Luka 1:15 - O Mikanda Ikola

¹⁵ Mukonda muène u kala kota dia muthu bhu pholo ia Ngana, ka kà nua vinhu, mba kúnua kuoso-kuoso ku kodiuisa; hé uizala-phe ni Nzumbi Ikôla, tunde kiá mu divumu dia mamʼá.

Luka 1:15 ပူးပေါင်းရင်းမြစ်များ

Dimatekenu 12:2

eme-phe nga-nda ku ku sokolola, nʼukala u muiji ua dikota; ngi ku zediuisa, ngi jingisa o dijina dié; eie ua kala u dibesá.

Dimatekenu 48:19

Tatʼâ anga u dituna, uixi: Nga kʼijiia muene, monʼami, nga kʼijiia; muene ue uà di bhanga kifuẋi, uà kala ni kijingo; maji-phe ndengʼiê ua kà mu tunda uà kala ndumba ia ifuẋi.

I Malunda 17:8

Eme nga kexile jinge ni eie ku mbandu joso kuoso ku ua ditela jinga, jinguma jé joso nga ji jikinisa muene ku mesuʼé a kutala, katé bhu pholo ié kia-bhu-bhu, eme nga ku bhana o dijina dia kulu kala o dijina dia ilamba mu ngongo.

I Malunda 29:12

O umvuama uoso ni fuma i tunda kokué; eie u tumina o ima ioso, o bhu lúkuaku lué bhene bhuala o nguzu ni kutena; o bhu lúkuaku lué bhene bhuala o kuzangeleka o muthu ni kubhana nguzu ku ima ioso.

Jisálamu 22:9

Eie-muène-phe ua ngi katula mu divumu; eie ua ngi dielelesa kioso ki ngala hanji ku mele a mamʼetu.

Jelemiia 1:5

Kioso ngoho kiluua ngi kʼumba mu vumu dia mamʼenu, eme nga kuʼijiia kiá, kioso ue kiluua ngó u tunda mu vumu nga ku lumbu kiá; nga ku bhana ku akua jixi kukala u musesedi uâ.

Jelemiia 35:6

Maji ene exi: Ki tua-nda kúnua vinhu; mukonda Jonadabe, monʼa Lekabe, tatʼetu, ua tuʼambela, uixi: Ki mungu dingi mu nua vinhu, kixi enu, kixi anʼenu.

Ijila 10:9

Kana kúnua vinhu, mba kúnua kuoso-kuoso ku kodiuisa, né eie mba o anʼê oso u uala-nâ kioso ki muia mu balaka ia kutakanena, phala ki mu fue; ki kala kijila ku miji ienu ioso katé ku hádia ni hádia;

Zakadiia 9:15

Jihova dia Ilombo Ieta muene ua-nda ku a xitila; akua kubhânga ni jimbalafunda a-nda kua kà a jikinisa anga a a titidila muene bhoxi; o manhinga mâ a kà ma nua kala vinhu; a-nda kua kèzala kala jímbia ja sata, a kèla muene kiololo kala bhu jithungi ja Kalatódio.

Luka 1:14

Eie ua-ndu kala ni kutana ni kusanguluka; mu ku mu vuala kuê, athu avulu a-ndu sanguluka.

Luka 7:28

Eme ngi mi ambela kuma: Mu ʼaxaxi ka athu a a vuala ku ahatu, ki mu moneka muthu ua tundu Nzuá. Hanji-phe, uoso ua tolo mu Utuminu ua Nzambi, uala kota, o Nzuá ndenge.

Luka 7:33

Mukonda Nzuá dia Batizu ueza, ki muthu ua kúdia mbolo, ki muthu ua kúnua vinhu; exi-phe: Uala ni dimonho!

Nzuá 5:35

Nzuá ua kexile mukuâ ni kandeia ka uama, ka muika; enu-phe kia mi uabhelele kusanguluka kathangana mu mukengeji uê.

Jipoxolo 2:4

Ene oso anga ezala ni Nzumbi Ikôla, hé a kuata kutanga madimi mengi, kala kioso Nzumbi kia a bhana kuzuela.

Ngalásia 1:15

Maji bhu kithangana-phe kioso kia solo Nzambi, ua ngi tungula tundé mu divumu dia mamʼ etu, iú ua ngʼ ixana mu kiadi kiê phala ku mu bhikila.

Efezo 5:18

Kana kukodiua ni vinhu, mukonda i mi bhekela kutexika. Kota mu izale ni Nzumbi ia Nzambi.

Josuué 3:7

Jihova anga uambela Josuué, uixi: Kizuua kia lelu, ngi mateka ku ku jingisa ku mesu a Izalaiele ioso, ni ejiie kuma kioso ki nga kexile ni Mozé, kiene ki ngi kala ni eie.

Josuué 4:14

Mu kizuua kienhókio Jihova ua jingisa Josuué ku mesuʼa Izalaiele ioso; anga a mu kala ni uoma, kala kia kexi ni uoma ua Mozé katé bhu ufuilu uê.