Loma 8:6 - O Mikanda Ikola

⁶ Kuma o kukala ni kilunji kia mu tumina kuala o hanji ia xitu, kubhekela kalunga. O kukala-phe ni kilunji kia mu tumina kuala o Nzumbi, ki bhekela muenhu ni kutululuka.

Loma 8:6 ပူးပေါင်းရင်းမြစ်များ

Nzuá 14:27

Enu nga mi xila o kutululuka kuami; o kutululuka kuami ku nga mi bhana. O kuami eme ki ngi ku bhana kala ki ku bhana o mundu. Mixima ki i mi kenane, ki mu kale ni uôma.

Nzuá 14:6

Jezú uixi: Eme ngi njila, ngi kidi, ngi muenhu. Kana muthu u bhixila kua Tata, ua kambe kuijiia ko kuami.

Nzuá 17:5

Tata iami! Kiki-phe ngi jingise eie-muène ni kijingu, ki nga kexile na-kiu mʼ okulu ni eie, kuila mu ngongo kiluua mu di bhanga.

Loma 13:14

Maji kuatenu o mata a Ngana Jezú Kristu, o xitu ki mu i te dingi muẋima, kuila mu kaiela ngó kubhanga o jihanji jê.

Loma 14:17

Kuma o Utuminu ua Nzambi ki ua kudia ni kunua, maji ua kuiuka, ni kutululuka, ni kusanguluka ku bhana o Nzumbi Ikôla.

Loma 5:1

Kia tu xikina Nzambʼ iki mu kuxikana, tuala ku paze ni muène mukonda dia Ngana ietu, Jezú Kristu.

Loma 5:10

Tua kexile tu jinguma ja Nzambi, maji Muène ua tena ku tu luulula, iú ua tu bhange tu makamba mu kufua kua Monʼ ê. Kota-kota kiki, ki tua luuluka kiá, tua kà bhuluka dingi kiengi mu muenhu ua Kristu.

Loma 6:21

Thembuʼ oio-phe mua kexile ni kisakidilu kiahi mu imbamba i mua kexi mù bhanga, lelu i mua kuatela jisonhi? Kuma ima ioso ieneʼ oio dizubhilu diê o kufua.

Loma 6:23

Kuma o futu ia ituxi kufua. Maji o ujitu-phe ua Nzambi muenhu ki uabhua, mua Kristu Jezú, Ngana ietu.

Loma 7:11

Kuma ituxi ia bokuena mu kijila, iii ia ngi bhombo. O mu kijila, ituxi ia ngi jibha.

Loma 7:5

Kuma ki tua kexile mù laiela mu kikexilu kia xitu, jihanji ja ituxi, mukonda dia Kitumu, ja suinine dingi kiavulu mu idiandu ietu, phala ji kale luvualu lu tu bhekela kalunga.

Loma 8:13

Kuma se mua kaiela xitu, mua kinga kufua. Maji mu nguzu ia Nzumbi, se mua fuisa o imbamba i bhanga o mukutu, mu tambula muenhu.

Loma 8:27

O Nzambi-phe mukua kutekula o miẋima ia athu, uejiia kioso ki sola Nzumbi. Mukonda muène u tena kudiondela athuʼ ê angene, kala ki ala mu vondadi ia Nzambi.

Loma 8:7

Uila kiki, o muthu u di zemba ni Nzambi, kioso o kilunji kiê kia kala mù ki tumina kuala o kikexilu kia xitu. Mukonda ka xikina kubelesela Kitumu kia Nzambi, ni kidi muène, ka tena ku ki belesela.

Ngalásia 5:22

Maji o ibundu iima o Nzumbi-phe, henda, ngalasa, kutululuka, kuxididika, kulenduka, kubhanga mbote, kukala fiiele,

Ngalásia 6:8

Uoso u kuuila ima inda o xitu, ku xitu iê uandù bhongolola kalunga. Maji uoso u kunina ku ima iandala o Nzumbi ia Nzambi, ku Nzumbi uandù bhongolola muenhu ki uabhua.