Loma 6:9 - O Mikanda Ikola

⁹ Tuejiia kuma Kristu kia zubha kufukunuka mu ʼalunga, kanda kufua dingi. Mukonda kalunga ki ka tena dingi ku mu tolola muène.

Loma 6:9 ပူးပေါင်းရင်းမြစ်များ

Loma 5:14

Kiene kimoxi, o kalunga kene ka kexile kutumina-ku tunde kua Adá katé kua Mozé, ni ku thandu dia ió ka tele kituxi ki di fangana kala kia Adá. Kala kiki-phe Adá ua di bhange ngó kijimbuete kia mukuâ ua xedi mù kuiza-ku.

Loma 6:10

O kufua kuê kua fuile, ua fila o ituxi, mu lumoxi katé ku hádia ni hádia, o muenhu uê ua mu laia, ua mu u laiela Nzambi.

Loma 6:14

Kuma o ituxi ki i fuama ku mi tolola dingi, mbata enu ka mi bhake dingi bhoxi dia Kitumu, maji a mi bhake kiá bhoxi dia kiadi kia Nzambi.

Loma 6:4

Kioso kia tu batizalele, a tu fundile-nê kumoxi mu ʼalunga. Kala-phe kia fukunuka Kristu mu ʼalunga mu kutena kua fuma ia Tata, etu uetu tuende kiá uendelu ua muenhu uobhe.

Jihebeleu 7:16

Muène ka mu bhangele nganga mu ngonge ia kihindu kia xitu. Maji ua di bhange nganga mu kutena kua muenhu ki uene mbambe.

Jihebeleu 7:25

Uila kiki, muène ua soko-bho kubhulula katé kia zubha, ene oso ejiia kua muène, ni a bhixile kua Nzambi. Kuma Jezú ua kalé kiá ku muenhu mu ku a diondela jinga.

Dijingunuinu 1:18

Ememuène ngene o muenhu! Nga kexile nga fu, o kiki Emeʼami-ú ni muenhu, katé ku hádia ni hádia. Eme-muène nga kuata o jisabhi ji jikula mu mbila ni muʼalunga.