Loma 6:18 - O Mikanda Ikola

¹⁸ O kiki mua jituka ku ituxi, enu mua biluka mu abhika a kuiuka kua Nzambi.

Loma 6:18 ပူးပေါင်းရင်းမြစ်များ

Jisálamu 116:16

U Jihova, ni kidi kiene ngi selevende ié; ngi selevende ié, monʼa kahatu ké, eie-muène ua ngi jituna bhu ophi ia ubhika.

Jisálamu 119:32

Uendelu ua itumu ié, ngi u kuata muene ni lusolo, kioso, eie Ngana, ki u ngi kudisa o muẋima moxi. He

Jisálamu 119:45

Ngenda jinga muene mu ikoka iatu, kuma o ijila ié iene i nga bhindamena.

Izaía 26:13

Jihova, Nzambi ietu, tata! Kia dikalela kiua jingana jengi kiá, ja mu tu tumina, maji hanji, mukonda dia Eie ngó, dijina dié ki tua di landuka.

Izaía 54:17

Falamenda ioso-ioso iòbhange phala ku ku kuama, ia-nda kulueza; o dimi dioso-dioso di ku tatela eie mulonga, mu kufunda, eie ua kà di belesa; o iú uene undundu ua jiselevende ja Nzambi, kuene ue kulûnga kuâ ku tunda kokuami, eme ngi Jihova.

Luka 4:18

Nzumbi ia Ngana ua ngi tula, mukonda muène ua ngʼundu kutudila o jingadiama, Njimbu Iambote. Ua ngi tumu kuxika ngonge ia ufolo ua abhika, ni kubhana mesu o ifôfo, ni kujituna oso a a kuika,

Nzuá 8:32

o kidi mua-nda ku kʼijiia, o kidi anga ki mi bhana ufolo.

Nzuá 8:36

O Mona se ua mi bhana ufolo, mu kala ni ufolo ua kidi.

Loma 6:14

Kuma o ituxi ki i fuama ku mi tolola dingi, mbata enu ka mi bhake dingi bhoxi dia Kitumu, maji a mi bhake kiá bhoxi dia kiadi kia Nzambi.

Loma 6:22

Maji o kiki-phe a mi kula ku ituxi, mua biluka mu abhika a Nzambi. Uila kiki, muenhu uenu uoso mua u lumbila kua Muène. Sai ni ibundu ienu ia kuzela moxi, o dizubhilu diê muenhu ki uabhua.

Loma 6:7

Kuma uoso uafu, ua jituka kiá ku nguzu ia ituxi.

Loma 8:2

Kuma o Kitumu kia Nzumbi ia Nzambi kia tu bhekela muenhu mua Kristu Jezú, kia ngi bhana ufolo ku kitumu kia ituxi ni kalunga.

Ngalásia 5:1

Jezú Kristu ua tu jituna, phala tu kale mu kidi tu jifôlo. Uila kiki, Emanenu-phe mu ufolo uenʼ iú, kana kusukamena dingi mu ophe ia ubhika.

I Phetele 2:16

Kia di kalela mu jifôlo, ufolo uenu ki u kale divunga dia kusueka usueia, maji mu kala-phe mu abhika angene a Nzambi.