Loma 8:31 - O Mikanda Ikola

³¹ O kiki-phe, imʼ iii tu ila kiebhi? Nzambi se uala ku mbandu ietu, nanhi u tena ku tu tolola?

Loma 8:31 ပူးပေါင်းရင်းမြစ်များ

Dimatekenu 15:1

Kia zubha kubhita imʼiii, kizuelu X kia Jihova ki sanga Mbalamu ku kilu, uixi: Ku kale ni uoma mbata eme ngi ngubu ié, ngi kisakidilu kié kiavulu o kuvula.

I Jisobha 8:57

O Ngana dia Nzambi ietu a kale ni etu, kala kia kexile ni ji-tata jetu; ka tuehelele, kana, ka tu xe.

II Jisobha 6:16

Muene-phe, uixi: Ku kale ni uoma. Mukonda ala ni etu a beta kota, o ala ni ene ala ndenge.

I Malunda 19:15

Ana a Amone ue kia ki mono kuila akua Sídia a lenge, ene uâ a lenga bhu pholo ia Abisai, phangʼiê, anga a bokona mu nge iâ; o Jouabe anga uiza ku Jeluzaleme.

I Malunda 5:22

Mukonda athu a vulu a a jibha, mbata o Nzambi muene ua a bhângela; hé a tunga mu ixi bhu kididi kiâ, katé kia a tumikisa ku ubhika.

Jisálamu 118:6

Jihova uala bhu mbandu iami, ki ngi kala dingi ni uóma; hé kima, muthu u ngi bhanga-hi?

Jisálamu 46:11

Jihova dia ifuẋi tuala-nê kumoxi; o Nzambi ia Jakobo kimbaka kietu. (Selah.)

Jisálamu 46:7

Jihova dia ifuẋi tuala-nê kumoxi; o Nzambi ia Jakobo kimbaka kietu. (Selah.)

Jisálamu 56:11

Kua Nzambi kuene ku ngi dielela, ki ngi kala dingi ni uôma. Hé kima, muthu u tena ku ngi bhanga-hi?

Jisálamu 56:4

Kua Nzambi, kuene ku ngi tunda o kulúnga, kua Nzambi, kuene, ku nga dielela; ki ngi kala dingi ni uoma. Hé kima, xitu i tena ku ngi bhangaʼhi?

Jisálamu 56:9

Kioso eme ki ngi di kola kokué, jinguma jami kiene ki ji vutuka ku dima; mukonda nga kʼijiia kiambote, kuma eie Nzambi uala ku mbandu iami.

Izaía 41:10

Kana kukala ni uoma, kuma eme ngala bhuamoxi nʼeie; kana kubhuuama, mbata eme ngala ngi Nzambi ié; eme ngi ku suinisa, hé ngi ku kuatekesa, anga ngi ku fikidila ni lukuaku luami lua kadilu, lua kuiuka kuami.

Izaía 54:17

Falamenda ioso-ioso iòbhange phala ku ku kuama, ia-nda kulueza; o dimi dioso-dioso di ku tatela eie mulonga, mu kufunda, eie ua kà di belesa; o iú uene undundu ua jiselevende ja Nzambi, kuene ue kulûnga kuâ ku tunda kokuami, eme ngi Jihova.

Izaía 8:10

Né muedi mu di-phopha bhuamoxi ku kaiula ki ka kà tunda kiambote; né mua te maka, ki ma kuata, lémbue; mbata etu Nzambi tuala-nê.

Jelemiia 1:19

Ene-phe a-nda ku bhangela ku ku lua, maji katena ku ku tolola eie; mbata eme ngala ni eie bhuamoxi, phala ku ku kudila, Eme ngi Jihova.

Jelemiia 20:11

Maji-phe o Jihova uala ni eme, mukua ni dizonda dia manekena ita; kienhiki, o ió a ngi langata, a-nda ku di bhukana, ka-nda kutena kutolola; sonhi ja-nda ku a kuata kinéne; mukonda ka bhange ima ia kubhanduluka, a xikamena jisonhi ji nagenena ki ji xikina ku ji jimba.

Jelemiia 42:11

Ki mu kale ni uoma ua sobha ia Babilonha, mua mu kuatela o uoma; ki mu kale ni uoma, Jihova ua ki tange, mukonda eme ngala ni enu phala ku mi bhulula, ni ku mi bhangesa kubhulaka bhu lukuaku luê.

Dialuilu 14:9

Hé kima, kana kukitukila Jihova, kana kukala ni uoma ua akua-xi; kuma a kala mbolo ietu ia kúdia, kilembeketa kiâ kia tundu-ku, kala na-kiu dingi, etu-phe Jihova tuala-nê; ki mu kale ni uoma.

Matesu 1:23

Talesenu! Ku kala muhatu ua mon-ndenge uimita hé u vuala mona; O dijina diê, a kà mu luka Imanuuele. Dienhidi, ku di jimbulula, edi: Nzambi tuala-nê.

Loma 3:5

Maji se o kutondala kuetu-phe kua sedivila phala kulondekeza o kuiuka kua Nzambi, tuila kiebhi? Manhi tuila Nzambi ua tondala mukua ku tu beta ni njinda? (Bhabha eme nga ki ambe ngó mu uzuelelu ua athu).

Loma 4:1

Kiki-phe o Mbalahamu dia tatʼ etu mu xitu, tu mu zuela kiebhi? Tuila tuexi ua bongʼ Ohi?

Matendelelu 33:29

Kuzediua kué Izalaiele, tata! Nanhi ua soko nʼeie? Kifuẋi kiòbhulule kuala Jihova, muene o ngubu ié ienda ni ku ku banda. Muene ue o xibhata ia unéne ué; kiene kia-nda kubhangesa o jinguma jé ku ku tolokela, eie anga uendela ku thandu diâ, ni ku a tumina.

Josuué 10:42

Jisobha josuʼojo Josuué ua ji kuatela-bhu kiá muene ni jixi jâ, mu kithangana kimoxi, mbata Jihova Nzambi ia Izalaiele muene ua kexi kuluila Izalaiele o ita.

I Nzuá 4:4

Enu, tuana tuami, mua tokala Nzambi, o jipolofeta ja makutu mua ji tolola kiá, mukonda o Nzumbi uala moxi dienu, uala kota mu kutena, ka tena kusoka ni nzumbi iala mua ió a tokala ku mundu.

I Samuuele 14:6

Jonata anga u ambela kibese kiê kia mu mu ambatela o ibhakatu ia ita, uixi: Ndoko, tuie ku sámbua bhu poxto ia akua mabôlo enhá, amoxi Jihova u kalakala mu ku tu kudila; kuma Jihova ki bhuala ki mu fudisa kubhulula mundu uê ni athu avulu mba kubhulula mundu uê ni athu atolo.