Loma 8:36 - O Mikanda Ikola

³⁶ Kala kia ki soneka mu Mikanda Ikôla, exi: Mukonda diê Eie tuala bhu kibhidi kia kalunga kumbi dioso dia kambamba. A tu kita tu jimbudi jiia bhu matadolo.

Loma 8:36 ပူးပေါင်းရင်းမြစ်များ

Jisálamu 141:7

Mukuâ ni ibhasu ia matadi ia di muangena mu kikoka, kiene ue ifuba ietu ia sekumuka ii ia di muangena bhu kanga, dia kina.

Jisálamu 44:11

Eie ua tu bhakula, etu tua di bhange tu jimbudi jâ ja kúdia; ua tu muanga-muangena mu jixi ja akua matumbu kejiia Nzambi.

Jisálamu 44:22

Xi, kuma o ki tualʼiki-phe, a tu jibha-jibha izuua ioso, mukonda dié eie; a tu kita mukua ni jimbudi jiia bhu dijibhilu.

Izaía 53:7

O kia mu tatesele, ia a mu sebulula, muene ka jikula dikanu, kuma muene ka vutula kima; a mu sunga-sunga kala mbudi iia mu ku i jibha; uila mbudi kua ió u mu bhuta, idixibha, ni muene ue ka jikula ngó dikanu diê.

Jelemiia 11:19

Eme-phe ngedile kala kambudi ka belesela, kaia bhu dijibhilu; mbata ki nga kʼijidile kuamba ala ku ngi ta kikutu, exi: Tu jikinisienu o muxi ni ibundu iê; tu mu batudienu mʼoxi ia athu a muenhu, phala ki bhu kale dingi kulembalala o dijina diê.

Jelemiia 12:3

Maji, Jihova eie ua ngʼijiia, uene ku ngi mona; o muẋima uami kioso ki ua di tumu nʼeie, eie ua ki tongolola: Landameka-u enhó kala jimbudi jiia bhu dijibhilu, a iudike phala bhu kizuua kia kijibha.

Jelemiia 51:40

Nga-nda ku a kulumuisa kala jimbudi jiia bhu dijibhilu, mukua ni ilumbe ia jimbudi ni isutu ia jihombo.

Nzuá 16:2

Mu malombe, jinzo ja kusambela Nzambi, a-ndu mi kaia-kaia-mu! Kumbi dia-ndu kuiza dia kuila, uoso u mi jibha, u fika muene kuma ua bhange kia uabhela Nzambi.

Jipoxolo 20:24

Ki nga suu-phe kima. Né o muenhu uami ki ngʼ u jijila, kabasa ngi zubha o njila ia ngi xindi, ni ukunji ua ngi bhana Ngana Jezú. O ukunji uenʼ iú: O kubhana umbangi ua Njimbu Iambote ia kiadi kia Nzambi.

Jipoxolo 8:32

O kibatu kia maka mu Mikanda ia Ngana muala kutanga Ngolambole, kiambe kiki: Muène a mu sunga kala mbudi i ambatela kuia bhu dijibhilu, ua di xibha mukuâ ni monʼa mbudi ku ió a mu bhuta o kindemba kiê. Mu kienʼiki, uedi ni muène hudi, ka jikula ngó dikanu diê.

I Kolindo 15:30

Ku mbandu ietu-phe, mukonda dia-hi, etu uetu tuemana ithangana ioso mu iluezu?

I Kolindo 15:31

Phange jami, eme o kalunga ka ngi zukama izuua ioso! O kienʼ iki se nga ki ambe, nga ki ambela o kuzangalala ku ngala na-ku mukonda dienu enu, mu kisangela ni Jezú Kristu Ngana ietu.

I Kolindo 4:9

Kuma eme nga fika etu tu Jipoxolo, Nzambi ua tu bhana o kididi kia sukidila kuema. Ua tu kingisa kala athu a xikamena ku a jibhila bhu mesu a mundu. A tu bhake bhu pholo ia ngongo ioso, ni ji-anju ni athu a tu te mesu.

II Kolindo 1:9

Etu-ene moxi dietu tua tambuile kiá lubhe lua kalunga kala athu a xikamena o ku a jibha. Maji kia tu bhiti kienʼ iki, phala ki tu di fiiale etu-ene, maji tu di fiiale Nzambi, u tena kufukununa o madifundu.

II Kolindo 11:23

Kifua ene jingunza ja Kristu? Eme kotʼélele, sumbala nga zuela kala nga tekuka. Mu kukalakala eme kotʼélele, mu jikaleia eme kotʼélele. Mu ku ngi beta ni jisanzu, kotʼélele, mu makufua luavulu muene.

II Kolindo 6:9

kala tu athu ka tu ijiia, manhi a tu ijiia muene kiambote ku athu oso; kala tu athu tua-fu, maji kala ki mua ki mono, etu-etu-ú ni muenhu. Bhu kala ni bhabha a tu bunda ni kibetu, maji ki tu fu.

Filipe 3:10

Mukonda ngendi ngó kuila Kristu ngi mu ijiia muene, ni nguzu ia kufukunuka kuê, ni ngi kale mu kisangela kia jihadi jê, ngende ni kudifangana-nê mu kufua kuê;