Enu, muejiia kioso ki kala o kuiuka, ngʼivienu, enu mu athu mua zalela o ngonge iami mu miẋima ienu; o kizembu kia mundu ki ki mi kuate uoma, o kia mi xinga, ki mu a suue.
nganga-phe a mu talese, o kia mona ku kikonda kia mukutu uê kua mu sabhuka majiji mazela ma ngoho, ió-phe mabhumbu mazela, ma di sabukila ku mukutu uê; ki mʼediê kima, muene ua zediê.
Inda o Judé ia kidi, ió uala Judé moxi, iú uala ni muẋima uòsaie. O kikiphe kima ki bhanga o Nzumbi ia Nzambi; o Kitumu kiòsoneke ki ki tena ku ki bhanga. O muthu-phe u kala kiki, diximanu diê di tunda kua Nzambi, ki di tundu ku athu.
Uila kiki, o muthu u di zemba ni Nzambi, kioso o kilunji kiê kia kala mù ki tumina kuala o kikexilu kia xitu. Mukonda ka xikina kubelesela Kitumu kia Nzambi, ni kidi muène, ka tena ku ki belesela.
Mukonda dia kiki, ki tu kuata usudi. Né-mbe o mukutu uetu iú ua bhoxi uia ni kujila, mukutu uetu ua nzumbi-phe uia ni kukala dingi ua ubhe kizuua ni kizuua.
O kikutu-phe hinu ki nga kà ta ni mundu ua Izalaiele, eme ngi Ngana, izuua ieniʼoio,—kia kà kala kiki: Nga kà ta o ijila iami mu thulu iâ, anga nga kà i soneka mu miẋima iâ. Eme nga kà kala ngi Nzambi iâ, ene a kà kala mundu uami.
Ku kale-phe kukemba kua muthu ua suama moxi, kuene o kuzuata ki ku kasana dingi, kua kubelesela ni kutululuka kua muẋima, kua te kiavulu bhu pholo ia Nzambi.