Loma 9:18 - O Mikanda Ikola

¹⁸ Uila kiki, Nzambi u lendukila uoso ua mu andala, o ka mu andala u mu kolesa o muẋima.

Loma 9:18 ပူးပေါင်းရင်းမြစ်များ

Makatukilu 10:1

O kia bhiti imʼiii Jihova anga u ambela Mozé, uixi: Bokona kua Falaó; kuma eme nga mu kolesa o muxima, ni muene di akua mbèle iê, phala ngʼidikize isuma iami iii muʼaxaxe kâ.

Makatukilu 10:20

Maji o Jihova-phe ua kolesa muxima ua Falaó, o kueha anʼa Izalaiele, ka ki bhange.

Makatukilu 10:27

Maji-phe Jihova ua kolesʼê o muxima ua Falaó, ka ẋikina ku a eha.

Makatukilu 11:10

Ni Mozé ni Alá ene a bhange o isuma ioso iii bhu pholo ia Falaó; Jihova-phe ua kolesa o muxima ua Falaó, o kueha anʼa Izalaiele kutunda mʼoxi iê, ka ẋikina ku ki bhanga.

Makatukilu 14:17

Eme-ze ngi kolesa o miẋima ia akua Ijitu, phala ene uâ a kutuke-mu mu ku a kaiela; bhenhobho ngi tambula fuma ku thandu dia Falaó, ni ku kilômbo kiê kioso, ni makalu ê a ita, ni kavalelu jê.

Makatukilu 14:4

Eme-phe ngi kolesa o muxima ua Falaó, o muene ua-nda ku a kaiela, eme bhenhobho nda ngi fumane ku thandu dia Falaó, ni ku thandu dia kilombo kiê kioso, akua Ijitu phala à kʼejiie kuma eme Jihova, O ana a Izalaiele anga a bhanga kienhókio.

Makatukilu 4:21

Jihova anga u ambela Mozé, uixi: Mu kubhiẋila mu Ijitu, u kumbidila o kubhanga bhu pholo ia Falaó o madiuanu oso u nga ku bhana bhu maku; eme-phe nga kà mu kolesa o muxima uê, ka-nda kuẋikina kueha o ifuẋi.

Makatukilu 7:13

Falaó-phe bhenhobho u kola muẋma, ka ẋikina ku a evua; kiene kia tange Jihova, kiene.

Makatukilu 7:3

Eme-phe ngi kolesa o muxima ua Falaó, ngi vudisa ijimbuete iami ni madiuanuʼami mʼoxi ia Ijitu.

Makatukilu 9:12

Maji o Jihova ua kolesa o muxima ua Falaó, ka ẋikina ku a evua; kiene kia tange Jihova kua Mozé, kiene.

Makatukilu 9:7

Falaó anga u tuma kutala ku ibhaku ia anʼa Izalaiele, u sanga kidi muene ni kibhaku kimoxi ngó ki kiafu-ku. Maji o muxima ua Falaó-phe ua thathamana, o mundu nguê ku u eha.

Izaía 63:17

O kiki-phe, Jihova ua tu luezesa kiebhi o kuenda mu jinjila jé? o muẋima uala ku tu kolesa-u kiebhi, phala tu lémbue ku ku xila? Mu henda ia selevende jé, vutukisa o miji ia undundu ué.

Nzuá 12:40

Nzambi muene ua a fuisa mesu, iú ua a kolesa o miẋima; kuiengesa kuila ka mone ni mesu, nʼ a tongolole ni muẋima, nʼ a lunguluke dingi, eme ni ngʼ a sake.

Loma 11:25

Uila kiki, ki ngi mesena jiphange, kuila mu kamba kuijiia o kijingano kiki, mba mu kala mu jinjimu ja ku di metena: mukonda o kuxita mu thulu kua kuata Izalaiele, ki kuanda kujiza, maji katé ngó kia kà bokona muvimba ua dialuilu dia akua jixi jengi, ió oso ki Jijudé, ki eza kua Nzambi.

Efezo 1:6

Uila kiki, tu ximanienu Nzambi, mukonda dia kiadi kiê kioso kia tu idikisa, mu ujitu ua tu bhana mu ngoho kua Monʼ ê ua kazola.

Matendelelu 2:30

Sihone-phe, sobha ia Hezebone, nguê ku tu ehela kubhita moxi iê, mukonda Jihova Nzambi ié ua kolesa o muxima uê, iú ua bhukumuka, phala o ku mu bhana bhu lukuaku lué, kala ki ua di muena lelu.

Josuué 11:20

Mukonda kia tundile kua Jihova kuene, o ku a kolesa muẋima, mbé a solomoke mu kauidila Izalaiele ni mvunda; ia a di bhange-kiu, oso muene buí, sé ngó dingi ku a kuatela henda; mbé o ku a jima mbutu ene oso, kala kia ki tendelela Jihova kua Mozé.