Loma 6:13 - O Mikanda Ikola

¹³ Ni idiandu ienu kana ku i bhakula ku ituxi kala falamenda ia kubhanga kima kioso-kioso kiaiibha. Maji-phe di bhakudienu kua Nzambi, kala mu athu mua fuile kiá, maji mua tambula dingi muenhu, ni idiandu ienu bhakuilenu-iu Nzambi i kale falamenda ia kubhanga ima ia kuiuka.

Loma 6:13 ပူးပေါင်းရင်းမြစ်များ

II Malunda 30:8

o kiki-phe kana ku tundisa kakunda kenu, kala o jitata jenu; tolokenu kua Jihova, muize bhu kididi kiê kikôla, kia kolesa muene katé ku hádia, nda mu bhikile Jihova, Nzambi ienu, phala o kutêma kua njinda iê ki ku mi tule enu.

Jisálamu 37:30

Dikanu dia muthu uaiuka di zuela uhete, maka ma kutetuluka ma mu kala bhu dimi.

Jisabhu 12:18

Sai athu, uzuelela uâ u toma ku miẋima kala jiphondo ja xibhata; dimi-phe dia jihete ja kuzuela, di bheka kudisanza.

Izaía 55:7

mukua-ituxi ehe o njila iê, o ua iibha muẋima a tule mabanzelu mê; a vutuke kua Ngana, u mu kuatela henda; nʼalukile kua Nzambi ietu, kuma muene mukua kuloloka kiavulu.

Izekiiele 18:4

Talesenu, o mienhu ioso iami eme-muène; kala o muenhu ua tata, ni muenhu ua mona uami-eme; muenhu uoso u ta o kituxi, uene u fua.

Daniiele 3:28

Nabukodonozolo bhenhobho uzuela, uixi: A tane-ku Nzambi ia Sadalake, ni Mizake, ni Abede-neko, ua tumu anjo iê iú uakudila jiselevende jê, a mu dielela, mbata o ngonge ia sobha a i bulu muene, iá a bhakula o mikutu iâ, mu kuiengesa kubheza jinzambi jengi, kikale ngó o Nzambi iâ.

Luka 15:24

Mukonda monʼami iú ua fuile, lelu ua bhana o muenhu; ua texikile, lelu ua moneka. Anga a kuata kubhanga fesa!

Luka 15:32

Tua fuama-phe kubhanga fesa iíi, ni tu londekese o kusanguluka kuetu. Mukonda phangʼié iú ua fuile, lelu ueza ni muenhu; ua texikile, lelu ua moneka!

Nzuá 5:24

Kidi, kidi, ngi mi ambela: Uoso uívua dízui diami, nʼ a xikane ió ua ngi tumu, mùene uala ni muenhu ki uàbhua; ka tena dingi kuêla, maji ua tundu kiá ku ʼalunga, iu bokona ku muenhu.

Loma 1:29

Ezala ni kubhukumuka, ni usueia, ni luimbi, ni phulu; ezala ni dixinga, ni ujibhanganga, ni jimvunda, ni makutu, ni mahanha.

Loma 12:1

Uila kiki nga mi diondo-phe, jiphange, mu jihenda ja Nzambi, di bhakudienu o mikutu ienu kua muène, kuma sata ia muenhu, mua di lumbu mu kikalakalu kiê, mu akua ujitu kua Nzambi. Kuma iú uene o ubhhezelu ua kilunji ua ni fuama.

Loma 6:11

Kiene kimoxi, enu uenu mu di xinganeka jinga kuma ku ituxi muafu kiá, maji-phe muala ku muenhu phala Nzambi mua Kristu Jezú, Ngana ietu.

Loma 6:16

Mukonda mua kʼijiia kuma kuoso ku mua di bhakula mu kubhika, muala mu abhika a muthu muenʼió uoso mua mu belesela. Kiene enu ue, kikale ituxi mua i bhikila ni mu fu, mba kikale o kutumaka Nzambi, ni a mi xikine ni mu kale mu athu mua iuka.

Loma 6:19

Nga mu ki amba mu uzuelelu ua athu, mukonda enu mua bhuila mu xitu. Uila mu ukulu ki mua bhakuile o idiandu ienu mu kukala mu abhika a ufusa ua kubhanga kiaiibha phala kubhikila o ituxi, kindala kiene kiá ki mu bhakula o idiandu ienu mu kukala mu abhika a uiukilu u bhangesa kukala ni muenhu ua kuzela moxi.

Loma 7:23

Maji nga mono kuila Kitumu kiengi kia mu tumina mu idiandu iami, kiala ku di lua ni kitumu kia ngi kala mu kilunji kiami, kiene kí kiala ku ngi kutila mu ubhika ua kitumu kia ituxi kia ngi kala mu idiandu iami.

Loma 7:5

Kuma ki tua kexile mù laiela mu kikexilu kia xitu, jihanji ja ituxi, mukonda dia Kitumu, ja suinine dingi kiavulu mu idiandu ietu, phala ji kale luvualu lu tu bhekela kalunga.

I Kolindo 6:15

Kifua ki mu kʼijiia, kuma mikutu ienu idiandu ia ngene ia Kristu? O ki ngalʼ iki kifua ngi katula idiandu ia ngene ia Kristu, hé ngi i bhanga idiandu ia muhatu ua kidianzunga? Kana, ki kiene!

I Kolindo 6:20

Kuma a mi sumbu ni suilu. Uila kiki, fumanesenu Nzambi ku mikutu ienu, ni ku jinzumbi jenu, kuma ja tokala Nzambi.

I Kolindo 6:9

Inga ki mu kʼ ijiia kuma athu abhengalala ka tena kubhingana mu Utuminu ua Nzambi? Kana ku di nganala, kuma ni jindumbu, ni abhezi a iteka, ni akua jiphanda, ni mâla a ilalu, ni mâla akua kubhanga ufusa ni mâla ni akuâ.

II Kolindo 10:4

O mata metu ma ita ki ma tokala mu ngongʼumu, maji mata ma nguzu ni kutena kua Nzambi ma tena kubula o imbaka. Tu lundumuna ikutu ia makutu,

II Kolindo 5:14

Kuma tuezala ni henda ia Kristu ia tu kuatela, mukonda tua kʼijiia kuila muthu umoxi ua fuidile ene oso, mu kiki, atu ene oso a tambula mbandu mu kufua kuê.

II Kolindo 5:15

O muène ua fuidile ene oso bhu kididi, phala oso kiki ala ku muenhu, ki ki kale ene dingi a di vu, maji ua a vu muène ua a fuidile bhu kididi, iú ua fukunuka.

II Kolindo 8:5

Ki kiene ngó. Ene a beta dingi kubhanga, o ki tua fikile etu ndenge. Kima kia dianga ene a tuamene ku di bhana ene-muène kua Ngana. O kia kaiadi kua etu-ene, mu vondadi ia Nzambi.

Efezo 2:5

kioso mu nzumbi ki tua kexile tu afi mu ikuma ietu, kiene muène kia tu phaphumuna kumoxi ni Kristu. Ku kiadi kia Nzambi ngó ku mua bhulukila.

Efezo 5:14

Mukonda kioso ki di tukulula mua zele, ki di bhanga mukengeji. Kiene kia ki ambela, exi: Phaphumuka eie uaii ku kilu, u fukunuke mu ʼalunga, kristu nda a ku bhake mua zele.

Matendelelu 25:16

Muthu uoso u bhanga o mangonha, ió kua Jihova Nzambi ié-phe, kikôla! Kuma Jihova Nzambi ié ua di zemba ni muthu uia ni kufumba akuâ ni ku a bhanga mangonha.

Filipe 1:20

Mukonda eme o kia ngi kate kiavulu, ki ngendi ni kudielela kuami kuoso, o kuila ki ngi lémbue kubhanga kioso kia ngi tokala, kala ki ngene kiá mù bhanga tunde ukulu, kota-kota mu kindala mumu, mbé ngi kale muene ni kubhua o uôma, phala ngi tene kufumanesa Kristu ku mukutu uami, kixi ku muenhu, kixi mu kufua.

Kolose 2:13

Sumbala mʼokulu mu nzumbi enu mua kexile mu madifundu mu ikuma ienu, ni kukamba ku mi saia o dibôlo dienu dia xitu. Maji leluʼidi Nzambi ua mi phaphumuna iú ua mi bheka dingi ku muenhu kumoxi ni Kristu. Muene ua tu loloka o ikuma ietu ioso.

Kolose 3:5

Uila kiki, o jihânji jenu ja mu ngongo jala kukalakala moxi dienu, jibhenu-ju: ni undumbu, ni ufusa, ni hânji jaiibha, ni vondadi jabolo, ni luimbi, ku ma o luimbi lua soko ni kukaiela iteka.

II Tesalonika 2:12

Phala ene oso a kambele kuxikana o kidi, a uabhelele o makutu ni kubhanga o mangonha, ni vondadi jâ, a kà êlese.

II Timote 2:15

Kala ni muanu ua ku dʼidikiza kua Nzambi u muthu a ku lola, a ku mono kuiuka; u mukalakadi kua bhange kima kia tena ku ku kuatesa jisonhi; u mukua kulonga kiambote o maka ma kidi.

Tiiaku 4:1

Kuebhi ku tunda o ita ni jimvunda mudienu? Ku ia tundu manhi ki kuenhuku, ku jihânji jenu jaiibha ji lua ita mu idiandu ienu?

I Phetele 2:24

Kristu muène ku mukutu uêmuène, ua tu ambatela o ituxi ietu katé ku kimuẋi, phala etu tu jituke ku ituxi, tu kuate muenhu ua kuiuka. O italakanha iê iene ia mi sake.

I Phetele 4:2

Kala kiki, o thembu ienu ia mi xala-ku mu xitu, ki mu ende dingi mu jihânji jaiibha ja athu, maji kiá mu vondadi ia Nzambi.

I Nzuá 1:9

Maji se tu fisala o ituxi ietu kua Nzambi, muène fiiele, u kumbidila o kizuelu kiê hé u tu bhanga kioso kia fuama: U tu loloka o ituxi ietu, hé u tu ixika o mangonha moso.