Zenu, tu mu sumbisiʼê ku akua Ijimaiele, ki tu mu kuame ngó ni kuaku luetu, kuma muene uala Phangʼietu, o xitu iene imoxi. Jiphange jë anga a mu ivua muene, hé a tumaka.
Anga Akabe uambela Elija, uixi: Kiebhi nguma iami, ua ngi bongo kiá? Kuala muene: Nga ku bongo muene! Mbata eie ua di sumbisa kiá mu kubhanga kiaiibha ku mesu ma Ngana.
Kana-ku-phe muthu ua sokela ni Akabe, mu ku di sumbisa mu kubhanga kiaiibha ku mesu ma Ngana kala muene, mukonda dia mukajʼê Jezabele, ua kexile ku mu funhisa jinga kubhanga kiaiibha.
Katé ni anʼâ a mala ni anʼâ ahatu a oha jinga mu túbhia mu ku satela o mahamba; a dibhakula mu kuzambula, a beta ku xikana o imbanda; a di-sumbisa mu kubhanga ima ia ibha ku mesu ma Jihova mbé o ku mu lokalala o njinda iê.
Maji-phe se o dikumbi dia bande kiá, ki kala kiá mulonga ua manhinga; ki bhinga-phe kiá o muii u futa ioso ia nhana, se kala ni kima kia futa na-kiu, a mu sumbisa mukonda dia uíii uê.
Jihova ua zuela kiki, uixi: Lubongo lua kusenga na-iu mamʼenu luala kuebhi, lu nga mu senga na-iu? mba mukuahi nga mu dia dikongo, o ki nga lémbua ku mu futa, eme nga mi sumbisa-ku? Talesa, ikuma ienu iene ia mi sumbisa, o itondalu ienu iene ia sengesa mamʼenu.
Bheneʼobho ngixi-phe: Kokolo diami! Eme ngafu-ó! Mukonda ngi muthu nga xidi mu kanu, eme nga tunga muʼaxaxi ka mundu ua kasana o dikanu, o mesu mami ia a mono Muenexi, Jihova dia Ilômbo Ieta!
Bhenhobho-phe, se dibhute dia tomboka mu mukutu uoso, anga kikonda kioso muene ki di minha mu dibhute, tunde ku mútue katé ku inama, kioso kia kiatena nganga o kumona, mu kutongolola kuê,
Jihova uambe kiki: Izalaiele kia tondala lutatu ni luuana, kibetu kiê ki ngi mu katula-kiu; mukonda muene muthu uambote u mu sumbisa mu mulambôngo; o ngadiama ua bhindama, u mu sumbisa mu phadi ia jisabhatu.
Bhenhobho Jezú-phe u sakuka, u ambela Phetele, uixi: Bhita ku dima diami Satana! Eie ua di bhange u ditadi dia kidibhukanu, ua-lu sota ku ngi bhalesa mu njila iami! Kuma o ima ia Nzambi ki iene i ua bhake muẋima, ni ku i xinganeka, maji o ima ia athu!
Eme-phe ngi mi ambela kuma, uoso u kuatela ngó mukuá njinda, u kala muêdi ua ku mu fundisa kuala afundixi. O uoso uâmba mukuá, uixi: U semenhi, u kala muêdi ku kionge kia jitata. Uoso-phe uila: U kiôua kia ngoho, u kala muêdi ua túbhia tua ifernu.
Jezú anga uia-nâ. Kia bhiẋila-phe bha zukama ku onzo iê, kabhitangu u tuma makamba mê ku mu batuila, nʼa muambele kiki: Ngana, ku tale ngó hadi. Kuma eme ki nga fuama, eie Ngana, u ngi bokona mʼonzo iami.
O ki tualʼ iki-phe, tuedi kiebhi? Kifua etu tu Jijudé tua beta kuuabha, o ió ki Jijudé ndenge? Né ngó! Kuma nga londekeza kiá kuila ni Jijudé ni ió ki Jijudé ene oso ala bhoxi dia ituxi.
Kuma tua kʼ ijiia kuamba o muthu Uòkulu a mu batelele kiá ku dikulusu kumoxi ni Kristu, phala o mukutu uetu ua ituxi u jime, mbé ki tu kale dingi mú bhikila o ituxi.
Kuma nga kʼ ijiia kuila moxi diami, ngambe mu xitu iami, ki mu tungu kima kia uabha. Mbata né-mbé o kusola kubhanga o ima iambote eme na-ku, maji kubhanga o ima iauabha nga ku tokoka.
Eme muene ngala ngi ndenge ia jindene mu ʼaxaxe ka akua Ngana oso. Maji o Nzambi ua ngi bhange ujitu uosʼú ua ku ngi bhana o kutudila matumbu o Njimbu Iambote, ia jimbongo ja Kristu, jolémbue ku ji tongolola.
Kuma o kizuelu kia Nzambi kima kia muenhu, ki ala ni kutena. Kia beta kutua o xibhata ia mazu a iadi ndenge. O kubatula kuê, ki sesa ni muenhu, ni nzumbi, ni masokuelu, ni uongo ua ifuba. Ki tungula ni jivondadi, ni mabanzelu ma miẋima ia athu.