Loma 9:30 - O Mikanda Ikola

³⁰ O kiki-phe, tuila kiebhi? Kuma ió ki Jijudé, o akua jixi jengi, ka sotele o kulunga kua Nzambi, kulunga a ku mono, kuene-phe kua kulungila mu kuxikana.

Loma 9:30 ပူးပေါင်းရင်းမြစ်များ

Jisabhu 15:9

Njila ia muthu uabhumu, kua Jihova kisunji; maji muene-phe ua diuabhela ni uoso u kaiela o kuiuka.

Jisabhu 21:21

Uoso u kaiela o uiukilu, nʼa jijila kubhanga o mbote, ua-nda kobonga muenhu, ni kulunga ni kijingo.

Izaía 51:1

Enu-oso mua ku ta muẋima ku ufundisilu ua kidi, ngʼivienu, nʼenu muala kusota Jihova, talenu ku ditadi kuoso ku a mi bamiune, talenu ku dikungu dia dibânda mu a mi kandele.

Loma 10:10

Kuma muthu u xikana ni muẋima, nʼ a mone o kulunga; u fisala ni dikanu nʼ a bhuluke.

Loma 10:20

Izaia-phe u zuela sé uôma, uixi: Nzambi a mu sange kuala athu kà kexi ku mu sota, ua tukulukila kua ió kà kexi ku mu ibhula.

Loma 10:6

Maji o kulunga-phe ku tunda mu kuxikana, kuixi kiki: Kuile ku muẋima ué uixi: Nanhi ua kà banda ku diulu?—mbebhu o kubheka Kristu bhoxi.

Loma 3:5

Maji se o kutondala kuetu-phe kua sedivila phala kulondekeza o kuiuka kua Nzambi, tuila kiebhi? Manhi tuila Nzambi ua tondala mukua ku tu beta ni njinda? (Bhabha eme nga ki ambe ngó mu uzuelelu ua athu).

Loma 4:11

Kuma muene a mu saie kiá kueza kunu. O kifua kia kusaia ua ki tambula kuma kijimbuete, kidimbu kiedikiza o kulunga kuê kua muena mu kuxikana, kuila hanji-phe iú ku kanga, kiluua a mu saia. Kia bhiti kieniki phala Mbalahamu a kale mu nzumbi, tata ia oso a xikana Nzambi, né ku kanga kú ala, ka a saie, a a bhanga konda kuma alungu.

Loma 4:13

Kuma Nzambi o kikutu kia bhele kua Mbalahamu ni luvalu luê, kuma hinu ene a lundula oxi, ki kiejila mukonda uaiuka o Kitumu, maji kiejila mu kulunga kua kuxikana, o Nzambi iú ua mu xikina kuma ua lungu.

Loma 4:22

Mukonda dia kiki, mu kuxikana, Mbalahamu a mu xikina kuala Nzambi kuma muthu uaiuka.

Loma 4:9

Manhi o kuzediua kuku-phe kua tange Davidi kua tokala ngó iá ala mu kifua kia kusaia? Kana! Kua tokala ue ni iá a kambe kifua kia kusaia. Kuma tuambe, tuixi Mbalahamu ua xikanene Nzambi, o kuxikana kuê anga a ku bhanga konda, Nzambi iú ua mu xikina kuma muthu uaiuka.

Loma 5:1

Kia tu xikina Nzambʼ iki mu kuxikana, tuala ku paze ni muène mukonda dia Ngana ietu, Jezú Kristu.

Loma 9:14

Kiki-phe tuila kiebhi? Manhi tuila Nzambi mukua mangonha? Ki ki xikina!

Loma 9:31

Izalaiele-phe, o muiji uòsole kua Nzambi, a sotele o Kitumu ki tena ku lungisa, maji o kia kexi mù sota a ki tokoka.

Ngalásia 2:16

Kiene ue etu ki tua xikanena Kristu Jezú, phala Nzambi a tu ẋikinine mu kuxikanʼ oko ku tua xikana Kristu, kana mu kubhanga imbamba ia Kitumu. Mukonda mu kubhanga o imbamba ia Kitumu ki muene dingi mu lungila muthu kua Nzambi.

Ngalásia 3:24

Uila kiki, o Kitumu kifua kia biluka kiledi kietu ki tu tambula konda katé bhuoso bhu ijila Kristu, mbé Nzambi a tene ku tu xikinina mu kuxikana.

Ngalásia 3:8

O Mikanda Ikôla ue mu kuzambula kuila Nzambi ua kà lungisa matumbu mu kuxikana, kiene ki ia longela jinga o Njimbu Iambote mʼukulu kua Mbalahamu, iexi: Madiembu moso ma kà zediuila kokuê.

Ngalásia 5:5

Kuma etu, tuala ni kudielela kuila hadia Nzambi ua kà tu xikina. Mukonda kienʼ iki kiene ki tua kinga mu kutena kua Nzumbi ia Nzambi, ió u tena o kukalakela mu kuxikana kuetu.

Efezo 2:12

Thembu ieneʼoio mua di batukile ni Kristu. Mua kexile mu asonhi, o mu dianda dia Izalaiele, o muiji uòsole kua Nzambi, enu ki mu tokalele-mu. Ki mu kexile ni mbandu ue ku ikutu ia tundu ku jipolomesa ja bhele Nzambi o mundu uê. Enu mua kexile mu ngongo mumu, sé ngó kima ki mu dielela, sé ue Nzambi.

Filipe 3:9

O kulunga kuami, ku ngi kala na-ku, ki ku kale kua kulungila mú kualuka o Kitumu, maji kua kulungila mù xikana Kristu, kuene o kulunga ku tunda kua Nzambi, kuijiia mu kuxikana.

I Timote 6:11

Maji eie-phe u muthu ua Nzambi, ima ienhiʼii lenga-iu. U kaiele jinge o kuiuka, o kuxila Nzambi, o kuxikana, o kuzola, o kukolokota ni kubelesela.

Jihebeleu 11:7

Kiejila mu kuxikana, Noué kia mu dimuna kuala Nzambi, ku ima ianda kubhita, o iene kiluua i moneka. Noué anga u tumaka Nzambi, hé u tunga álaka, ia mu bhulula muène ni akua bhata diê. Mu kubhanga kiki anga u belesa o mundu uoso, hé u tambula kua Nzambi o kuiuka kuijiia mu kuxikana.

I Phetele 4:3

Kuma o thembu ia bhiti-ku ia soko kiá ia kubhanga ioso ia uabhela kubhanga o matumbu, kejiia Nzambi. Mukonda mu thembuʼomo enu uenu mua kexi mu kuenda mu jiphànda, ni mu jihânji ja xitu, ni mu uhôlua, ni mu ufusa, ni mu jifesa ja kukodiua, ni mu isunji iaiibha ia kubheza o iteka.