:22

Kia zubha kutunda-phe, ka tena ku a zuelesa. Anga a mu mona kuma ua diuana kisuma mu Tembulu. Muène anga u kuata ku a bhalula ni kubhanga ngó ijimbuete ni maku; u kala dibubu.

Luka 1:45

Eie ua zediua, mukonda ua xikana kuma hinu i bhita, ioso ia ku tudila kua Ngana.

Luka 1:64

Kathanganʼoko dikanu diê di jikuka, ni dimi diê di jituka, Zakadiia anga u kala dingi mù zuela ni kuximana Nzambi.

Loma 3:3

O kieneʼokio? Né-mbé amoxi-mu a kambele kuxikana, o kukamba kitongola kua ene, kuene ku selukisa o kukumbidila kua Nzambi?

II Timote 2:13

Se tua kambe kukala jifiiele, Muène hanji u xala fiiele, Kuma muène ka tena kualuluka.

Tito 1:2

Ubhezelu ua xamenena mu kudielela o muenhu ki uàbhua. Nzambi ka moneka makutu, muène ua tu kanena-nâ tunde xahulu ku dimatekenu dia ithangana ioso.

Jihebeleu 6:18

Phala bhu kale ima iiadi iakolo, ia bhingi Nzambi mu ku i tanga ka tena ku kala ni makutu, phala ku tu suinisa kiavulu o miẋima, etu oso tua lengela kua Muène, tueza, tua kuata o kudielela kueniʼuku kua tu bhana.

Dijingunuinu 3:19

Oso u nga zola, ngʼa bazela, ngʼa beta. Phaphumuka-phe, u diele o ituxi ié.