Loma 7:3 - O Mikanda Ikola

³ Kienʼiki, kioso kiala munumiʼ ê ku muenhu, se muene u sakana ni diiala diengi, a mu ixana kuma mukua phanda. Maji o munumiʼ ê-phe ki afua, muene ua jituka ku Kitumu; ki mukua phanda dingi, némbe ua sakana ni diiala diengi.

Loma 7:3 ပူးပေါင်းရင်းမြစ်များ

Makatukilu 20:14

Kana kuta phanda.

Ijila 20:10

Se bhu kala ue diiala u ta phanda ni mukaj ʼangene, mukajʼa mukuá nʼa te-nê phanda, ni habu ia diiala, ni ndumbu ia muhatu a fue muene, sé phata.

Matesu 5:32

Eme-phe ngi mi ambela kuma: Uoso u senga mukajiʼê, mukonda dia kikuma kiengi, o kia undumbu ki kiene, ua mu bhangesa kukala mukua phànda. Ni diiala u mu sakana, kia zubha ku mu senga, mukua phànda.

Loma 7:2

Kala muhatu uoso uala ni munumiʼ ê, o Kitumu, kia mu kuika kua munumiʼ ê, kioso muene kiala hanji ku muenhu. Maji o munumiʼ ê-phe se uafu, muene ua jituka ku Kitumu kia mu kuikile kua munumiʼ ê.

Loma 7:4

Kala kiki-phe, kiene kimoxi ni enu, phange jami. Enu uenu a mi bhange mu afi a Kitumu, mukonda mu mbandu kiá ku mukutu ua Kristu. Kiki Muène mua mu tokala, muenʼió ua fukunuka mu ʼalunga, ni tu kale tu luvalu lua ngene lua Nzambi.

Lute 2:13

Lute anga u mu ambela, uixi: Ngi bonge kisangu-sangu ku mesu mé, ngana iami, mukonda ua ngi bhuisa hele, ngi kahatu ké; kuma ua ngi zuelesa ni henda, sumbala o ilumba ié iamukuá eme ki ngi di fika-nâ.