Loma 7:15 - O Mikanda Ikola

¹⁵ Kuma ioso i ngi bhanga ki ngi ijiia, kuma íii i nga solo ki iene i ngene kubhanga. Inda o iii-phe i nga zembe, iene i nga mu bhanga.

Loma 7:15 ပူးပေါင်းရင်းမြစ်များ

I Jisobha 8:46

Kioso ene kia ku tela kituxi (mbata kana-ku muthu u kamba kuta kituxi) eie anga u a luualela, hé u a bhana bhu maku ma nguma, nda a ambate ku ubhika ku ixi ia nguma kuala ió a a kutu, kixi ixi ia dikanga mba bhua zukama;

Jisálamu 1:6

kuma Jihova uejiia njila ia athu aiuka; njila-phe ia athu abhumu ia kutexika.

Jisálamu 101:3

Ki ngi kala ni kima kia ufusa ku mesu mami; imbamba i bhanga ió adianguka, nguami na-iu! Né i sota ku ngi naminina, ngi i kukumuna.

Jisálamu 119:104

Mu ijila ié muene mu nga kuatela o kilunji; njila ja kujimbidisa eme nga di zembe na-ju.

Jisálamu 119:113

Nga di zemba ni akua mixima iiadi; maji o ngonge ié ia ngi uabhela muene.

Jisálamu 119:128

Kala kiki, o ijila ié nga i mono kuiuka mu ima ioso; njila ioso ia makutu nguami na-iu dingi.

Jisálamu 119:163

O kubhuma kua ngi iibhila, ku suke muene koko! maji o ngonge ié-phe nga i zolo muene.

Jisálamu 119:32

Uendelu ua itumu ié, ngi u kuata muene ni lusolo, kioso, eie Ngana, ki u ngi kudisa o muẋima moxi. He

Jisálamu 119:40

Ngi tale, ki ngalʼiki, kuma ijila ié iene i ngʼinda jinga; ngi suinise, Ngana, mu kukumbidila kué.

Jisálamu 19:12

Nanhi u tena ku di tongolola o isenga iê-muêne? Ngi loloke, Ngana, o ikuma ioso ia ngi jimbi eme-muène.

Jisálamu 36:4

Bhu hama iê bhua zeka, u funha isunji; njila iê ia sola ki i uabha ngó, o kubhanga kiaiibha ka kueha.

Jisálamu 65:3

Eme ki ngalʼiki, milonga ia ngi tundu; maji eie-phe ikuma ietu u i loloka.

Jisálamu 97:10

Enu mua zolo Jihova, ituxi i mi ibhile; muene u bhaka o mienhu ia jifiiele jê; hé u a kudila bhu maku a kisuéia.

Jisabhu 13:5

Muthu uaiuka, maka ma makutu u di zemba-nâ; mukua-phulu-phe ukuma, mbata u di bhekela sonhi.

Jisabhu 8:13

Uoma ua Jihova, o kueha kia ibha; nga di zemba ni ukumbu, ni izala, ni uendelu uaiibha, ni dikanu dizuela isunji.

Ndongixi 7:20

Kidi bá! Mu ngongo kana-mu muthu ua iuka, u bhanga ngó mbote mu mbote anga u kamba ku ta kituxi.

Amoji 5:15

Kubhanga kia ibha ku mi ibhile, mu uabhele-ku kubhanga mbote; o kufundisa kia iuka ku mi kale muene bhu dibhitu. Sumba Jihova Nzambi ia Ilômbo Ieta u kuatela henda ku tumbalumbalu tua subhuka mua Zuze!

Nahumu 1:7

Ngana uaiuka, muene dilengelu dietu mu thembu ia phaxi; Jihova uejiia oso a mu dielela muene.

Luka 11:48

Kienhiki muala mu jimbangi, kuma mua londekeza kuila enu mua xikana ue o ikalakalu ia jitata jenu. Mukonda ene a ji jibha, enu-phe mua ji tungila o jimbila.

Nzuá 15:15

Ki ngi mʼixana dingi abhika, kuma mubhika kejiia ioso i bhanga ngana iê. Maji enu nga mʼixana-phe mu makamba, mukonda ima ioso i ngevu kua Tata iami, nga mʼ ijidisa-iu.

Loma 12:9

O henda ki i kale ia kádia. Iaiibha mu i lenga, iauabha mu i naminina.

Loma 14:22

Kala kiki, o kuxikana kuoso ku uala na-ku, ku kale ku muẋima ué eie-muène ngó ni Nzambi. Muthu ió ua zediua, uoso muẋima uê ki u mu belêsa, mu kubhanga kia fika muène kuila kiauabha!

Loma 7:16

O ima-phe ki nga i solo, se iene i ngi bhanga, kia lomboloka kuila o Kitumu nga ki xikana kuma kia uabha.

Ngalásia 5:17

Mbata o xitu i kuata hanji ia iibhila o Nzumbi, o Nzumbi i kuata o hanji ia iibhila o xitu; kuma kiiadʼiki kia di zemba; phala enu mu lémbue kubhanga o ima i mua mesena.

II Timote 2:19

Maji o dimanenu dia te Nzambi-phe hanji dia kolo, ki di tunguta. O ku dimikinu dienhidi dia te Nzambi, a soneka-ku exi: Ngana uejiia oso a mu tokala. Exi dingi: Muthu uoso u amba kuila ua tokala Ngana, ki bhinga ituxi u i ambula.

Jihebeleu 1:9

Eie o kuiuka ua ku zola, usueia ua u zemba. Mukonda dia kiki, Nzambi, Ngana Nzambi ié, kiene kia ku solela, iu ua ku undu ni maji ma ngalasa, ni kijingu, akuenu oso ndenge.

Tiiaku 3:2

Kuma etu-ene oso, tuene mu tondajala mu ima iavulu. Uoso u kamba kudibhukana mu kuzuela, ió muene muthu uatenena, ua soko-bho o kukuika mukutu uê uoso.

Juda 1:23

Amukuá mu a bhulula ni ku a nhangumuna mu tubhia. Amukuá mu a kuatela muene henda. Xi, amoximu-phe mu a lendukila ni uoma, maji mu kuzemba o ituxi, katé ni izuatu iâ ia kuata o maxaka ma jivondadi jâ, ja iibha lengenu-iu.