Loma 6:23 - O Mikanda Ikola

²³ Kuma o futu ia ituxi kufua. Maji o ujitu-phe ua Nzambi muenhu ki uabhua, mua Kristu Jezú, Ngana ietu.

Loma 6:23 ပူးပေါင်းရင်းမြစ်များ

Dimatekenu 2:17

maji ku muẋi-phe ua kuijiia kiauabha ni kiaiibha kana kudia-ku; mukonda o kizuua ki ua kà dia-ku, ijiia na-kiu kuma ua kà fua muene.

Dimatekenu 3:19

ku suualu ia pholo ié kuene ku ua kà dia o mbolo ié, katé ki ua kà vutuka ku mavu; mukonda kuene ku ua tundile; kuma eie uala u mavu, ku mavu kuene ku ua kà vutukila.

Jisabhu 11:19

O kubhanga kia iuka, iene o njila iia ku muenhu; maji uoso u uabhela phulu, ua-lu di kengela kalunga.

Izaía 3:11

Mukua phulu-phe, lamba diê, ua-nda kutala hadi; mbata a-nda ku mu vutuila kioso kia tokala mu ikalakala ia muku mê.

Izaía 3:9

O ki u tala jipholo jâ, usuéia uâ ua di monekena; ituxi iâ a i kola muene, kala mu Sodoma; ka i sueka, kana; kokôlo dia muenhu uâ! mukonda ene muene a di bhange o phulu!

Izekiiele 18:20

O muenhu uoso u ta o kituxi, uene ufua; o mona kʼambata ikuma ia tatʼâ, mba o tata ua kʼambata ikuma ia monʼê; o kuiuka kua muthu ua iuka, kua kà kala ku thandu diê-muene, o phulu ia mukua phulu, ià kà mu lundumukina ue muène.

Izekiiele 18:4

Talesenu, o mienhu ioso iami eme-muène; kala o muenhu ua tata, ni muenhu ua mona uami-eme; muenhu uoso u ta o kituxi, uene u fua.

Matesu 25:46

Iá-phe a kàia ku phaxi ki iabhua, o iá aiuka, ku kuenhu ki uàbhua.

Nzuá 10:28

O mbudi jami ngi ji bhana o muenhu ki uábhua; ki ja kà fua dingi. Kana muthu ue u ji sumbununa bhu maku mami.

Nzuá 17:2

Mbata o Mona ua mu bhana ungana ua kutumina athu oso, phala oso ua mu bhana-nâ, muène a a bhane o muenhu ki uábhua.

Nzuá 3:36

Kala kiki, uoso ua xikana o Mona, uala ni muenhu ki uábhua. Maji uoso ka xikana o Mona, ka kà mona muenhu, kikale o njinda ia Nzambi i xala ku thandu diê katé ku hádia ni hádia.

Nzuá 4:14

Maji uoso u nua o menha mu ngi mu bhana, nuka a kala dingi ni dinhota. Mukonda menha mu ngi mu bhana, ma-ndu biluka fixi moxi diê, i fuáfua menha ma kalelà-ku ndú ku muenhu ki uábhua.

Nzuá 4:36

Uoso u kalakala, mu kubhongolola u tambula futu, hé u i bhakela o muenhu ki uábhua. Phala mu kienhiki, ni mukuni a jimbutu ni mubhongolodi a idima, a sangulukile kumoxi.

Nzuá 5:24

Kidi, kidi, ngi mi ambela: Uoso uívua dízui diami, nʼ a xikane ió ua ngi tumu, mùene uala ni muenhu ki uàbhua; ka tena dingi kuêla, maji ua tundu kiá ku ʼalunga, iu bokona ku muenhu.

Nzuá 6:27

Kana kukalakela o kúdia ku bola, kota o kukalakela kúdia ku nanga katé ku muenhu ki uábhua. Monʼ a Muthu u mi bhana na-ku, mukonda Nzambi Tata ua mu te kidimbu kiê.

Nzuá 6:40

Mbata o vondadi ia Tata iami ienhiʼii: Kuila uoso ua tale ku Mona, iú ua mu xikana, a kale ni muenhu ki úabhua; eme-phe ngi mu fukununa mu kizuua kia kà suka-ku.

Nzuá 6:68

Ximá Phetele u vutula, uixi: Ngana, tuia kua nanhi? Eie-eie uala ni maka ma muenhu ki uâbhua.

Loma 1:32

Athu kala kiki, sumbala kijila kia Nzambi a kʼ ijiia, kuma oso akua kubhanga ima kala íii, a tokala kufua, u sanga hanji a jijila o ku i bhanga. O kia di te-ku,—ka i bhange ngó ene,—maji ni athu engi kia a mona ia a i bhanga, ene a a suinisa.

Loma 2:7

Ua kà bhana muenhu ki uabhua kua oso a kuata kinhenge mu kubhanga o mbote, a bhindamena o fuma ni ujitu ni muenhu ua kamba dizubhilu.

Loma 5:12

Kala kiki, mukuâ ni kia bokona o ituxi mu ngongo ku muthu umoxi, o kufua kù kuejiia mu ituxi; kiene ue kia bhiti o kufua ku thandu dia athu oso, kuma ene oso ituxi a i te.

Loma 5:17

Kia kidi kiene kuila, mukonda dia muthu umoxi ngó, ni mukonda dia kituxi kiê, kia bhangesa o kalunga kuenda ni kutumina. Maji o kia tundu ue ku kiokio kia bhange o muthu umoxi—Jezú Kristu—kia beta kota! Kuma ene oso a tambula o kiadi kiavulu kia Nzambi ni kubhuluka kua a bhana mu kingoho, à kala mù tumina ku muenhu ua ubhe mua muène Kristu.

Loma 5:21

Uila kiki, kala kia kexile kutumina o ituxi mu kufuisa, kiene kimoxi ki tumina o kiadi kia Nzambi, ni ki tu bheka ku muenhu, mua Jezú Kristu, Ngana ietu.

Loma 6:16

Mukonda mua kʼijiia kuma kuoso ku mua di bhakula mu kubhika, muala mu abhika a muthu muenʼió uoso mua mu belesela. Kiene enu ue, kikale ituxi mua i bhikila ni mu fu, mba kikale o kutumaka Nzambi, ni a mi xikine ni mu kale mu athu mua iuka.

Loma 6:21

Thembuʼ oio-phe mua kexile ni kisakidilu kiahi mu imbamba i mua kexi mù bhanga, lelu i mua kuatela jisonhi? Kuma ima ioso ieneʼ oio dizubhilu diê o kufua.

Loma 8:13

Kuma se mua kaiela xitu, mua kinga kufua. Maji mu nguzu ia Nzumbi, se mua fuisa o imbamba i bhanga o mukutu, mu tambula muenhu.

Loma 8:38

Mukonda eme nga tetuluka kuila kana-ku kima ki tu batula ku henda ia Nzambi. Né kalunga, né muenhu; né ji-anju, né atumini mba makota ma ji-anju; né ima ia kindala, né ima ia hadia; né kusuina,

Loma 8:39

né o mundu uala ku thandu dietu, né ima iala bhoxi-elele. Né kima dingi kioso-kioso kia di bhange, kana-ku kima ki tena ku tu batukisa ku henda ia Nzambi, iene mua Kristu Jezú.

Loma 8:6

Kuma o kukala ni kilunji kia mu tumina kuala o hanji ia xitu, kubhekela kalunga. O kukala-phe ni kilunji kia mu tumina kuala o Nzumbi, ki bhekela muenhu ni kutululuka.

Ngalásia 3:10

Oso-phe a dielela mu kutumaka o imbamba ia Kitumu, ala ni mázui ma Nzambi ku thandu diâ. Kuma kiosoneke mu Mikanda Ikôla, exi: Uoso u kamba kuenda ni kubhanga ima ioso iosoneke mu Divulu dia Kitumu, uala ni mázui ma Nzambi ku thandu diê!

Tito 1:2

Ubhezelu ua xamenena mu kudielela o muenhu ki uàbhua. Nzambi ka moneka makutu, muène ua tu kanena-nâ tunde xahulu ku dimatekenu dia ithangana ioso.

Tiiaku 1:15

Kienhiki, o hânji iaiibha ienhiʼii, ki i zubha o kuimita, i vuala kituxi. O kituxi kʼila kiza ku kitala, ki vuala kalunga.

I Nzuá 2:25

Kuku kuene o kukana Kristu kua tu kanena etuʼoso, kua ku tu bhana o muenhu ki uàbhua.

Dijingunuinu 21:8

Maji oso-phe akua uôma, akua phulu, a bhanga isunji, ijibhanganga, jindumbu, ni aloji ni abhezi a itèka, ni akua makutu oso, o mbandu iâ ià kala mu kizanga kia uama túbhia ni xofidi; kuène o kùfua kua kaiadi.