Loma 8:29 - O Mikanda Ikola

²⁹ Kuma oso Nzambi a diangele ku ejiia, ua a tungula ukulu, phala a kituke mu kidifua kia Monʼ ê. Muène ua bange kieniiki phala o Mona nʼ a kale thungunu mu jiphange javulu.

Loma 8:29 ပူးပေါင်းရင်းမြစ်များ

Jisálamu 1:6

kuma Jihova uejiia njila ia athu aiuka; njila-phe ia athu abhumu ia kutexika.

Jisálamu 89:27

Muene-phe ngi mu ila: Monʼami ua phande-kumbi, muene suke-ku ku jisobha mu ngongo.

Makatukilu 33:12

Mozé anga u zuela ni Jihova, uixi: Ua mono, Eie ua ngʼambela, uixi: U bheka mundu iú ku ala kuia; maji kua ngi tangela uoso ua-nda ku mu tuma, ngenda-nê kumoxi. Maji Eie ua ngi tangela, kuma: U muthu nga ku ijiia o dijina; uixi dingi: Ua sange ngalasa ku mesu mami.

Makatukilu 33:17

Jihova anga u ambela Mozé, uixi: Ngi ki bhanga muene, kima kienhiki ki ua zuela, kuma eie ua sange muene ngalasa ku mesu mami, u muthu nga ku ijiia dijina.

Jelemiia 1:5

Kioso ngoho kiluua ngi kʼumba mu vumu dia mamʼenu, eme nga kuʼijiia kiá, kioso ue kiluua ngó u tunda mu vumu nga ku lumbu kiá; nga ku bhana ku akua jixi kukala u musesedi uâ.

Matesu 12:50

Mbata uoso u bhanga o vondadi ia Tata iami uene mu diulu, muène phange iami ia diiala, muène phange iami ia muhatu, muène mamʼetu.

Matesu 25:40

Muenexi ua kà kumbulula, uixi: Kidi kiene ngi mi ambela kuila: Kioso ki mua bhange jiphange jamiʼji ja ndenge, eme-muène mua ngi bhange-kiu.

Matesu 28:10

Jezú anga ua ambela, uixi: Ki mu kale ni uôma. Ndenu kà tangedienu phange jami, a katuke, a kàie ku Ngalileia, kuene kua kà ngi mona.

Matesu 7:23

Benhobho eme nga kà a tangela, ngixi: Eme ki nga mʼ ijidile. Tundenu bhu mbandu iami, enu mu ati a ituxi.

Nzuá 17:16

Mukuâ ni eme ki ngi tokala mu mundu, ene ua ka tokala-mu.

Nzuá 17:19

Mukonda dia ene, eme nga di bhakula ni muenhu uoso ko kué. Nga bhange kiki, phala ene ua nʼ a di lumbe ko kué mu kidi.

Nzuá 17:26

Eme nga ejidisa o dijina dié, hanji ngi dʼ ijidisa dingi, phala o henda i ua ngi zola na-iu eme, ni i kale mua ene, ni eme-muène mua ene.

Nzuá 20:17

Jezú u mu ambela, uixi: Ku ngi kuate; kuma ki ngi bande luua kua Tata iami. Ndé-phe ku jiphange jami kà ambele kuma eme nga-nda kubanda kua Tata iami, kua Tata ienu; kua Nzambi iami, kua Nzambi ienu.

Loma 11:2

Nzambi ka ẋimbuka o mundu uê ua sola tunde mʼ ukulu. Manhi enu ki mu ejiia ki ambe o Mikanda Ikôla ku maka ma Elija? Muène ua di tende kua Nzambi, kia di kuata ni Izalaiele, uixi:

Loma 13:14

Maji kuatenu o mata a Ngana Jezú Kristu, o xitu ki mu i te dingi muẋima, kuila mu kaiela ngó kubhanga o jihanji jê.

Loma 9:23

Kuma muène ua solo ue kuidikiza o unéne ua fuma iê ia lunduluila ku thandu dietu etu, a tu lendukila kuala muène, iú ua bhange mʼ ukulu munhá, phala ni tu tambule o fuma ienʼ ii.

I Kolindo 15:49

Mukuâ ni ki tua di fuangana ni muthu ió a mu bhangele ni mavu ma bhoxi, kiene ue ki tua kà di fuangana ni Muthu ió mukua diulu.

I Kolindo 2:7

Tu tanga-phe unjimu ua Nzambi mu kijinganu, unjimu ki u monekene mʼ ukulu, Nzambi-phe tunde xàhulu ua tu kanena-u, mu ku bhana fuma, kioso o ngongo kiluua ngó a i bhanga.

I Kolindo 8:3

Maji muthu-phe se u zola Nzambi, ió a mu ijiia kuala muène.

II Kolindo 3:18

Uila kiki, etu enoso, ni pholo iofutumune, tu kala mu londekeza o kubenha kua Ngana kala ki bhanga o lumuenu. Kuma o kubenha koko kua mu tunda kua Ngana, muene o Nzumbi. Kuene ku tu kitulula anga tu di fuangana ni Ngana, o mu kienhiki o kubenha kuetu kuia ni kudibandekeza dingi kithangana ni kithangana.

Efezo 1:11

Mukonda o ima ioso a i bhanga kala kia i xindi Nzambi mu ikanenu iê. O muène iú ua tu solo kukala tu mundu uê, mu kuongama kuetu ni Kristu, kala kioso kia mu kala mu vondadi iê, kia ki sola Muène tunde ku dimatekenu.

Efezo 4:24

Mu zuata o muthu uobhe a mu bhangulula mu kidifua kia Nzambi, ki di monekena mu kukala ni muenhu ua kuiuka, ni mu kuzela kua kidi.

Filipe 3:21

Muène, o mukutu uetu uasebuluka ua kalunga, ua kà u bhana kidifua kiòbhe, phala u di fangane ku mukutu uê Muène ua kubenha, kabasa o kutena kuê kuala na-ku, kuasoko mú tolola ima ioso ni i mu belesela muène.

Kolose 3:10

enu mua zuata muthu uobhe. O kikexilu kia ubhe kiki muène o muthu uobhe ala ku mu umba kuala Nzambi ni kuijiia kuengi, phala kudifangana ni muène uoso ua mu bhanga.

II Timote 1:9

Kuma muène ua tu bhulula, iú ua tu ixana ni kixanu kikôla, phala, tu kale tu mundu uê. O kiki ki kia kaiela mu imbamba i tu bhanga etu, maji kia kaiela mu kikanenu kiê-Muène, ni mu kiadi kiê. Muène o kiadi kiki ua tu muesa-kiu mua Kristu Jezú, tundé xahulu, ku dimatekenu.

II Timote 2:19

Maji o dimanenu dia te Nzambi-phe hanji dia kolo, ki di tunguta. O ku dimikinu dienhidi dia te Nzambi, a soneka-ku exi: Ngana uejiia oso a mu tokala. Exi dingi: Muthu uoso u amba kuila ua tokala Ngana, ki bhinga ituxi u i ambula.

I Phetele 1:2

Enu oso a mi sola kuala Nzambi Tata mu kuijiia kuê kua ima ia kèza-ku, a mi bhana o kuzela kua muẋima kua kalakala o Nzumbi iê, phala ku mi longa o kutumaka Jezú Kristu, ni ku mi sangela o manhinga mê. O kiadi ki di xale dingi kiavulu mudienu, kumoxi ni kutululuka kua Nzambi.

I Phetele 1:20

Muène kidi a mu sola kuala Nzambi mʼukulu munhá, oxi kiluua i kala ni dimatekenu diê, maji ua tukulukila kiá ku dizubhilu dia jithembu kunu, mukonda dia mulonga uenu.

I Nzuá 3:2

Enu akuetu, nga mi zola, kiki tuala tu anʼa Nzambi, maji kiluua-phe tu kʼijiia kioso ki tuà kala. Inda, tuejiia ngó kuila, se muène Kristu uedi u tukuluka, etu uetu tua kà di fuangana-nê, mukonda tua kà mu mona katé ni kidifua kiê muène kioso kiala.

Dijingunuinu 13:8

O ene oso a tungu mu ngongo a kà kala mu ku mu bheza, ió ene oso a kambe o ku a soneka o majina mâ tundé ku dimatekenu dia ʼxi mu divulu dia muenhu diangene dia Kambudi, ió a mu jibhile.