Loma 9:26 - O Mikanda Ikola

²⁶ O ku pholo ku muia, bhuoso bhua kà mi ambela exi: Ki mu mundu uami, kana! Bheniobho bhene bha kà mʼ ixana mu anʼ a Nzambi ia muenhu.

Loma 9:26 ပူးပေါင်းရင်းမြစ်များ

Jisálamu 42:2

Muenhu uami ua ngʼizala ni dinhota dia Nzambi, o Nzambi ia muenhu; kizuua kiahi ki nga kà bhixila, hé ngi di bhakula bhu pholo ia Nzambi?

Izaía 43:6

Ngambela mbandu ia suku, ngixi: Bhana! Anga ngambela mbandu ia sulu ngixi: Kana ku a bhaka; ngi bhekedienu anʼami a mala ene dikanga; ni anʼami a ahatu ene kua suku oxi.

Daniiele 6:26

Eme nga bhana ngonge, kuila, oso a tokala mu jixi ja usobha uami, ende ni kuteketa ni kuxila o Nzambi ia Daniiele; mbata muene o Nzambi ia muenhu u xialelà-ku, o utuminu uê kene ku u jima, o ungana uê ua kalʼê katé ku dizubhilu.

Matesu 16:16

Kuala Ximá Phetele: Eie u Kristu, Monʼa Nzambi ia muenhu.

Nzuá 11:52

Kienhiki o muiji ió ue ki uene ngó ua fuila, maji uà fuila kubhongolola kumoxi anʼ a Nzambi oso a di muangena ku makanga.

Loma 8:14

Kuma oso a endesa kuala o Nzumbi ia Nzambi, ene anʼ a Nzambi.

Loma 8:16

O Nzumbi ia Nzambi muene u bhana umbangi ni nzumbi jetu, kuma tuala tu anʼa Nzambi.

Loma 8:19

Kuma o ibhangelu ioso ia xibhidila ni ku kinga o kithangana kia kutukuluka kua anʼ a Nzambi.

II Kolindo 6:18

Ngi mi kale ngi Tata ienu, enu mu ngi kale mu anʼ ami a mala ni àhatu kiene kiambe Ngana Uatena-Ioso.

Ngalásia 3:26

Mukonda enu oso mua di bhange mu anʼ a Nzambi, mu kuxikana Kristu Jezú.

Matendelelu 14:1

Enu muala mu ana a Jihova Nzambi ienu, né-mbe mua fundu muthu kana ku di bhuta mabhaia mu mítue mba mu di ẋanga jiphoko ku mukutu.