Loma 8:34 - O Mikanda Ikola

³⁴ Nanhi dingi u tena kua êlesa? Muène Kristu Jezú ua fuile, mba inda ngambe ngixi, ua fukunuka mu ʼalunga, kiki iú uala ku madilu ma Nzambi muène, mu ku tu diondela.

Loma 8:34 ပူးပေါင်းရင်းမြစ်များ

Jobe 33:24

kuabhu-phe, Nzambi ua kà mu kuatela henda, hé ua kʼàmbela anju, uexi: Mu bhulule, phala ka kutuke mu kina; nga sange kiá u mu kùla.

Jobe 34:29

Muene se nʼa bhana kutululuka, nanhi ua-nda ku mu elesa? Se o pholo iê u i sueka, nanhi u tena ku mu tala? Muene ulangidila o miji ni diembu katé ni muthu umoxi ngó.

Jisálamu 109:31

Kuma ua tate-ó, muene u mu imanena ku madilu; mu ku mu bhulula kua ió andala ku mu êlesa, mbé nʼa mu jibha.

Jisálamu 37:33

Jihova-phe ka mu ehela bhu maku mê; né ku mulonga, ka tena ku mu êlesa.

Izaía 50:8

Muene u ngi lungisa iú-ue bhua zukama; nanhi u ngi ta mulonga? Tu tukulukile bhuamoxi; nguma iami nanhi? a bhixile bhabha kokuami.

Izaía 53:12

Mukonda dia kiki, nga-nda ku mu katuila dikânda diê ku athu a vulu, sumbala muene ua-nda kuuana o madibhundila kumoxi ni mazonda; mbata ua lundulula o muenhu uê muʼalunga, a mu bundile kumoxi ni ifumbe; maji muene ua di tuika o ituxi ia athu avulu; iú uala kudiondela akua-ituxi.

Jelemiia 50:20

Mu izuuʼomo ni mu kithanganʼokio, Jihova uixi, kuiibha kua Izalaiele a-nda kuà ku sota, maji ki kuanda kumoneka dingi; ni ituxi ia Juda ue, maji ki ia kà moneka; kuma eme nga-nda kuloloka oso u ngi xisa masubhu.

Dialuilu 7:15

ni kangombe ka ndumbe ni kilumbe kia mbudi, ni kambudi ka ndumbe ka muvu umoxi, phala sata ia kuoha;

Matesu 20:28

Mukonda uila ki eza Monʼa Muthu, kana kukala ni athu a mu bhikila muène, maji muène-ku kubhika, ni kubhana o muenhu uê mu kukula mundu.

Marku 16:19

Kiki Ngana Jezú kia zubha kuzuela-nâ, a mu tambula ku diulu, iú ua xikama ku madilu ma Nzambi.

Nzuá 14:19

Kua xala ngó kathangana, o mundu ki u ngi mono dingi; enu-phe mu ngi mona. Mukonda eme ngi kala ku muenhu, enu uenu mu kala ni muenhu.

Nzuá 16:23

Kizuua kiôkio enu ki mua-ndu ngʼ ibhudisa dingi kima. Kidi kiene, ngi mi ambela: Kioso ki mu bhinga Tata mu dijina diami, muène u mi bhana-kiu.

Jipoxolo 2:24

Nzambi-phe ua mu fukununa; misusu ia kalunga ua i jituna, mukonda ki i xikina ku mu naminina muène.

Loma 14:13

Uila kiki, ki tu kuate-phe dingi ku di longolola mudietu. Inda mu di tetulula kiki, kana muthu u ta kidibhukanu mu njila ia phangʼ iê, mba kima ki mu di bhalesa mu kituxi.

Loma 14:9

Mukonda kiene kia bhangesele Kristu kufua ni kuphaphumuka, phala a kale Ngana ia athu afu ni athu a muenhu.

Loma 4:25

Muene a mu bhakuile mu kufuila o itondalu ietu, iá a mu fukunuine dingi mu ku tu bhana o kulunga, ni a tu xikine kua Nzambi.

Loma 8:1

Kiki kiá kana-ku dingi kuêla kua ió ala mua Kristu Jezú.

Loma 8:27

O Nzambi-phe mukua kutekula o miẋima ia athu, uejiia kioso ki sola Nzumbi. Mukonda muène u tena kudiondela athuʼ ê angene, kala ki ala mu vondadi ia Nzambi.

Kolose 3:1

Enu mua fukunukina kumoxi ni Kristu, mua tundu muʼalunga enu mueza ku muenhu. O ki kala-phe mua fukunukina kumoxi ni Kristu, ndokuenu mu sote ima iala bhulu bhu aii Kristu, bhua xikama ku madilu ma Nzambi.

Jihebeleu 1:3

O Mona, muène o kimuikinu kia kubenha kua Nzambi, muène ue kilomboluelu kia kidifua kiê, muène u kuatesa o ima ioso mu ngongo, ni kizuelu kia nguzu iê. O kia zubha kuzelesa athu ku ituxi iâ, iú ua xikama ku diulu, ku lukuaku lua kudia, lua Nzambi Tata Uatena ioso.

Jihebeleu 7:25

Uila kiki, muène ua soko-bho kubhulula katé kia zubha, ene oso ejiia kua muène, ni a bhixile kua Nzambi. Kuma Jezú ua kalé kiá ku muenhu mu ku a diondela jinga.

Jihebeleu 9:24

Kuma Kristu ka bokona mu Kididi-Kikôla kiokalakale ku maku ma athu, ki fikisa ngó mu kidi o Kididi-Kikôla. Maji ua bokona muene ku kidi mu diulu, iú ua tu imanena kindala bhu pholo ia Nzambi mu ku tu diondela.

I Phetele 3:18

Mukonda Kristu ue ua mi fuila bhu kididi. Muène ituxi ua i talela hadi mu lumoxi ngó, o muthu uaiuka bhu kididi kia akua ikuma, phala a tu bhiẋidise kua Nzambi. Muène a mu jibhila mu xitu, a mu phaphumuina mu nzumbi.

I Phetele 3:22

ió uaii ku diulu, iú uala ku madilu ma Nzambi. O kuenhoko ni ji-anju, ni makota ma ji-anju, ni mazonda ma mu belesela muène.

Dijingunuinu 1:18

Ememuène ngene o muenhu! Nga kexile nga fu, o kiki Emeʼami-ú ni muenhu, katé ku hádia ni hádia. Eme-muène nga kuata o jisabhi ji jikula mu mbila ni muʼalunga.