Loma 9:20 - O Mikanda Ikola

²⁰ Maji eie nanhi, kamba diami, eie u muthu u kuata phata ni Nzambi? Manhi o imbia ia utuma ibhula ió ua i bhange, kuila: Eie ua ngi bhangela-hi kiki?

Loma 9:20 ပူးပေါင်းရင်းမြစ်များ

II Samuuele 16:10

Sobha-phe, uixi: Eie kia ku kuatela ni kima kiahi, eie u monʼa Zeluia? Muehienu a xinge, kala kia mu ambela Jihova muene kuila: Xinga Davidi. Abha-phe se kiene, nanhi dingi u tena ku mu ila: Phalahi eie uala mu bhanga kiki?

Jobe 16:3

Manhi, izuelu ienu ia kitembu, ki ia-nda ku kala dingi ni dizubhilu diê? Inga, kima kiahi kia ku thathamesa phala u vutule kienhiki?

Jobe 33:13

Phalaʼhi u zoka ni muene, ni kuila uixi ioso i ngi bhanga ka-nda ku ngʼibhula kima?

Jobe 36:23

Nanhi u tena ku muʼibhula ioso ia bhange muene mu njila iê, mba nanhi ua muʼedi kuma: Eie ua bhange kia ibha?

Jobe 40:2

Manhi o kuzoka mu ku bilukila Muteni-a-Ioso, kuene o kulonga? Uoso u tembula Nzambi mu kienʼiki, a vutule hanji ku ima ienʼiii.

Jobe 40:5

Nga zuela lumoxi, ki nga-nda ku vutula dingi, mba-phe luiadi, kuabhu muene, ki nga-nda kuia dingi ku pholo.

Jobe 40:8

Ni kidi kiene, eie kufundisa kuami ua-ndu ku kitula kingoho, mba u ngi belesa eme, eie ni u di lungise?

Jobe 9:32

Mukonda muene Nzambi ki muth kala eme, kuila eme ngi mu vutuila, ni tuijila kumoxi mu kufunda.

Izaía 10:15

Kifua dikuua di ta nzabala kua ió ua di kuata bhu maku mu koka muxi? Inga o sela i di thatha kua ió u batula na-iu? Mbé o mbangala i nhikisa oso a i kuata, inga o mbasá i balumunʼé o lukuaku lua ió uala na-iu?

Izaía 29:16

Enu ima ioso mua i tumbulula! Kala o mumbi ua sokela ni utuma, mba o kima kiòʼbhange kiamba o hete kuma: Kʼa ngi bhange; o kitutu kiamba ngumbi iê kuila: Ió kiximba. Kʼejiia kima.

Izaía 64:8

Maji kindala-phe, Jihova eiʼeie u Tatʼetu; etu tu utuma, eiʼeie u ngumbi ietu; etu ene-oso tu kibhangelu kia maku mé.

Jelemiia 18:6

Mbé eme ue ki nga soko-bho o ku mi bhanga kala kia bhange o ngumbi iú, enu mu dibhata dia Izalaiele? Jihova ua ki tange. Talaze, mukua ni utuma bhu maku ma ngumbi, kiene ue ki muala enu bhu maku mami, enu mu dibhata dia Izalaiele.

Daniiele 4:35

Kua muene athu oso atungu mu ngongo kingoho, kioso kia mu kala mu vondadi iê kiene kia bhanga ni ku ilômbo ioso ia diulu ni ku jithungiembu joso bhoxiʼabha; kana-ku muthu utena kufudisa lukuaku luê, ni kuila: Ua-nda bhanga kiebhi?

Mikeia 6:8

Muene ka kuambela kiá, eie u muthu ua-kimi, kioso kia uabha, kia fuama, kia solo Ngana kuma kiene ki u bhanga, kuila ubhanga jinga kuiuka ni kubatula mu kidi, uzola kubhanga o mbote, ukala jinga mu kuenda bhu pholo ia Nzambi ié ni ku di tululula?

Matesu 20:15

Kífua o kiami eme-muène, ki ngi bhangeʼami na-kiu kioso ki nga mesena? Eie o diesu diê di kala ni dixinga, mukonda diami eme nga bhange o mbote?

Luka 12:14

Jezú-phe uixi: Ialʼé, eme nanhi ua ngi bhange ngi mufundixi, mba ngi muthu ua ku mi uanesa jimbongo?

Loma 14:4

Eie-muene, eie nanhi uala mù kuelêsa o selevende iangene? Ngana iê muene uanda kumona o phangu, se muène u tolola mba uanda kubhubhuka-ku. Maji-phe u tolola muène, kuma Ngana uala ni nguzu ia ku mu bhangesa kutolola.

Loma 2:1

Kienʼ iki, eie u muthu ua kime, uala mù kuêlesa akuenu? Kiosokioso ki u kalé, eie-muène ue ku lungu. Mukonda kioso ki u êlesa mukuenu, eie ue anga u kuata kubhanga ima iene imoxi, ua di êlesa eie-muène.

Loma 2:3

Maji eie u muthu ua kime uaka mù kuêlesa o athu a bhanga imʼ íii, eie-muène ue iene i ualù bhanga! Ua fika kuma eie-muène u bhulaka mu kufundisa kua Nzambi?

Loma 9:21

Manhi o mumbiʼó kala ni kidi kiê, kia kuata utuma ni kubhanga kioso kiandala? Muene mu mbumbi imoxi u katula-mu kitutu kimoxi kia beta ujitu, ni kitutu kiamukuá kioso-kioso.

Loma 9:22

Nzambi ue kiene kimoxi kia bhange. Muène kia solo kuidikiza o njinda iê, ni kuijidisa nguzu iê. Ni muanu uavulu, ua xididikila eniʼó a tokalele kiá o ku a bhana kaxtiku, iá eji ku a jima o mbutu.

I Kolindo 1:20

Mu kienʼ iki, o njimu iú kuebhi? Mba uatongoloka uebhi? O ṗhoxi ja kuzuela mu ngongo mumu, a suku bhebhi? Nzambi uene mù kuidikiza kuila o unjimu ua mu ngongo mumu ua di bhange uoua!

I Kolindo 7:16

Eie u muhatu ua kidistá, ua kʼ ijiia kiebhi se muadi ué u mu bhulula? Ni eie u diiala dia kidistá, ua kʼ ijiia kiebhi se muhatuʼé u mu bhulula?

I Timote 6:5

ni kuhoia kua kambe mbàmbe kua athu a bolo kilunji, a tokoka o kidi. Athu kala kiki a fika kuila o kubheza (Nzambi) mubhetu ua kumuena umvuama. Athu a kala kiki, a sondoloke.

II Timote 2:20

Mʼonzo ia dikota-phe ki mu kala ngó itutu ia ulu ni phalata, mu kala ue ni ia mixi ni ia mavu. O ii ia ujitu phala ngó ku i katula bhu ithangana ia tokala, o iamukua-phe iene ia izuua ioso.

Tito 2:9

Longesa abhika a di tume kiambote ni jingana jâ, a a uabhese o muẋima mu ima ioso. Ka te-bhu phata, mba aia ni kuvutula.

Tiiaku 2:20

Semenhi ia muthu! Tuma-phe ku kʼijiia, kuma: O kuxikana kua di kalela sè ima ia kubhanga, kuxikana kua ngoho.