Loma 6:14 - O Mikanda Ikola

¹⁴ Kuma o ituxi ki i fuama ku mi tolola dingi, mbata enu ka mi bhake dingi bhoxi dia Kitumu, maji a mi bhake kiá bhoxi dia kiadi kia Nzambi.

Loma 6:14 ပူးပေါင်းရင်းမြစ်များ

Ijila 25:41

kuabhu, mu ambule kiá, ni muene ni anʼê, ku kikalakalu kié a tunde-ku kiá aie ku ndandu jâ, a vutukile ku kimbu kia jitata jê.

Mikeia 7:19

Muene ua kà tona dingi o ku tu kuatela henda; milonga ietu ua kà i titidila muene bhoxi dia inama iê anga u i jimba kiá, o ituxi ietu ioso anga ua kà i texi muʼalunga mua zongo!

Matesu 1:21

Muène uanda kuvuala mona ua diiala, eie u mu luka dijina dia Jezú, mbata muène ua kà bhulula athuʼê ku ituxi iâ.

Nzuá 1:14

O Diambu anga u di bhanga xitu, anga u tunga mu ʼaxaxi ketu, uezala kiadi ni kidi. Etu anga tu mona o unène uê, unène kala ua Mona umoxièlele ua Nzambi.

Nzuá 1:17

Mbata o Kitumu a ki bhelele kua Mozé, o kiadi-phe ni kidi, kiejila kua Jezú Kristu.

Nzuá 8:36

O Mona se ua mi bhana ufolo, mu kala ni ufolo ua kidi.

Loma 11:6

Kuma o kusola kuê kua tundu ku kiadi, ki ku tundu ku ikalakalu i bhanga athu. Mukonda se o kusola kua Nzambi, kua tundile ku ikalakalu ia athu, o kiadi kiê ki ki eji kukala kia kidi.

Loma 4:16

Mukonda dia kiki, kueza o kuxikana, o kikutu kia polomesa ia Nzambi ni ki naminina ku kuxikana phala ni ki kuate, ni ki kale kia kiadi ku luvualu lua Mbalahamu, Kuma o polomesa ki i tokala ngó a mu kualuka o Kitumu, maji ni ió ue oso a xikana mukuâ ni kia xikanene Mbalahamu. Mukonda mu Nzumbi muene tata ia etu-ene oso.

Loma 5:17

Kia kidi kiene kuila, mukonda dia muthu umoxi ngó, ni mukonda dia kituxi kiê, kia bhangesa o kalunga kuenda ni kutumina. Maji o kia tundu ue ku kiokio kia bhange o muthu umoxi—Jezú Kristu—kia beta kota! Kuma ene oso a tambula o kiadi kiavulu kia Nzambi ni kubhuluka kua a bhana mu kingoho, à kala mù tumina ku muenhu ua ubhe mua muène Kristu.

Loma 5:18

Uila kiki, kala kiejile o mulonga ku thandu dia athu oso mu kituxi kimoxi ngó, athu oso iá a xedi ni kuêla, kiene kimoxi, mu kima kia kulunga ngó lumoxi kia bheka o ujitu iú ua ngoho ueza ku thandu dia athu oso mu ku a lungisa nʼ a tambule muenhu.

Loma 6:12

Mukonda dia kiki, ki mu ehele ituxi ni i kale ku mi tumina mu mukutu uenu iú uejiia kufua phala ni mu kale mú tumaka o maluimbi mê.

Loma 6:15

O kiki-phe? Manhi tu ta ituxi, mukonda ki tuala dingi bhoxi dia Kitumu, maji tuala kiá bhoxi dia kiadi kia Nzambi? Ki ki xikina!

Loma 8:12

Kala kiki-phe, jiphange, ki mu fuama dingi kulaiela xitu, mukonda o xitu ki mua di dikongo diê, kuila mu kaiela xitu.

Loma 8:2

Kuma o Kitumu kia Nzumbi ia Nzambi kia tu bhekela muenhu mua Kristu Jezú, kia ngi bhana ufolo ku kitumu kia ituxi ni kalunga.

Ngalásia 3:23

Thembuʼ oio-phe kuila kiluua kuiza o kuxikana, etu a tu kuikidile mu ʼaleia kuala o Kitumu, etu tua xikamenene o kuxikana kuanda kutukuluka.

Ngalásia 4:21

Ngi tangedienu hanji kima kimoxi, enu mua mesena mu kala dingi mu ubhika ua Kitumu, o Kitumu muala ku kʼ ivua kiebhi?

Ngalásia 5:18

Maji se a mi endesa kuala o Nzumbi ia Nzambi, ki muala dingi mu ubhika ua Kitumu.

Tito 2:14

Muène muthu ua di bhele bhu kididi kietu, mu ku tu kula ku mangonha, ni ku tu zelesa, ni tu kale tu mundu uê ua ngene, mundu ua suina mu kubhanga ima ia mbote, ua mu tokala muène.

Jihebeleu 8:10

O kikutu-phe hinu ki nga kà ta ni mundu ua Izalaiele, eme ngi Ngana, izuua ieniʼoio,—kia kà kala kiki: Nga kà ta o ijila iami mu thulu iâ, anga nga kà i soneka mu miẋima iâ. Eme nga kà kala ngi Nzambi iâ, ene a kà kala mundu uami.