Loma 8:9 - O Mikanda Ikola

⁹ Enu-phe ki muala dingi mù laia kala ki ambe o kikexilu kia xitu, maji kala kiandala o Nzumbi ia Nzambi, se ni kidi kiene o Nzumbi ia Nzambi ua tungu moxi dienu. Muthu-phe se ua kambe o Nzumbi ia Kristu, ka mu tokala muène.

Loma 8:9 ပူးပေါင်းရင်းမြစ်များ

Izekiiele 11:19

Hé nga kà a bhana muẋima uâ umoxi, o moxi diâ anga ngi ta-mu nzumbi ia ubhe; o muẋima ua ditadi uala mu xitu iâ nga kà u katula-mu, hé ngi bhinganesa-mu muẋima ua jixitu.

Luka 11:13

Enu-phe, sumbala mua iibha miẋima, se muejiia kubhana ima iambote ku anʼenu, manhi Tatʼenu ia diulu, ka kala kota mu kubhana o Nzumbi Ikôla kua ió oso a mu bhinga?

Nzuá 14:17

O mundu ki u tena ku mu tambulula, mukonda ka mu mono, ka mu ijiia. Enu-phe mua mu ijiia, mukonda mu xala-nê, u kala moxi dienu.

Nzuá 14:23

Jezú u mu vutuila, uixi: Muthu se ua ngi zola, kikale u aiuka o maka mami; o Tata iami-phe u mu zola. Mu kiki, ni eme ni Tata iami, tuiza kua muene, hé tu tunga-nê.

Nzuá 3:34

Uoso a mu tumu kuala Nzambi, u zuela maka ma Nzambi, kuma muène kia mu bhe o Nzumbi, Nzambi ka mu bhana Nzumbi ni ku i zonga.

Nzuá 3:6

Muthu a mu vuala mu xitu, ku jitata mu xitu; maji o mu nzumbi-phe kikale a mu vuala kua Nzumbi ia Nzambi.

Jipoxolo 16:7

O kia bhixila bhu mbambe ia Mixa, a teza kubokona mu Bitinha, maji o Nzumbi ia Jezú-phe ka ehela.

Loma 7:5

Kuma ki tua kexile mù laiela mu kikexilu kia xitu, jihanji ja ituxi, mukonda dia Kitumu, ja suinine dingi kiavulu mu idiandu ietu, phala ji kale luvualu lu tu bhekela kalunga.

Loma 8:1

Kiki kiá kana-ku dingi kuêla kua ió ala mua Kristu Jezú.

Loma 8:11

Maji se o Nzumbi ia Nzambi ua fukunuine Jezú mu ʼalunga, ua tungu moxi dienu, uoso ua fukunuine Kristu Jezú mu ʼalunga hadia ua kà phaphumuna ue o mikutu ienu ia kumbama, mukonda dia Nzumbi iê ia tungu moxi dienu.

Loma 8:2

Kuma o Kitumu kia Nzumbi ia Nzambi kia tu bhekela muenhu mua Kristu Jezú, kia ngi bhana ufolo ku kitumu kia ituxi ni kalunga.

I Kolindo 15:23

Maji ene oso mu umoxi-umoxi: Kristu muene ua diangela kua ene oso, hé kukaiela oso akua Kristu, muène hinu kià kèza.

I Kolindo 3:16

Ni kidi kiene, nga fika mua kʼijiia kuma enu muala mu Tembulu ia Nzambi, o Nzumbi ia Nzambi iú ua tungu moxi dienu!

I Kolindo 6:17

Maji uoso ua di bande ni Ngana-phe, u kalanê nzumbi imoxi.

I Kolindo 6:19

Inga ki mu kʼ ijiia kuma o mukutu uenu tembulu ia Nzumbi Ikôla, uene moxi dienu, mua mu tambula kua Nzambi? Enu-uenu ki mua di vu, (ki mu di tokala dingi enu-uenu).

II Kolindo 10:7

Enu o ima mu i kaiela ngó o kidifua kia pholo. Muthu-phe se ua di fiiala ku kala mukua Kristu, a xinganeke ngó kienʼiki, kuma kioso kia soko muène ku kala mua Kristu, etu uetu kiene.

II Kolindo 6:16

O kididi kia Tembulu ia Ngene ia Nzambi, ki bangana kiebhi ni iteka ia akua mundu? Kuma etu tuala tu tembulu ia Nzambi ia muenhu. Uila kiambe muène Nzambi, uixi: Eme ngiia mu kutunga, hé ngi kala-nâ kumoxi. Ngi kala ngi Nzambi iâ, ene a kala mundu uami.

Ngalásia 4:6

O mu kuidikiza kuila tuala tu anʼê, Nzambi ua tumikisa Nzumbi ia Monʼ ê mu miẋima ietu, o Nzumbi i tena kudikola: Abha, Tata!

Ngalásia 5:24

Oso-phe a tokala Kristu Jezú, o xitu a i fuisa kiá ku dikulusu, ni jingânji jê, ni jihanji ja uhabhu.

Efezo 1:13

Kieniiki kia mi bhiti uenu. Kuma kioso ki muevu o jingolokela ja kidi ja Njimbu Iambote ialu tanga o ubhulukilu, enu uenu Kristu mua mu xikana. O Nzambi iú ua mi te o kidimbu kiê kia Nzumbi Ikôla, a mu tangele o kuiza.

Efezo 2:22

Mu kieniiki, enu oso ue mua tunguia mua Kristu kumoxi ni akuenu oso mu kukala dibhata dia Nzambi, mua tena kubhanga kibuta kiê mu Nzumbi.

Efezo 3:17

Eme nga mu bhinga dingi phala Kristu a mi tunge ku miẋima ienu mu kuxikana. Nga mu samba phala o ki muila mua te jindanji, mua kuata, mua xikama mu henda,

Filipe 1:19

Kuma nga kʼ ijiia kuila muene muoso mu ngʼ ijila o kujituka, kixi mu kubhinga kuenu ku mualù ngi bhingila, kixi mu kukudila kua Nzumbi ia Jezú Kristu.

II Timote 1:14

O kima kiamboteʼokio kia ku bhana kulûnda, langa-kiu mu nguzu ia Nzumbi Ikôla ua tu tunga moxi.

I Phetele 1:11

Ene a bhindamenene kuijiia mba thembuʼ oio i bhixila kithangana kuẋi, ni kuiza kuê mba kubhita kiebhi. O Nzumbi ia Kristu ia kexile moxi diâ, ia edikisa jinga o thembuʼiii, ki ia tuamene ku a ejidisa o jiphaxi janda kubhita na-ju Kristu, ni jimbote joso janda kukaiela-ku.

I Nzuá 3:24

Uoso u aiuka o ijila ia Nzambi, ió ua tungu mua Nzambi, o Nzambi ue ua tungu momuʼê. O mukonda dia Nzumbi ia tu bhana Nzambi, bhene bhu tu kʼijidila kuma Nzambi ua tungu moxi dietu.

I Nzuá 4:13

Kiene ki tu kʼijidila, kuma tuala ku ukamba ni Nzambi, ni muène ua tungu momuetu, mukonda ua tu bhana o Nzumbi iê.

I Nzuá 4:4

Enu, tuana tuami, mua tokala Nzambi, o jipolofeta ja makutu mua ji tolola kiá, mukonda o Nzumbi uala moxi dienu, uala kota mu kutena, ka tena kusoka ni nzumbi iala mua ió a tokala ku mundu.

Dijingunuinu 13:8

O ene oso a tungu mu ngongo a kà kala mu ku mu bheza, ió ene oso a kambe o ku a soneka o majina mâ tundé ku dimatekenu dia ʼxi mu divulu dia muenhu diangene dia Kambudi, ió a mu jibhile.

Dijingunuinu 20:15

Uoso a mu mono, ua kambe ku mu soneka mu divulu dia muenhu, a mu takula ue mu kizanga kia túbhia.