Loma 9:19 - O Mikanda Ikola

¹⁹ Sai-phe muthu mudienu uanda kuila: Se kieniiki ki kiala, Nzambi-phe u tatela kiebhi o muthu? Nanhi u ẋinukina ioso iandala o kubhanga Nzambi?

Loma 9:19 ပူးပေါင်းရင်းမြစ်များ

Dimatekenu 50:20

Enu muambele muene ku ngi bhanga phulu; Nzambi-phe ua ki lungulula ki kia di bhange mbote; Muene ua ki bhitisa kiengi kala ki mua ki mono kizuua kia lelu, phala ku bhulula mienhu ia ndumba.

II Malunda 20:6

anga uila, uixi: Àuá! Jihova, tata! Nzambi ia jitata jetu, kifua kʼeie muene u Nzambi mu diulu? Kʼeie muene u Mutumini ku thandu dia mautuminu moso ma akua jixi? O bhu lukuaku lué bhuene bhuala o nguzu ni kutena, ki kuala u tena kubhânga nʼEie.

Jobe 9:19

Se tu tanga nguzu ia dizonda, Muene, uila: Emʼiú. Se mu kufundisa kua kidi, nanhi ua kà ngi xitala ni muene?

Jisálamu 76:10

Mbata ni kidi kiene, eie o njinda ia muthu i biluka diximanu dié; o ia subhuka-bhu eie u i sukika.

Izaía 29:16

Enu ima ioso mua i tumbulula! Kala o mumbi ua sokela ni utuma, mba o kima kiòʼbhange kiamba o hete kuma: Kʼa ngi bhange; o kitutu kiamba ngumbi iê kuila: Ió kiximba. Kʼejiia kima.

Daniiele 4:35

Kua muene athu oso atungu mu ngongo kingoho, kioso kia mu kala mu vondadi iê kiene kia bhanga ni ku ilômbo ioso ia diulu ni ku jithungiembu joso bhoxiʼabha; kana-ku muthu utena kufudisa lukuaku luê, ni kuila: Ua-nda bhanga kiebhi?

Marku 14:21

Kuma Monʼa Muthu ua-nda kufua kala kia muambe o Mikanda Ikola. Maji o muthu ió-phe, lamba die uoso u mu thelekala! Muthu muenho kimuua se ka mu vualele!

Jipoxolo 2:23

muenʼió, mu kuijiia kua Nzambi ni kikutu kiê ki a ta jinga mʼokulu, mua mu bhakuile enʼuenu bhu maku ma iiala iabhumu, mua mu phaphelesa ku dikulusu, mua mu jibha.

Loma 11:19

Enu-phe muanda kuila: Kiene muene! Maji o jithangu a ji bukuile-ku phala nʼ a tu phaphe-ku etu.

I Kolindo 15:12

Kiki-phe, etu se tua mu kola kuma Kristu ua fukunuka mu ʼalunga, enu amoxi mudienu muala kuila kiebhi kuma ki kuene kufukunuka mu ʼalunga?

I Kolindo 15:35

Sai-phe ni iú uanda kuibhula kuila: O madifundu-phe a fukunuka kiebhi? Hinu ene à kèza ni mukutu ua kidifua kiahi?

Tiiaku 1:13

O muthu kia dianguka mu ithangana ia malamba ienhiʼii, kʼeie, uixi: Nzambi muène ua ngi diangula. Mukonda Nzambi kene ku mu diangula ku kima kiaiibha kioso-kioso, o muène ue kene mu diangula muthu.

Tiiaku 2:18

Sai-phe ni muthu uila, uixi: Eie uala ni kuxikana, eme ngala ni ima i ngi bhanga. Ngʼidikize-phe o kuxikana kué kua di kalela sè ima i u bhanga, eme-phe mu ima i ngi bhanga, muene mu ngi ku idikiza o kuxikana kuami.