Loma 9:4 - O Mikanda Ikola

⁴ Ene akua Izalaiele, o muiji uòsole kua Nzambi iú ua a bhange anʼ ê, iú ua a bhana ue ku fuma iê. Uate-nâ o ikutu iê, iú ua a bhana o Kitumu. O kubheza kua kidi ala na-ku ene, iá a tambula o jipolomesa ja Nzambi.

Loma 9:4 ပူးပေါင်းရင်းမြစ်များ

Dimatekenu 15:18

Kizuua kienhokio-phe Jihova u ta kikutu ni Mbalamu, uixi: Mbutu ié nga a bhana muene ixi iii tunde mu honga ia Ijito katé mu honga ia dikota, honga ia Ufalate,

Dimatekenu 17:10

Kikutu kiami ki mu kuata kienhiki, bhu kaẋi kami eme ni enu ni mbutu ié i ku bhingana; mala oso ku miji ienu kikale a kà a saia.

Dimatekenu 17:2

Eme-phe ngi ta kikutu kiami bhu kaẋi kʼeie nʼeme, nga-nda ku ku sokolola kiavulu muene.

Dimatekenu 17:7

Kikutu kiami nga kà ki kolesa bhu kaẋi kʼami ni eie, ni mbutu ié ioso hinu i ku bhingana, ku tunda muiji kuiza muiji, kala kikutu kinangenena kia bhingi eme ngi kala ngi Nzambi ié, ngi Nzambi ia mbutu ié hádia i ku bhingana.

Dimatekenu 32:28

Uixi dingi: Dijina dié ki di kala dingi Jakobo, di kala kia Izalaiele; kuma ua bhânge ni Nzambi, ua bhânge ni athu, ene oso ua a lende.

I Jisobha 8:11

Anga jinganga dituta dià fudisa kuimana mu kubhakula sata jâ, mbata o kizunda kia Nzambi kiezalesa inzo ioso ia Ngana.

Nehemiia 13:29

Enhá ku a jimbe, Nzambi iami, mbata o unganga a u xidisa, ni kikutu ue kia unganga a ki zange, o kikutu kiangene kia akua Leví.

Jisálamu 147:19

Uidikiza o maka mê kua Jakobo, ni ijila ni jiphangu jê kua Izalaiele.

Jisálamu 63:2

Phala kutongolola o kukula kué ni kuuabha kué, kala ki nga ku mono mu tembulu ié.

Jisálamu 73:1

Ni kidi kiene Nzambi u bhanga mbote kua Izalaiele, oso kiá a zele mu miẋima!

Jisálamu 78:61

Alaka ia nguzu iê ua i ehela, a i bhûnda, a i ambata, kijimbuete kia fuma iê ki kala bhu maku a jinguma.

Jisálamu 89:3

Uixi: Nga te kikutu ni muthu uami nga mu solo, selevende iami Davidi nga mu lokela.

Jisálamu 89:34

Kikutu kiami ki ngi tena ku ki zanga, mba kuzuela luiadi o kima kia ngi bhiti ku mizumbu iami.

Jisálamu 90:16

Jiselevende jé a ku mone ki u kalakala, o fuma ié i tukuluke ku anʼâ.

Makatukilu 12:25

Ku hádia-phe kioso ki mua kà bhiẋila mʼoxi ia tange Jihova ku mi bhana-iu, mua kà kumbidila ue o kijila kienhiki.

Makatukilu 34:27

Nzambi anga uambela dingi Mozé, uixi: Maka oso iá, soneka-u. Mukonda, kala kia lombolola o maka enhá, nga te kikutu kiami ni eie ni Izalaiele.

Makatukilu 4:22

Bhenhobho eie ua kʼambela Falaó, kuma: Jihova uambe kiki: Izalaiele monʼami, monʼami ua phande-kumbi.

Makatukilu 40:34

Kia zubha kubhanga kiki, dituta dia vungina balaka ia kutakanena, balaka ioso iezala ni kubenha kua Jihova.

Izaía 41:8

Maji eie-phe, Izalaiele, u selevende iami, eie, u Jakobo, u muthu nga ku tungula, u mbutu ia Mbalahamu dia kamba diami,

Izaía 46:3

Ngʼivue kunu, diembu dia Jakobo, tata, nʼenu mu masubhu ma diembu dia Izalaiele; enu mu athu nga mi ambatela bhu maku tundé mu mala; eme nga mi lela tundé mu divumu.

Izaía 5:2

Ua di kondoluesa kikanzo, matadi ua ma sengulula-mu, iú ua phaphe-mu mivide ia mbutu iambote; o muʼaxaxi ka díbhia dia muvide ua tungu-mu inzu ia matala, iú ua iudika-mu ue ditangi dia kuketela vinhu; iú uene kudielela kuila muvide uima ji-uva jauabha, maji uene ua bhana ikola-kola.

Izaía 60:19

Dikumbi ki diene dingi di ku muikina mu muanha, o mbeji ue ki iene ia kà ku muikina ni mueje uê; maji Jihova muene ua kà di bhanga mukengeji ué ua kalelà-ku, o Nzambi ié muene u kala o kizûnda kié.

Jelemiia 31:20

Manhi Ifalaíme ki monʼami ua hate? Kamona kami ka makembu? Mukonda kioso ki ngi zubha ku mu zuela ima ia ku mu bhanga kia ibha, hanji ngi mu xinganeka ni muẋima uoso; kienhiki miẋima moxi i ngi bhuá-mu mukonda dia muene, hanji nga-nda ku mu kuatela henda ia vulu, Jihova ua ki tange.

Jelemiia 31:33

Maji o kiki kiene o kikutu ki nga-nda kuta ni bhata dia Izalaiele, kia-nda kúbhua o izuuʼoio, Jihova ua ki tange: Nga kà ta o kitumu kiami mu thulu iâ, nga kà ki soneka muene ku muẋima uâ; eme nga kà kala ngi Nzambi iâ ene a kà kala mundu uami.

Jelemiia 31:9

À keza ni kudila, nga kà ambata ni kudionda; ngà kʼendesa ku tungiji tua menha, ngiia-nâ mu njila ia iuka, mua bhingi, kà ka dibhukana dingi; kuma eme nga di bhange ngi tata phala Izalaiele, O Ifalaíme muene phande-kumbi iami.

Izekiiele 1:28

Mukuâ ni ki kala o hongolo ku diulu, ki i moneka ku matuta bhu kumbi dia mvula, kiene ue kia di-fuile o mukengeji uenhú ua kondoloka mu jimbandu; kienhiki kia di-fuile o kubenha kua unéne ua Jihova; o kienhiki kioso ki nga ki mono, nga dibhale o pholo bhoxi, eme ngevu o dízui dia ió ua kexile mu zuela.

Hozeia 11:1

Izalaiele kioso kiala hanji kamona ka ndenge, Eme nga mu zolo kiá; o mu Ijitu muene mu ngexanena monʼami.

Dialuilu 7:89

Mozé kioso kia bokona jinga mu balaka ia kutakanena mu kuzuela ni Jihova, uívua dízui di mu zuelesa, di tunda ku kibhuna kia kiadi kiala ku thandu dia álaka ia umbangi, bhu kaẋi ka xelube jiiadi; kienhiki kiene kia mu zuelesa jinga.

Matesu 21:33

Ivenu kifika kiamukuá: Kua kexile mukua dibhata, u dimisa mulenga, u u xita kikonzo, u kanda-mu ditangi dia kukamena vinhu, hé u tunga-mu inzu ia matala ia kulangidila, anga u u lukalesa ku idimakaji, anga uia ixi iengi.

Nzuá 1:17

Mbata o Kitumu a ki bhelele kua Mozé, o kiadi-phe ni kidi, kiejila kua Jezú Kristu.

Nzuá 1:47

Jezú kia mono Natanaiele ua-la mù kuiza ko-kué, uixi: Talenu! Muthu ió mukua Izalaiele ua kidi, moxi diê kene ni kádia!

Jipoxolo 2:39

Kuma o kizuelu kiê kia bhana, kia mi tokala enu, ni anʼ enu, ni oso ala ku makanga, oso kiá a kà exana kuala Nzambi, Ngana ietu.

Loma 3:2

Sai-ku muene kubhanduluka mu ikexilu iavulu! Kima kia dianga-phe o kuila kuma o Jijudé ene Nzambi a a bhakesele o Njimbu iê.

Loma 8:15

Mbata enu ki mu tambula Nzumbi ia ubhika, kuila mu kala dingi ni uôma. Maji mua tambula Nzumbi ia uana i mi bhangesa kukala mu anʼ a Nzambi, o mu nguzu ia tu bhana o Nzumbi, ki tu bhana kudikola kua Nzambi: Abha, Tata!

Loma 9:6

Ki tu fike-phe kuila o kizuelu kia Nzambi kia lémbua. Kuma a tokala Izalaiele, ene oso ki akua Izalaiele osole kua Nzambi.

II Kolindo 11:22

Kifua ene jihebeleu? Ni eme uami. Manhi akua izalaiele? Ni eme uami. Kifua ene o luvualu lua Mbalahamu? Ni eme uami.

Ngalásia 3:16

O jipolomesa-phe ja bhana Nzambi kua Mbalahamu ua mu tangela-ju, ni ió u tunda ku mbutu iê. Kambe uixi: Ni iá a tunda ku Jimbutu, kala avulu; maji uambe kala muthu umoxi muene, uixi: Ni ió u tunda ku mbutu iê, muene-phe Kristu.

Efezo 2:12

Thembu ieneʼoio mua di batukile ni Kristu. Mua kexile mu asonhi, o mu dianda dia Izalaiele, o muiji uòsole kua Nzambi, enu ki mu tokalele-mu. Ki mu kexile ni mbandu ue ku ikutu ia tundu ku jipolomesa ja bhele Nzambi o mundu uê. Enu mua kexile mu ngongo mumu, sé ngó kima ki mu dielela, sé ue Nzambi.

Matendelelu 14:1

Enu muala mu ana a Jihova Nzambi ienu, né-mbe mua fundu muthu kana ku di bhuta mabhaia mu mítue mba mu di ẋanga jiphoko ku mukutu.

Matendelelu 29:1

Iá ene o maka ma kikutu kia tumu Jihova kua Mozé, mʼoxi ia Mouabhe, uixi: Ta-na-kiu, ni anʼa Izalaiele, ku thandu dia Kikutu ki nga a bhana kiá bhu Holebe, kuma kiokio kiengi.

Matendelelu 29:14

O kikutu kienhiki-phe ni mulôko uenhú, eme ki nga mu ki ta ngó nʼenu.

Matendelelu 31:16

Jihova iú uambela Mozé, uixi: Talesa-ze, eie ua-nda kuia kiá ku kilu ku àia jitata jé; o kifuẋi kiki kia-nda kufundumuka mu kubhanga lubhandu lua jinzambi jengi, ja akua-jixi, kua-nda ku di telʼuku; eme a-nda ku ngi xa, o Kikutu ki nga tele-nâ a-nda ku ki bula.

Matendelelu 4:13

Bhuene bhua mi bhela o kikutu kie-muene, kia mi xindila o kuinhi dia Ijila iu ua mi ambela, uixi: Kumbidilenu-iu, anga muene u i soneka ku mabáia maiadi ma matadi.

Matendelelu 7:6

Mbata eie ki ualʼokio u povo iangene ia Jihova Nzambi ié; O Jihova. Nzambi ié ua ku tungula muʼaxaxi ka ifuẋi ioso ia tungu kʼulu dia mundʼuku, phala u kale kiá u povo ia mu fuama muene ngó.

Jihebeleu 9:1

Katé ni kikutu kia dianga mʼukulu kia kexile ni ijila ia ubhezelu, anga ki kala ue ni kididi kiê kià ngene kia kubhezela.

Jihebeleu 9:10

Iene ioso íii ia tange ngó makudia, ni makunua, ni nzungule ia jifesa ja ku di zelesa. Ilekelelu ia xitu i sedivila ngó kathangana katé Nzambi kia kà bhangulula o ima ioso.

Jihebeleu 9:3

O kuema dia kibatulu kia kaiadi, balakʼoio a ixana mu Kididi-Kikôla-Kinéne.

Jihebeleu 9:5

O ku thandu dia álaka kua kexi jikelubini jibenha jʼedikiza o Kizunda kia Nzambi, joleka o mabhabha mù vungina o kididi kia kulolokela o ituxi. Ima ioso iii-phe ku i lombolola kindalʼiki mu kimoxi-kimoxi, ki tu tena.

Jihebeleu 9:6

Kia zubha-phe kuiudika imʼiii, o jinganga ji kala mu kubokona jinga mu balaka ia suku ku kanga, mu ku kumbidila o sedivisu ia kubheza.