Loma 7:7 - O Mikanda Ikola

⁷ Kiki-phe, tuila kiebhi? Tuila kuma o Kitumu ituxi? Ki ki xikina! Maji-phe ki ngeji kuijiia ituxi, se Kitumu kia kambele-ku. Kuma luimbi ki ngeji ku lu ijiia, se o Kitumu kia kambele kuila: Kana ku kala ni luimbi.

Loma 7:7 ပူးပေါင်းရင်းမြစ်များ

Dimatekenu 3:6

O muhatu-phe kia mono kuma muẋi ua mbote phala kudia, ua uabha ue ku mesu, u bhekela vondadi mukonda dia kuijidisa, u kanza-ku kimbundu anga u dia, u bhana ue muadi ue, muene ue anga u dia.

II Samuuele 11:2

Kizuua kia mukuá, kutula ku kiemba, Davidi u balumuka bhu hama iê, anga u kala mu kuimajana ku thandu dia inzo iê ia mbanza; o ku thandu diaʼnzo kuala, u mona muhatu uala ku dʼiẋika; o muhatu ku mu tala mesu ua uabha kiavulu.

Jisálamu 119:96

Nga mono kuila ima ioso né iauabha, hanji kua i kambe; maji o kitumu kié-phe, ki kiene mbambe.

Makatukilu 20:17

Kana kukala ni luimbi lua inzo ia mukuenu, kana kukala ni luimbi lua muhatu a mukuenu, né mukalakadi uê ua diiala mba ua muhatu, né ngombe iê mba bulu iê, né kima kioso-kioso kiangene kia mukuenu.

Mikeia 2:2

Mikáu iangene ia a kuata luimbi, a i bhûnda muene ku jingana jê, ni jinzu anga a ji tambula muene phala ene; anga ela o diiala a mu bhanga kusuína ku inzu ié ia muambeʼa kidi, o muthu a mu bhanga usuéia ku undundu uê.

Matesu 5:28

Eme-phe ngi mi ambela kuma: Uoso ngó u tonginina muhatu ni ku mu kuatela luimbi, uatenê kiá phànda ku muẋima uê.

Luka 12:15

Uambela enhoso, uixi: Ividilenu kiambote! Alukenu, mu di lange ku luímbi, mukonda o muenhu ua muthu ki u tundu mu umvuama uê ua kuvula o jimbongo.

Luka 20:16

Ua-nda kuiza mu ku buidisa o idimakaji ieneʼoio ni a bhane díbhia ku athu engi. Ene ki evu kiki, exi: Ai-uê! Thamanu ki ki bhite.

Jipoxolo 20:33

Kana muthu nga mu kuatela luimbi lua phalata iê, mba ulu, mba izuatu.

Loma 13:9

Kuma o ijila ki iedi: Kana kuta phanda, Kana kujibha, Kana kunhana, Kana kukala ni luimbi, mba ioso dingi ijila ia dite-ku, ia di bundu mu kizuelu kimoxʼ iki: Mukuenu u mu zola kala ki ua di zola eie-muène.

Loma 3:20

Mukonda mu ikalakalu i xinda o Kitumu, kana muthu u tena kulungila-mu ku mesu ma Nzambi. Kuma mu Kitumu, muene muthu muejidila kuila mukua ituxi.

Loma 3:5

Maji se o kutondala kuetu-phe kua sedivila phala kulondekeza o kuiuka kua Nzambi, tuila kiebhi? Manhi tuila Nzambi ua tondala mukua ku tu beta ni njinda? (Bhabha eme nga ki ambe ngó mu uzuelelu ua athu).

Loma 4:1

Kiki-phe o Mbalahamu dia tatʼ etu mu xitu, tu mu zuela kiebhi? Tuila tuexi ua bongʼ Ohi?

Loma 4:15

Mukonda o Kitumu ki bhekela njinda. Maji bhua kambe o Kitumu kana-bhu ue kikuma kia kutondala Kitumu.

Loma 5:20

O Kitumu kieza phala kuvudisa o kutondala. Maji bhuoso bhua vulu o ituxi, o kiadi kia Nzambi kia somboka dingi mu kusubhajaka kiavulu.

Loma 6:15

O kiki-phe? Manhi tu ta ituxi, mukonda ki tuala dingi bhoxi dia Kitumu, maji tuala kiá bhoxi dia kiadi kia Nzambi? Ki ki xikina!

Loma 7:11

Kuma ituxi ia bokuena mu kijila, iii ia ngi bhombo. O mu kijila, ituxi ia ngi jibha.

Loma 7:13

O kima kiauabha-phe, manhi kiene kia ngi fuisa? Ki ki xikina! Ituxi-phe iene ia bhange kiki. Kuma ituxi ia katula nguzu iê ku kima kiauabha, íi ia ngi fuisa, phala o kikexilu kiê ni ki tena ue kutukuluka. Maji kienʼ iki, mukonda dia kijila, o kituxi ue kia beta dingi kusuina kiengi.

Loma 7:5

Kuma ki tua kexile mù laiela mu kikexilu kia xitu, jihanji ja ituxi, mukonda dia Kitumu, ja suinine dingi kiavulu mu idiandu ietu, phala ji kale luvualu lu tu bhekela kalunga.

Loma 7:8

Maji o ituxi-phe ia katula nguzu ku Kitumu, íii ia ngi vunza moxi o maluimbi moso. Kuma bhua kambe Kitumu, o ituxi iafu.

I Kolindo 15:56

O munomo ua kulunga phala ku tena kujibha, o ituxi; o nguzu ia ituxi, o Kitumu.

Efezo 5:3

O undumbu-phe, ni ufusa uoso, ni hanji jaiibha, ka jʼ ivue né ku ji ta ngó maka mu ʼaxaxe kenu, kala kia fuama akua Ngana.

Matendelelu 5:21

Kana kukala ni luimbi lua muhatu a mukuenu; kana kukala ni luimbi lua inzo ia mukuenu, mba mukáu uê, mba selevende iê ia diiala mba ia muhatu, mba ngombe iê mba kabulu kê, mba kima kioso-kioso kia mukuenu.

Kolose 3:5

Uila kiki, o jihânji jenu ja mu ngongo jala kukalakala moxi dienu, jibhenu-ju: ni undumbu, ni ufusa, ni hânji jaiibha, ni vondadi jabolo, ni luimbi, ku ma o luimbi lua soko ni kukaiela iteka.

I Tesalonika 4:5

Kana ni huinga ia hânji iaiibha ia ufusa, kala ki bhanga ió ka xikana, a kambe kuijiia Nzambi.

Jihebeleu 7:19

Kuma o Kitumu kia Mozé ki ki tenene kubhanga kima ki tenena. Kù kueza kudielela kuengi kua uabha, ku tu zukama na-ku kua Nzambi.

Josuué 7:21

kioso ki nga mono ku madibongela kapote ka Babilónha ka uabha kiavulu, ni hama jiiadi ja xikuli ja phalata, ni mutàdi ua ulu u pezala makuinhi atanu a xikulu, luimbi lua ngi kuata, eme nga i katula iene ioso nga i kandeia bhoxi, eme nga i sueka mu balaka iami, ni kitadi kiene-ze kí bhobho.