Loma 7:21 - O Mikanda Ikola

²¹ Kiki-phe nga sange kuila moxi diami muedi kiki: Kioso eme ki ngi sola kubhanga iauabha, iaiibha iene ia ngi zukama.

Loma 7:21 ပူးပေါင်းရင်းမြစ်များ

Jisálamu 119:133

Ngʼendese o makanda mami mu njila ia maka mé; kana dingi kituxi ni ki ngi tolola.

Jisálamu 119:37

Ngi katule mesu mu kutala ima ia ulalu, u ngi bhane huii mu kenda o njila ié.

Jisálamu 40:12

Kuma mavuua ma vudila-ku ma ngi phopheka; o ikuma iami ia ngi kaie, ia ngi kuata, katé ki ngi tena ngó kubhetuluka. O ikuma iami kota mu kuvula, jindemba mu mútue uami ndenge. Kia bhekesa muẋima uami kuia ku kiambu.

Jisálamu 65:3

Eme ki ngalʼiki, milonga ia ngi tundu; maji eie-phe ikuma ietu u i loloka.

Luka 4:1

Jezú, uezala ni Nzumbi Ikôla, u tunda ku Njolodá, anga a mu bheka kuala Nzumbi mu mikáu ia hatu.

Nzuá 8:34

Jezú u a vutuila, uixi: Kidi kiene, ngi mi ambela: Uoso u ta kituxi, muène mubhika ua ituxi.

Loma 6:12

Mukonda dia kiki, ki mu ehele ituxi ni i kale ku mi tumina mu mukutu uenu iú uejiia kufua phala ni mu kale mú tumaka o maluimbi mê.

Loma 6:14

Kuma o ituxi ki i fuama ku mi tolola dingi, mbata enu ka mi bhake dingi bhoxi dia Kitumu, maji a mi bhake kiá bhoxi dia kiadi kia Nzambi.

Loma 7:23

Maji nga mono kuila Kitumu kiengi kia mu tumina mu idiandu iami, kiala ku di lua ni kitumu kia ngi kala mu kilunji kiami, kiene kí kiala ku ngi kutila mu ubhika ua kitumu kia ituxi kia ngi kala mu idiandu iami.

Loma 7:25

Nga sakidila-phe Nzambi, kuma sai-ku kubhanduluka mua Jezú Kristu, Ngana ietu! Ki tualʼ iki-phe ngedi kiki: Ni kilunji kiami, kidi muene, nga mu bhikila o Kitumu kia Nzambi; maji o kikexilu kia xitu iami-phe, kia mu bhikila o kitumu kia ituxi.

Loma 8:2

Kuma o Kitumu kia Nzumbi ia Nzambi kia tu bhekela muenhu mua Kristu Jezú, kia ngi bhana ufolo ku kitumu kia ituxi ni kalunga.

Jihebeleu 2:17

Uila kiki, Jezú kia mu fuama mu ima ioso o kusokela ni jiphange jê, phala a tene kukala Nganga iâ ia Dikota, ia lenduka, ia fiiele, mu sedivisu iê kua Nzambi. Mu kienʼ iki nʼ a kale kiluuluilu kia ituxi ia mundu.

Jihebeleu 4:15

O Nganga ietu ia Dikota u tena kuivua o malamba metu. Mukonda o Nganga ia Dikota muenʼiú, a mu thendalele mu ima ioso kala etu-ene, maji sé ngó ku ta kituxi.

II Phetele 2:19

A dielelesa ufolo ku akuá, manhi ene ala abhika a ifua iabolo. Kuma muthu kioso ki mu lenda, kiene kima ki mu bhikisa.