Loma 8:25 - O Mikanda Ikola

²⁵ Maji ue se tua dielela kima kiluua tu ki mona, tu ki kinga ni kinhenge.

Loma 8:25 ပူးပေါင်းရင်းမြစ်များ

Dimatekenu 49:18

Nga kinga ubhulukilu ué, u Jihova.

Jisálamu 27:14

Ngana, se kua mu mono, mu kinge; kolokota, muẋima u kuate nguzu iobhe; nga ku ambela muene, Ngana se kua mu mono, mu kinge.

Jisálamu 62:1

Kidi kiene! muẋima uami ua ximbakata mu kinga Nzambi; kua muene ngó ku ngi tundila o kubhanduluka.

Izaía 25:9

Mu kizuua kiókio, a kèla: Muenhú muene Ngana, tua mu kingile; ni kutana ni kusanguluka tua kà ku muena mu ubhulukilu uê.

Izaía 26:8

Eie Jihova, tuala ku ku kingila katé ni mu jinjila ja matetuluilu mê; o ku ku tumbula dijina ni ku ku-inda, iene o vondadi ia miẋima ietu.

Luka 21:19

Mu kukolokota kuenu, muene mu mua-ndu muena o mienhu ienu.

Luka 8:15

O ia sonoka mu mavu mambote, oso évua maka ni muẋima ua kidi, ua uabha, anga a ma lunda, ema ibundu ni muanu.

Loma 12:12

Sangulukenu jinga mu kudielela ku muala na-ku; kuatenu kinhenge mu izudidiku, kolokotenu mu kusamba, ki mu bhuile.

Loma 2:7

Ua kà bhana muenhu ki uabhua kua oso a kuata kinhenge mu kubhanga o mbote, a bhindamena o fuma ni ujitu ni muenhu ua kamba dizubhilu.

Loma 8:23

Ki iene ngó, maji ni etu uetu, tua nomona-ku kiá ku Nzumbi ia Nzambi, tuala kikema moxi dietu kiosuʼ iki tuala kukinga Nzambi ku tu bhanga tu anʼ ê, ni ku tu kula o mukutu uetu uoso.

Kolose 1:11

O nguzu iê ia fuma i mi suinise katé mua tena o kukolokota mu ima ioso, ni kuxididika.

I Tesalonika 1:3

Kuma tuene ku mi lembalala, sé ngó kufula, bhu pholo ia Nzambi ietu, Tatʼetu, o kukalakala kuenu kua kuxikana, ni kubhika kuenu kua henda, ni kukolokota kuenu mu kudielela Ngana Jezú Kristu.

II Tesalonika 3:5

Ngana-phe a mi lungise miẋima mu henda ia kuzola jinga Nzambi, ni mu kinhenge ki tunda kua Kristu.

Jihebeleu 10:36

Mua bhingi mu kala ni kinhenge, kuma ki mua kà zubha o kubhanga vondadi ia Nzambi, mua kà tambula polomesa iê.

Jihebeleu 6:12

Ki mu kale-phe ni usudi, inda mu fikisa ió oso a xikana, ni muanu uâ, phala mu tambule jipolomesa mu kuxikana Nzambi ni kinhenge.

Jihebeleu 6:15

O Mbalahamu kia kolokota ni kinhenge, o polomesa ia mu bhana Nzambi ua i tambula.

Dijingunuinu 1:9

Eme Nzuá, ngi phangʼienu, ngi mukuenu mu hadi ia Jezú, ni mu Utuminu uê, ni mu kukolokota kuê, Nga kexile mu kikolo kia Pátamo, a ngi kuika mukonda dia kutanga maka ma Nzambi ni umbangi ua ima ia ngi tukuluila Jezú.

Dijingunuinu 13:10

Uoso ambe o ku mu kuika ni ku mu ta upelezu, kikale a mu kuika muene; o muthu uoso ambe o ku mu jibha ni xibhata, u bhinga muene a mu jibha ni xibhata. Bhenhabha-phe bhene bhua bhingi o kukolokota, ni kuxikana kua athu akua-Ngana.

Dijingunuinu 14:12

Ima kala íii, i bhinga o kukolokota ku mbandu ia akua-Ngana, ié ʼoso a mu tumaka o ijila ia Nzambi, ni kixikanu kia ió oso ala jifiiele ja Jezú.