Loma 7:10 - O Mikanda Ikola

¹⁰ O ki ngeza-ku, kijila kia tokalele ki bhana muenhu, kia ngi bhekela kufua.

Loma 7:10 ပူးပေါင်းရင်းမြစ်များ

Izekiiele 20:11

Eme nga a bhana o jingonge jami ni ku a londekeza o mabatuilu ami, a bhingi kuila se o muthu u mʼaluka, muene mua muena o muenhu.

Izekiiele 20:13

Maji-phe o dibhata dia Izalaiele a ngi ẋinukina mu kikangalakata, hé a di tuna o kuenda mu jingonge jami, o mabatuilu mami a ma tènde, a bhingi se o muthu u aiuka, muene mua muena o muenhu; o jisabhalu jami a ji sebulula kinéne; anga ngiia ngixi: nga-nda ku lundulula o njinda iami ku thandu diâ mu kikangalakatʼumu, phala ku a jikinisa.

Izekiiele 20:21

Maji, o ana ue, a ngi balukila, a fulu kuenda mu jingonge jami, a di tunu kualuka o mabatuilu mami, a bhingi kuila se o muthu u aiuka ni ku a tumaka, muene mua muena o muenhu; ene-phe o jisabhalu jami a ji sebulula; kiene-phe ki ngʼedila ngixi: o kutema kuami nga-nda ku ku lunduluila ku thandu diâ, phala o njinda iami i di kumbidile kokuʼê mu kikangalakata.

Ijila 18:5

Kala kiki o jingonge jami ni mabatuilu mami bhakenu-u; kuma enhó mu ku a bhanga muthu u kola muenhu; Eme Jihova nga ki ambe.

Loma 10:5

Mbata o kia soneka Mozé ku mbandu ia muthu ku mu xikina kua Nzambi ni ku mu lungisa mu kutumaka o Kitumu, uambe kiki: Uoso u bhanga ioso ia xindi o Kitumu, kuene kua muena o muenhu.

Loma 4:15

Mukonda o Kitumu ki bhekela njinda. Maji bhua kambe o Kitumu kana-bhu ue kikuma kia kutondala Kitumu.

Loma 7:9

Mukonda mʼokulu, ki nga kambele kuijiia o Kitumu, eme nga kexile ku muenhu. Maji kieza o kijila, eme nga kʼijiia, ituxi ia phaphumuka, eme ngafu.

II Kolindo 3:7

O kitumu kia Mozé a ki seta ni jilétala, ku mabaia a matadi, o kioso ki a ki bhakuila o mundu, kubenha kua Nzambi kua tukuluka. Bhenhobho-phe o kubenha kua pholo ia Mozé kù jimuka kiá, maji nè kienhokio, hanji muene kua kexidiê kua dikota katé o kifuẋi kia Izalaiele ka tenene ku mu tula mesu ni ku mu tala.

Ngalásia 3:12

Maji o Kitumu-phe ki kiene ni kuxikana. Mukonda, kala ki ambe o Mikanda Ikôla: Uoso u bhanga o ima ia tumu o Kitumu, mu Kitumu muene mua muena o muenhu.