Loma 8:35 - O Mikanda Ikola

³⁵ Nanhi-phe ua kà tu batukisa ku henda ia Kristu? Ngongo, inga phaxi, inga izudidiku, inga nzala, inga tuẋi, inga dibhulubhulu, inga xibhata?

Loma 8:35 ပူးပေါင်းရင်းမြစ်များ

Jisálamu 103:17

Maji o henda ia Jihova-phe, ku i tunda, ku i ia, ki iene thembu; ia xalela ku thandu dia akua uoma uê; o ku kumbidila kuê ni ku mululu ni ku mulaula.

Mukumbi ua Mikumbi 3:4

O ki nga a xi ngó bhuòfele, kazola ka muenhu uami nga mu sange. Nga mu naminina, ki ngi mu ehela dingi, katé ki nga mu bokuesa mʼonzo ia mamʼetu, ndú mu xilu da ió ua ngi vuala.

Jelemiia 31:3

Kithangana kiá kia bhiti-bhu tundé kia ngi tukulukila Jihova, uixi: Tala, nga ku zolo ni henda ki i moneka dizubhilu, nga ku sungu ue ni jihenda ja kulenduka, kokuami.

Nzuá 10:28

O mbudi jami ngi ji bhana o muenhu ki uábhua; ki ja kà fua dingi. Kana muthu ue u ji sumbununa bhu maku mami.

Nzuá 13:1

Kuila kua kambe ngó kizuua kimoxi, kiosuiki o Fesa ia Phasu kiluua i bokona, Jezú kuma uejiia kuila o kumbi diê dia bhixila, dia kutunda mu ngongʼ umu nʼ aie kua Tata, kala kia zola makamba mê mu ngongo, ua a zolo muene katé ku dizubhilu.

Nzuá 16:33

Nga mi ambela imʼiíi phala enu ki mu kala kumoxi ni eme, mu kale ni kutululuka ko kuami. Mu ngongʼumu mua-ndu kala ni hadi, maji kuatenu-phe muanu, ngongo iíi eme nga i tolola kiá.

Jipoxolo 14:22

Ene anga a kala mu kukolesa o miẋima ia jixibulu ni ku a longesa kujijila o kuxikana. A kala ue mu longa kuma tu bhinga tu bokona mu Utuminu ua Diulu mu kubhita ni malebhu mavulu.

Loma 2:9

Kua kà kala njinda ni kutema, jiphaxi ni ngongo ku thandu dia muenhu uoso ua muthu mukua kubhanga kiaiibha, ku dianga o Judé, hé ku kaiela ió ki Judé.

Loma 8:17

O ki tu kala tu ana, tuala tu alundudi a mabesá oso a bhakela o mundu uê. Kristu mulundudi ni mukuetu, etu uê tua kà lundula-nê kumoxi mu ima ioso ia mu bhakela Nzambi. Kabasa tu bhita-nê kumoxi mu hadi, tua kà kala-nê kumoxi mu fuma iê.

Loma 8:37

Né ngo! Mu ima ioso íii tuala tu atolodi, maji atolodi ndenge, mu nguzu ia Ió uoso ua tu zola!

Loma 8:39

né o mundu uala ku thandu dietu, né ima iala bhoxi-elele. Né kima dingi kioso-kioso kia di bhange, kana-ku kima ki tena ku tu batukisa ku henda ia Nzambi, iene mua Kristu Jezú.

I Kolindo 4:11

Tua mu tala hadi katé ni kithangana kienʼ iki, tuedi ni nzala, ni dinhota. Tuedi ni kuzuata o makoza, ni kutambula o kibetu. Tua lémbua o kididi kia kidi bhu tu tunga.

I Kolindo 4:12

Tu tala hadi mu kukalakala ni maku phale kumona kia kudia. Ela a tu xinga, etu tu benzela. Ela a tu zukutisa, etu tu kolokota ni kinhenge.

II Kolindo 12:10

Uila kiki, nga sanguluka muene mu kubhuila ni kulebhuka, ni kubhindama ni ku ngi zukutisa, ni kukala mu ibhidi mukonda dia Kristu. Kuma kithangana ki nga mu bhuila, kiene kia mu ngʼ iza o nguzu.

II Kolindo 4:17

Kuma o hadi ietu iii i tua mu bhita na-iu iabhebhuluka, ia kithangana ngó, hinu i tu bhekela kuzediua kuavulu kinéne, kua beta ukota o hadi iii ndenge, kuxalela-ku ndú ku hadia ni hadia.

II Kolindo 4:8

A tu xina mbandu ni mbandu, maji ka tu tolola. Sai ithangana tu kala mu jiphata, maji ki tu kala ni kikote.

II Kolindo 4:9

Nguma ji tu vula, maji ki tu kambe dikamba. Sai ni bhabha a tu kuama, maji ki tu jimi o mbutu.

Efezo 3:19

ni kuijiia o henda ia Kristu ia tundu o kuijiia kuoso, ni mu kale ni kuizala ni kuizala kuoso kua Nzambi.

II Tesalonika 2:16

Kiki-phe, Ngana ietu Jezú Kristu muène, ni Nzambi, Tata ietu ua tu zola, ió ua tu bhana o kubhua uôma ni kukondoka o malamba sè kufula, ni kudielela kuambote mu kiadi kiê,

II Timote 1:12

Mukonda dia kiki, kiene ki nga mu talela o jihadi josuʼiji. Maji ki ngala-phe ni jisonhi, kuma nga dielela, mukonda ngejiia ió uoso nga mu xikana, phata ia ngi-bhu, kuma muène ua soko-bhu o kubhaka kioso ki nga mu bhana kulûnda, katé bhu kizuuʼokio.

Dijingunuinu 1:5

ni kua Jezú Kristu, o mbangi ia kidi, ia fiiele. Muène mutuameneni ua dianga kufukunuka kuʼalunga, muène ue mutumini a jisobha mu ngongo. Muène ua tu zola, ua tu jituna ku ituxi ietu ni kúfua kuê,