Loma 7:9 - O Mikanda Ikola

⁹ Mukonda mʼokulu, ki nga kambele kuijiia o Kitumu, eme nga kexile ku muenhu. Maji kieza o kijila, eme nga kʼijiia, ituxi ia phaphumuka, eme ngafu.

Loma 7:9 ပူးပေါင်းရင်းမြစ်များ

Jisálamu 40:12

Kuma mavuua ma vudila-ku ma ngi phopheka; o ikuma iami ia ngi kaie, ia ngi kuata, katé ki ngi tena ngó kubhetuluka. O ikuma iami kota mu kuvula, jindemba mu mútue uami ndenge. Kia bhekesa muẋima uami kuia ku kiambu.

Matesu 19:20

Kuala munzangala: Iene ioso iíi nga iaiuka. Kua ngi kambe ihi dingi?

Luka 15:29

Muène-phe u kumbulula tatʼâ, uixi: Mivu ioso iíi i nga ku kalakela kala ngi mubhika, kiluua-phe ngi xibhaka ngó kima ki ua ngi tumu. Maji né kienhókio, eie-phe kua ngi bhana né ngó lumoxi, kahombo ka kubhanga fesa ni makamba mami.

Luka 18:21

Uixi: Ima ioso iíi, nga i kumbidila tunde mu undenge.

Loma 10:5

Mbata o kia soneka Mozé ku mbandu ia muthu ku mu xikina kua Nzambi ni ku mu lungisa mu kutumaka o Kitumu, uambe kiki: Uoso u bhanga ioso ia xindi o Kitumu, kuene kua muena o muenhu.

Loma 7:10

O ki ngeza-ku, kijila kia tokalele ki bhana muenhu, kia ngi bhekela kufua.

Loma 7:11

Kuma ituxi ia bokuena mu kijila, iii ia ngi bhombo. O mu kijila, ituxi ia ngi jibha.

Loma 7:4

Kala kiki-phe, kiene kimoxi ni enu, phange jami. Enu uenu a mi bhange mu afi a Kitumu, mukonda mu mbandu kiá ku mukutu ua Kristu. Kiki Muène mua mu tokala, muenʼió ua fukunuka mu ʼalunga, ni tu kale tu luvalu lua ngene lua Nzambi.

Loma 7:6

O kikiphe tua jituka ku Kitumu, kuma tuala tu afi ku ioio ioso ia tu kuatele. Uila kiki, tua jituka phala ni tu kale mù bhikila Nzambi mu muenhu uobhe ua Nzumbi ia Nzambi, kana dingi ku ukulu ua mixinda ia Kitumu.

Loma 7:8

Maji o ituxi-phe ia katula nguzu ku Kitumu, íii ia ngi vunza moxi o maluimbi moso. Kuma bhua kambe Kitumu, o ituxi iafu.

Loma 8:7

Uila kiki, o muthu u di zemba ni Nzambi, kioso o kilunji kiê kia kala mù ki tumina kuala o kikexilu kia xitu. Mukonda ka xikina kubelesela Kitumu kia Nzambi, ni kidi muène, ka tena ku ki belesela.

Ngalásia 2:19

Mukonda kia zuela o Kitumu, eme ngi mufi ua Kitumu—a ngi jibha kuala o Kitumu kiene—phala muenhu uami u kale kua Nzambi. Mbata nga fuila ku dikulusu kumoxi ni Kristu.

Ngalásia 3:10

Oso-phe a dielela mu kutumaka o imbamba ia Kitumu, ala ni mázui ma Nzambi ku thandu diâ. Kuma kiosoneke mu Mikanda Ikôla, exi: Uoso u kamba kuenda ni kubhanga ima ioso iosoneke mu Divulu dia Kitumu, uala ni mázui ma Nzambi ku thandu diê!