Loma 7:18 - O Mikanda Ikola

¹⁸ Kuma nga kʼ ijiia kuila moxi diami, ngambe mu xitu iami, ki mu tungu kima kia uabha. Mbata né-mbé o kusola kubhanga o ima iambote eme na-ku, maji kubhanga o ima iauabha nga ku tokoka.

Loma 7:18 ပူးပေါင်းရင်းမြစ်များ

Dimatekenu 6:5

Ngana anga u mona kuma o kubhuma ni kubhukumuka kua muthu kua di vuala mu ngongo, o ilunji ioso ia ku xinganeka kua muxima uê, ia ibha ithangana ioso.

Dimatekenu 8:21

Ngana anga uívua dizumba diambote; Ngana anga uamba ku muxima uê, uixi: Ki ngi tona dingi, ixi ku i ta mázui mukonda dia muthu, kuma ilunji ioso ia ixinganeku ia muthu, iaiibha tunde mu undenge uê; ki ngi tena dingi ue o kubuikisa mienhu ioso, kala ki nga bhangʼiki.

Jobe 14:4

Nanhi u katula kima kia zele, mu dixidilu? Ki bhuala muthu!

Jobe 25:4

Muthu-phe u kala kiebhi ni kuiuka bhu pholo ia Nzambi? Ió a mu vuala ku (monʼa) muhatu, u kala kiebhi ni kuzela?

Jisálamu 119:173

Lukuaku lué luize mu ku ngi kuatekesa, kuma eme nga solo muene o ijila ié i ua xindi.

Jisálamu 119:176

Ku nga tundu nga jimbila kala mbudi; selevende ié Ngana, mu sote; kuma o itumu ié ki nga i jimbi kana.

Jisálamu 119:32

Uendelu ua itumu ié, ngi u kuata muene ni lusolo, kioso, eie Ngana, ki u ngi kudisa o muẋima moxi. He

Jisálamu 119:40

Ngi tale, ki ngalʼiki, kuma ijila ié iene i ngʼinda jinga; ngi suinise, Ngana, mu kukumbidila kué.

Jisálamu 119:5

Tamano ngi di fikidila mu uendelu uami, anga ngi tena muene kukuata o ijila ié ioso.

Jisálamu 51:5

Tala-ze, eme a ngi vualela mu lusebu; mu ituxi kiá mua ngʼimitina mamʼetu.

Izaía 64:6

Kuma etu-oso tuedi kala kima kia sotama, mauiukilu metu moso medi kala dikoza diala mu nuha kibuzu; etu-oso tu lalumuka muene kala mafe ma kukuta, o ikuma ietu iala ku tu kungulula kala kitembu kia tu ambatesa.

Matesu 15:19

Mbata mu muẋima muene mu tunda ixinganeku iaiibha; makujibha, jiphànda, maundumbu, mauii, maumbangi ma makutu, makuxinga.

Luka 11:13

Enu-phe, sumbala mua iibha miẋima, se muejiia kubhana ima iambote ku anʼenu, manhi Tatʼenu ia diulu, ka kala kota mu kubhana o Nzumbi Ikôla kua ió oso a mu bhinga?

Nzuá 3:6

Muthu a mu vuala mu xitu, ku jitata mu xitu; maji o mu nzumbi-phe kikale a mu vuala kua Nzumbi ia Nzambi.

Loma 13:14

Maji kuatenu o mata a Ngana Jezú Kristu, o xitu ki mu i te dingi muẋima, kuila mu kaiela ngó kubhanga o jihanji jê.

Loma 7:15

Kuma ioso i ngi bhanga ki ngi ijiia, kuma íii i nga solo ki iene i ngene kubhanga. Inda o iii-phe i nga zembe, iene i nga mu bhanga.

Loma 7:19

Mukonda o ia uabha i nga solo, ki iene i nga mu bhanga, maji íii-phe ia iibha ki nga i solo, iene i ngene mù bhanga.

Loma 7:25

Nga sakidila-phe Nzambi, kuma sai-ku kubhanduluka mua Jezú Kristu, Ngana ietu! Ki tualʼ iki-phe ngedi kiki: Ni kilunji kiami, kidi muene, nga mu bhikila o Kitumu kia Nzambi; maji o kikexilu kia xitu iami-phe, kia mu bhikila o kitumu kia ituxi.

Loma 7:5

Kuma ki tua kexile mù laiela mu kikexilu kia xitu, jihanji ja ituxi, mukonda dia Kitumu, ja suinine dingi kiavulu mu idiandu ietu, phala ji kale luvualu lu tu bhekela kalunga.

Ngalásia 5:17

Mbata o xitu i kuata hanji ia iibhila o Nzumbi, o Nzumbi i kuata o hanji ia iibhila o xitu; kuma kiiadʼiki kia di zemba; phala enu mu lémbue kubhanga o ima i mua mesena.

Ngalásia 5:24

Oso-phe a tokala Kristu Jezú, o xitu a i fuisa kiá ku dikulusu, ni jingânji jê, ni jihanji ja uhabhu.

Filipe 2:13

Kuma Nzambi muène u kalakala moxi dienu, mu ku mi solesa ni ku mi bhangesa kutumaka kioso kia mu kala mu vondadi iê iambote.

Filipe 3:12

Eme ki ngedi kuma nga zubha kiá kutolola, ki ngedi kuma nga tenena kiá. Maji nga jiji ni kuenda, phala nga kà tambule kioso eme kia ngi kuatela Kristu Jezú.

Tito 3:3

Kuma mʼokulu etu-ene tua kexile, tua tobho, tua xibhaka, tua di nganala, tua bhikila maluimbi ma vula matelu, ni jihânji joso, tuende ni phulu ni dixinga, tua iibha, tua di zemba mudietu.

I Phetele 4:2

Kala kiki, o thembu ienu ia mi xala-ku mu xitu, ki mu ende dingi mu jihânji jaiibha ja athu, maji kiá mu vondadi ia Nzambi.