Loma 7:8 - O Mikanda Ikola

⁸ Maji o ituxi-phe ia katula nguzu ku Kitumu, íii ia ngi vunza moxi o maluimbi moso. Kuma bhua kambe Kitumu, o ituxi iafu.

Loma 7:8 ပူးပေါင်းရင်းမြစ်များ

Marku 7:22

Maluimbi, úsueia, ufumbe, ufusa, dixinga, jindaka, kutatela, ukumbu, uoua.

Nzuá 15:22

Ene keju kala ni kituxi, se Eme nga kambele kuiza kuzuela-nâ. Maji o kiki-phe, kala dingi ni maditatu ma ituxi iâ.

Nzuá 15:24

Eme se nga kambele kubhanga mu ʼaxaxe kâ o ikalakalu iíi, kana muthu luua a i bhanga, keju kala ni kituxi. Maji kala kiki-phe, a i mono, ia a jiji ni ku ngi zemba, ni ku zemba ue Tata iami!

Loma 3:20

Mukonda mu ikalakalu i xinda o Kitumu, kana muthu u tena kulungila-mu ku mesu ma Nzambi. Kuma mu Kitumu, muene muthu muejidila kuila mukua ituxi.

Loma 4:15

Mukonda o Kitumu ki bhekela njinda. Maji bhua kambe o Kitumu kana-bhu ue kikuma kia kutondala Kitumu.

Loma 5:20

O Kitumu kieza phala kuvudisa o kutondala. Maji bhuoso bhua vulu o ituxi, o kiadi kia Nzambi kia somboka dingi mu kusubhajaka kiavulu.

Loma 7:11

Kuma ituxi ia bokuena mu kijila, iii ia ngi bhombo. O mu kijila, ituxi ia ngi jibha.

Loma 7:13

O kima kiauabha-phe, manhi kiene kia ngi fuisa? Ki ki xikina! Ituxi-phe iene ia bhange kiki. Kuma ituxi ia katula nguzu iê ku kima kiauabha, íi ia ngi fuisa, phala o kikexilu kiê ni ki tena ue kutukuluka. Maji kienʼ iki, mukonda dia kijila, o kituxi ue kia beta dingi kusuina kiengi.

Loma 7:17

Kiki kiedikiza ue kuila-phe ki eme dingi ngala ku i bhanga, maji o ituxi ia ngi tungu moxi diami.

Loma 7:9

Mukonda mʼokulu, ki nga kambele kuijiia o Kitumu, eme nga kexile ku muenhu. Maji kieza o kijila, eme nga kʼijiia, ituxi ia phaphumuka, eme ngafu.

I Kolindo 15:56

O munomo ua kulunga phala ku tena kujibha, o ituxi; o nguzu ia ituxi, o Kitumu.