Loma 8:21 - O Mikanda Ikola

²¹ Mukonda ni ibhangelu ioso hadia ia kà jituka ku ubhika ua kubola, hé ia kà bokona mu ufolo ua fuma, ua anʼ a Nzambi.

Loma 8:21 ပူးပေါင်းရင်းမြစ်များ

Jipoxolo 3:21

O muène kia bhingi diulu di mu tambula hanji katé bhu thembu ia kubhangulula ima ioso, kala kia tanga Nzambi, mu kanu dia jipolofeta jê jikôla, jeniê tunde ukulu.

Loma 8:19

Kuma o ibhangelu ioso ia xibhidila ni ku kinga o kithangana kia kutukuluka kua anʼ a Nzambi.

Loma 8:30

Kala kiki, Nzambi oso ua a tungula ukulu, uedi ue ni ku a exana. O oso ua exana, uedi ni ku a lungisa, iú ua a xikina. Muène-phe ka a xikina ngó, maji ua a bhana ue kukala ni mbandu ku fuma iê.

I Kolindo 15:42

Ni mu kufukunuka kua madifundu ue kiene. O mukutu kioso kia u funda, mukutu ua di fila; maji o ki u fukunuka, ua kà kala mukutu ki ufu dingi.

Jihebeleu 12:27

O kizuelu kiêʼiki kuila ngi ki tona dingi lumoxi kiedikiza kiambote kuila o ima iobhange a kà i tungutisa, hé ia kà bhua-ku, phala o ima i kamba kutunguta i xalele-ku kala ki iala.

II Phetele 3:13

Maji etu-phe, tua kinga, uila kia bhana Nzambi muène o kizuelu, maúlu mʼobhe, ni oxi iʼobhe, muà tunga ubatuilu ua kuiuka.

Dijingunuinu 21:1

Kia zubha kubhita imʼiii, ngi mona diulu diòbhe ni oxi iòbhe. Mukonda o diulu dia diangele-ku, ni oxi ia diangèle-ku, ia bhiti; o musanza ue ki ua moneka dingi.