Loma 8:37 - O Mikanda Ikola

³⁷ Né ngo! Mu ima ioso íii tuala tu atolodi, maji atolodi ndenge, mu nguzu ia Ió uoso ua tu zola!

Loma 8:37 ပူးပေါင်းရင်းမြစ်များ

Izaía 25:8

O kalunga ua ka kà bhuisa-ku muene nzaká, kienhiki Jihova ua kà kondona o masoxi mu pholo joso, inga mu ixi ioso u katula-mu o kusebuluka kua mundu uê, kuma Jihova muene ua ki tange.

Nzuá 16:33

Nga mi ambela imʼiíi phala enu ki mu kala kumoxi ni eme, mu kale ni kutululuka ko kuami. Mu ngongʼumu mua-ndu kala ni hadi, maji kuatenu-phe muanu, ngongo iíi eme nga i tolola kiá.

Loma 8:35

Nanhi-phe ua kà tu batukisa ku henda ia Kristu? Ngongo, inga phaxi, inga izudidiku, inga nzala, inga tuẋi, inga dibhulubhulu, inga xibhata?

I Kolindo 15:54

Uila kiki, o mukutu iú ua kalunga, ki ua kà zuata ua muenhu ki uabhua, o ió ufua ki ua kà zuata ió ki u tena dingi kufua, kiene kia kà bhita kiokio kiosoneke mu Mikanda Ikôla, kuila: Kalunga a mu sengulula. O kikôue kia ku mu tolola kia tenena!

I Kolindo 15:57

Maji tu sakidilienu-phe Nzambi, ua tu bhana o kikoue mua Ngana ietu Jezú Kristu.

II Kolindo 12:19

Enu mua mu fika kuma etu tua mu di lungisa bhu pholo ienu. Ki ki xikina! Tua zuela kala kia tu tumu Kristu, bhu pholo ia Nzambi. Ima ioso-phe i tu bhanga, enu akuetu, ia ku mi kuatekesa.

II Kolindo 12:9

Muène-phe ua ngambela uixi: O kiadi kiami ki ku sokesa-na-u. Kuma nguzu iami i beta kota mu kutena mu ku bhuila kué. Uila kiki-phe, nga sanguluka, kimuua ngi di fiiala o kubhuila kuami, phala nguzu ia Kristu i kale ni kutena momuʼami.

II Kolindo 2:14

Maji Ngana Nzambi, a tane-ku! Mokonda, mu kudiongeka kuetu ni Kristu, Nzambi uene mu ku tu endesa jinga mukuâ ni athu a a kutila ku mukalatata mu kubhana o kikoue kia Kristu. Mukuâ ni ki muanganena mu ididi ioso o dizumba dia maji a mbote, kiene ue Nzambi kia mu bhanga ni etu mbé Kristu a tene ku mu ijiia kuala oso.

Ngalásia 2:20

Kiki ki eme dingi ngala ku muenhu, maji Kristu uala ku muenhu moxi diami. O kiki o muenhu u ngala na-u mu xitu, nga u muena mu kuxikana Monʼa Nzambi, ió ua tenene ku ngi zola ni ku di bhakula mukonda diami.

Efezo 5:2

Mienhu ienu i kale jinge mu henda kala henda ia Kristu ia tu kuatela, iu ua tenéne ku di bhakula bhu kididi kietu kuma kilumbu, sata ia uabhela Nzambi iala ni dizumba di nuha kiambote.

II Tesalonika 2:16

Kiki-phe, Ngana ietu Jezú Kristu muène, ni Nzambi, Tata ietu ua tu zola, ió ua tu bhana o kubhua uôma ni kukondoka o malamba sè kufula, ni kudielela kuambote mu kiadi kiê,

I Nzuá 4:10

Muenhumu mua kala o henda, mu kuila: Etu ki etu tua zola Nzambi, maji muène-ku ua tu zola, iú ua tumikisa Monʼê mu kukala kiluuluilu kia ku tu lolokesa o ituxi ietu.

I Nzuá 4:19

Etu tu zola, mukonda Nzambi muène ua diangela ku tu zola.

I Nzuá 4:4

Enu, tuana tuami, mua tokala Nzambi, o jipolofeta ja makutu mua ji tolola kiá, mukonda o Nzumbi uala moxi dienu, uala kota mu kutena, ka tena kusoka ni nzumbi iala mua ió a tokala ku mundu.

Juda 1:24

O kiki Nzambi ió ua tena ku mi fudisa ku-di-bhukana ni mu di bhale, ua tena ku mi bhixidisa bhu pholo ia kubenha kuê ni kusanguluka, sé ngó kisemu,

Dijingunuinu 1:5

ni kua Jezú Kristu, o mbangi ia kidi, ia fiiele. Muène mutuameneni ua dianga kufukunuka kuʼalunga, muène ue mutumini a jisobha mu ngongo. Muène ua tu zola, ua tu jituna ku ituxi ietu ni kúfua kuê,

Dijingunuinu 12:11

Jiphange jetu a tena-phe ku mu tolola mukonda dia manhinga ma Kambudi, ni mukonda dia maka ma umbangi uâ ua kidi ma tanga jinga. Ene a kexile polondo ia kubhakula o mienhu iâ phala ku a jibha.

Dijingunuinu 17:14

Enhá a kà lua ita ni Kambudi, maji o Kambudi-phe ua kà a tolola, kuma muène Ngana ia jingana, Sobha ia jisobha. Muène ua kà a tolola kumoxi ni athuʼê ió ene ku mu nhenganana, ió a exana, a a tungula, o jifiiele.

Dijingunuinu 21:7

Uoso u tolola, muène ua kà lundula kokuami o ima íii: Eme nga kà mu kala ngi Nzambi iê, muène uà kala monʼami.

Dijingunuinu 3:9

Ivua! Enhó a tokala ku kibuka kia Satana, a mu tanga exi tu Jijudé, mbé ki Jijudé, kuma ala ngó akua makutu, talesa, nga-nda kubhangesa kuila enhó eze, a ku bheze bhu inama ié, nda oso a kʼijiie kuila eme nga ku zola.