Luka 1:17 - O Mikanda Ikola

¹⁷ Muène u kala mukunji ua Nzambi, ua kà soka ni polofeta Elija mu nguzu ni kutena, nʼa kà bhangesa kuila o ana ni jitata a dʼivua, o ió abhukumuka a kà vutukila mu njila ia kuiuka, nʼa tena kubhangesa kuila o kifuẋi kia diembu dia Izalaiele ki di iudika mu kuxikamena o kuiza kua Ngana.

Luka 1:17 ပူးပေါင်းရင်းမြစ်များ

I Jisobha 17:1

Bhenhobho Elija, mukua lumono mu akua Ngiliiade, uambela Akabe, uixi; Ngana kuene kuala, Nzambi ia Izalaiele, uavu o pholo iê bhu ngala, kuma mivu iii ki kua-ndu suka mbundu mba kunoka mvula, kale kʼeme nga ki zuela.

I Jisobha 18:18

Kuala muene: Eme Izalaiele ki nga mu mu zukutisa, kana; ua mu zukutisa Izalaiele eie ni dibhata dia tatʼenu, mukonda mua xisa o ijila ia Ngana, enu mua kaiela hamba dia Bahale.

I Jisobha 21:20

Anga Akabe uambela Elija, uixi: Kiebhi nguma iami, ua ngi bongo kiá? Kuala muene: Nga ku bongo muene! Mbata eie ua di sumbisa kiá mu kubhanga kiaiibha ku mesu ma Ngana.

II Jisobha 1:16

Anga u mu ambela, uixi: Jihova uambe kiki: Eie ua tumikixina-hi jiphunga mu kuibhula kua Bale-Zebubu, nzambi ia Ekolone? Mbé mukonda dia kuila kana-mu Nzambi mua Izalaiele, nʼa mu ibhule o kizuelu kiê? Kala kiki, o ku hama iii ku ua sambela, kua-nda ku tuluka-ku dingi, maji ni kidi muene ua-nda kufua.

I Malunda 29:18

Eie Jihova, u Nzambi ia jitata jetu Mbalahamu, ni Izake, ni Jakobo, imʼ íii lunda-iu mu ilunji ni mu ixinganeku ia muẋima ua mundu uê; o mixima iâ, lungisa-iu kokué.

II Malunda 29:36

Ánga Ezekiia ni kifuẋi kioso a sanguluka mukonda o Nzambi muene-muène ua bhangesa o kifuxi kiê o ku di iudika kiambote, mbata o kikalakalu kiki a ki bhange lusolo.

Jisálamu 10:17

Eie-phe Jihova, uevu kioso kiala kuinda abelesela; eie muene ua a sungu muẋima, mu kuditenda kuâ eie u a evua.

Jisálamu 111:10

O kukala ni uoma ua Nzambi, muene muijiia unjimu; ene oso a mu tumaka, a kala muene ni kilunji kiambote, o diximanu diê dia kalʼê, katé ku hádia ni hádia.

Jisálamu 78:8

Ka soke dingi ni jitata jâ, muiji ua thathamana, ua xibhaka, muiji ua bhengalala o mixima, ku di tuma ni Nzambi a ki tokoka.

Izaía 29:24

O oso a tondala mu nzumbi, ia ela kuengi, a kà tambula kilunji; o akua kulongolola, a kèjiia ulongelu, kuma a kà xikina kiá ku a longa.

Amoji 4:12

Kala kiki, Eme-phe nga-nda ku ku bhanga kiki, eie Izalaiele ia kime! Muko-nda nga-nda ku ku bhanga kiki, di lunge-phe, Izalaiele, mu ku takana ni Nzambi ié!

Matesu 11:14

Se mu ki xikana, Nzuá muene Elija a mu kingile kuiza.

Matesu 14:4

Mukonda o Nzuá dia Batizu ua mu ambelele, uixi: Eie ku tokala kusakana ni muhatuʼa phangʼiê!

Matesu 3:3

Muenhú muthu a mu tanga kuala Izaia, o polofeta, uixi: Dízui dia ió u dikola mu ditutu, iudikenu njila ia Ngana, iukisenu o ikoka iê.

Matesu 3:4

Nzuá muenhú u kala mu zuata thanga ia ndemba ja kamelu, u di kuta phonda ia kibha mu mbunda; o kúdia kuê mahoho, ni uiki ua ditutu.

Luka 1:16

Ndumba dia akua Izalaiele, ua-nda ku a biluila kua Ngana dia Nzambi iâ.

Luka 1:76

Eie-phe kamona, a-nda ku kuixana Polofeta ia Nzambi ia Diulu. Kuma ua kà tuamenena bhu pholo ia Ngana mu ku mu iudikila jinjila jê;

Nzuá 1:13

Ene a di bhange anʼ a Nzambi, kana mu ku a vuala ku xitu ni ku manhinga, kana ku vondadi ia muthu, kale ngó ku vondadi ia Nzambi.

Nzuá 1:34

Eme nga ki mono kiá, kiene ki nga bhela umbangi, kuma muenhú Monʼa Nzambi.

Nzuá 3:28

Enʼuenu mu jimbangi jami ki ngʼ ambele, ngixi: Ki eme Kristu, maji a ngi tumu ngó ku mu tuamenena ku pholo iê.

Jipoxolo 10:33

Eme nga lenguluka o ku ku tuma; eie ue ua bhange kiambote ki ueza. O kikiphe etu oso tua bhongoloka bhabha ku mesu ma Nzambi, mu kuivua ima ioso ia ku tumu Ngana o kuzuela.

Loma 9:23

Kuma muène ua solo ue kuidikiza o unéne ua fuma iê ia lunduluila ku thandu dietu etu, a tu lendukila kuala muène, iú ua bhange mʼ ukulu munhá, phala ni tu tambule o fuma ienʼ ii.

Kolose 1:12

Muenda ni kusanguluka mu kusakidila Tata ua tu bhangesa o kufuama kididi kietu mu undundu ua akua Ngana mu Utuminu ua mukengeji.

II Timote 2:21

Se muthu-phe u di zelesa ku ima ioso iii iaiibha, u kala kitutu kia ujitu, kiazele, kia fuama muadiʼê, kia xikamena kubhanga na-kiu kimbamba kioso kiambote.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.

I Nzuá 2:28

Xi! Kiki-phe, tuana tuami, jijilenu o kukala mu ukamba ni Kristu, phala se uedi u tukuluka, tu bhue uôma. Mbé ki tu kale ni jisonhi bhu pholo iê, hé tuà ka bhindamena kudisueka bhu Kizuua bhuoso muène bhua kà tukulukila.

Dijingunuinu 20:4

Kia zubha kubhita kiki, nga mono iandu ni iá a xikama-ku. Enhá anga a a bhana o kutena kua kufundisa. Anga ngi mona ue o nzumbi ja ió oso a a batuile mítue mukonda dia kutanga ku mundu o umbangi ua kidi kiejile mú tukulula Jezú, ni mukonda dia maka ma Nzambi, ió oso a kambele kubheza o kiama ni kitèka kiê, a kambele kutambula o kidimbu kiê bhu dibhomo mba ku lúkuaku. Enhá anga eza dingi ni muenhu, hé a unda ku ungana ni Kristu, ungana u bhanga midi ia mivu.

I Samuuele 7:5

Samuuele anga u zuela dingi, uixi: Bhongololenu Izalaiele ioso bhu Mixipa, phala eme ngi mi sambele kua Jihova.