Loma 8:4 - O Mikanda Ikola

⁴ Nzambi ua bhange kiki phala kioso kia iuka kia xindi o Kitumu, tu ki kumbidile etu oso tua kambe kukaiela o xitu mu kuenda kuetu, maji tua kaiela o Nzumbi ia Nzambi.

Loma 8:4 ပူးပေါင်းရင်းမြစ်များ

Luka 1:6

Kiiadi kiâ anga a kala athu aiuka bhu pholo ia Nzambi, athu a kuenda mu itumu ioso ni ijila ia Ngana, sé kima ki tokala ku a bazela.

Loma 2:26

O ió ki Jijudé, a kambe ku a saia-phe kia bhaka o ijila ia Kitumu, né ka a saie, Nzambi, manhi kanda ku a kita kala a a saie?

Loma 3:31

O ki tua zuelʼ iki, manhi o Kitumu tua ki tumbulula mukonda dia kuxikana? Kana, ki ki xikina! Inda o Kitumu tua ki bhana dingi nguzu.

II Kolindo 10:2

hinu se ngiia kuemʼoko, ki mu ngi bhangese kuẋinuka. Mukonda amoxi-mu a mu fika kuma o uendelu uetu ua ku kaiela ima ia xitu.

II Kolindo 10:3

Sumbala tuala mu xitu, kidi. Maji o kulua kuetu ki kua kaiela xitu.

Ngalásia 5:16

Ki ngambe-phe, kiki: Ehelenu o Nzumbi ia Nzambi ku endesa o mienhu ienu, ki mu kale mu kutumaka dingi o jihanji ja xitu.

Kolose 1:22

Maji leluʼdi, ua mi luuluila mu kufua kua Monʼ ê, iú ua mi bhange mu makamba mê, phala nʼ a tene ku mi bheka bhu pholo iê mu athu azele, sé ngó dixaka, sé kuêla.

Jihebeleu 12:23

Enu mueza bhu dibhongolokelu dia ngalasa ia jithungunu ja Nzambi—ió ala ni majina mâ mʼosoneke mu diulu. Enu mueza kua Nzambi, mufundixi a athu oso, ni ku jinzumbi ja athu a iuka, iá a zubha o kutenena.

I Nzuá 3:2

Enu akuetu, nga mi zola, kiki tuala tu anʼa Nzambi, maji kiluua-phe tu kʼijiia kioso ki tuà kala. Inda, tuejiia ngó kuila, se muène Kristu uedi u tukuluka, etu uetu tua kà di fuangana-nê, mukonda tua kà mu mona katé ni kidifua kiê muène kioso kiala.

Juda 1:24

O kiki Nzambi ió ua tena ku mi fudisa ku-di-bhukana ni mu di bhale, ua tena ku mi bhixidisa bhu pholo ia kubenha kuê ni kusanguluka, sé ngó kisemu,

Dijingunuinu 14:5

Mu kanu diâ ki mu moneka makutu. Kene ngó ni kisemu bhu pholo ia kiandu kia Nzambi. Athu muene a tenena!