Loma 6:5 - O Mikanda Ikola

⁵ Kuma etu se tua di bande kua muène mu kidifua kia kufua kuê, tua kà di banda-nê ue mu kidifua kia kufukunuka kuê.

Loma 6:5 ပူးပေါင်းရင်းမြစ်များ

Jisálamu 92:13

Oso a a phaphe mʼonzo ia Jihova, a jîngila muene ku malumbu ma Nzambi ietu.

Izaía 5:2

Ua di kondoluesa kikanzo, matadi ua ma sengulula-mu, iú ua phaphe-mu mivide ia mbutu iambote; o muʼaxaxi ka díbhia dia muvide ua tungu-mu inzu ia matala, iú ua iudika-mu ue ditangi dia kuketela vinhu; iú uene kudielela kuila muvide uima ji-uva jauabha, maji uene ua bhana ikola-kola.

Jelemiia 2:21

Eme muène nga ku phaphele kala muvide ua mbutu ia uabha, mbutu ia mbote ia kitongola; ua kituka kiebhi-phe u mbutu ia seluka, kala muvide ua muxitu?

Matesu 15:13

Jezú-phe ua vutuila, uixi: Kidima kioso kia bhingi Tata iami mu diulu ki muène ua ki phaphe, ki bhinga ku ki vuza.

Nzuá 12:24

Kidi kiene, ngi mi ambela: O lumbundu lua tiliku, se lu kamba kusonoka mu mavu, anga lu fua, lu kalê ngó ubheka uê. Maji o ki lu fua-phe, lu bhana idima iavulu.

II Kolindo 4:10

Tualu kuambata jinga mu mukutu uetu ua kalunga o kufua kua Jezú, phale o muenhu ua Jezú ue u monekene mu mukutu uetu.

Kolose 2:12

Mbata kizuua kia mi batizala, a mi fûndu kumoxi ni Kristu mu batizu. O mu batizu, enu mua fukunuka-nê dingi kumoxi, mu kuxikana o nguzu ia Nzambi, ua fukununa muène Kristu mu madifundu.

Kolose 3:1

Enu mua fukunukina kumoxi ni Kristu, mua tundu muʼalunga enu mueza ku muenhu. O ki kala-phe mua fukunukina kumoxi ni Kristu, ndokuenu mu sote ima iala bhulu bhu aii Kristu, bhua xikama ku madilu ma Nzambi.