Loma 9:1 - O Mikanda Ikola

¹ Nga mu tanga kidi, kuma eme nga tokala Kristu, ki ngi te makutu. Mukonda ni kitongoluelu kiami kia ngi bhela umbangi mua Nzumbi Ikôla, kuma ki ngala ku ta makutu.

Loma 9:1 ပူးပေါင်းရင်းမြစ်များ

Loma 1:9

Mbata, o Nzambi ngene ku mu bheza ni muẋima uami uoso, mu kutula o Njimbu Iambote ia tokala Monʼ ê, uala mbangi iami kuila nga zuela kidi. Ngana Nzambi ua kʼijiia kuila izuua ioso ngene ku mi lembalala,

Loma 2:15

Kuma mu ima iâ ia bhanga, o ufunu ua Kitumu a uidikiza kuila uòsoneke kiá mu miẋima iâ. Ni kitongoluelu kiâ ki bhana umbangi kuma kidi, mukonda o mabanzelu mâ ma mu kuila hinu ma a lungisa, hinu ma êlesa.

Loma 8:16

O Nzumbi ia Nzambi muene u bhana umbangi ni nzumbi jetu, kuma tuala tu anʼa Nzambi.

Loma 9:2

Ngala ni malamba mavulu muene, o kukata kuê ki kuene kubhua mu muẋima uami, mukonda dia akua muiji uami, a di bhange xitu iami ni manhinga!

II Kolindo 1:12

Kuma etu o thathe ietu ieniii, o kitongoluelu kietu kia tu bhela umbangi muʼaxaxi kenu, kuma tuende mu ngongʼumu mu kuzela ni kidi kia tu bhana Nzambi. Tuende ue, kana mu jindunge ja xitu maji mu kiadi kia Nzambi.

II Kolindo 1:23

Eme-phe Nzambi a ngi kale mbangi ku thandu dia muenhu uami, kuma kia ngi fudisa kuia kindala ku Kolindo mukonda enu nga mi fikixila.

II Kolindo 11:10

O kidi kia Kristu ki ala moxi diami, nga loka muene, kana muthu ua kà ngi katula o kiadi kia kutula o Njimbuʼ mu Ngelésia ioso sé kubhinga kima.

II Kolindo 11:31

Nzambi Tata ia Ngana ietu Jezú, a mu ximana katé ku hadia ni hadia, ua kʼijiia kuila ki ngi tange makutu.

II Kolindo 12:19

Enu mua mu fika kuma etu tua mu di lungisa bhu pholo ienu. Ki ki xikina! Tua zuela kala kia tu tumu Kristu, bhu pholo ia Nzambi. Ima ioso-phe i tu bhanga, enu akuetu, ia ku mi kuatekesa.

Ngalásia 1:20

Ima ieniʼii i ngala ku mi sonekena, talesenu ngala bhu pholo ia Nzambi, ki makutu u nga tange.

Filipe 1:8

Nzambi muene uala mbangi iami, ia hânji iavulu i nga mi kala na-iu mu jihenda ja Kristu Jezú.

I Tesalonika 2:5

Tundietu, kiluua tu kala ni maka ma kuhanza athu, enʼuenu mua kʼ ijiia, kiluua tu kala ni maditatu ma luimbi lua kutambujula itadi. Nzambi mbangi ia ima ienʼiii.

I Timote 1:5

Mutendelelu iú-phe, mahezuʼê o henda i tunda mu muẋima uazele, ni mu kitongoluelu kiambote, ni mu kuxikana kua kidi ki kua kudibhangesa.

I Timote 2:7

Kiene kia bhangesa ku ngi katula eme mu kukala Poxolo, ni kukala mesene ia oso ka tokala mu muiji ua Jijudé. Mbé ku a tudila o njimbu ia kuxikana ni ia kidi. O ki nga mu zuelʼiki-phe ki makutu, nga tange kidi.

I Timote 5:21

Nga ku tendelela ku mesu ma Nzambi, ni ma Jezú Kristu, ni ma jianju jangene, kuila mu ioso i u bhanga jinga, ima iii u i kumbidila muene sè hèle mba kubhanga kima ni kathômbo ka muthu.