Loma 6:12 - O Mikanda Ikola

¹² Mukonda dia kiki, ki mu ehele ituxi ni i kale ku mi tumina mu mukutu uenu iú uejiia kufua phala ni mu kale mú tumaka o maluimbi mê.

Loma 6:12 ပူးပေါင်းရင်းမြစ်များ

Dimatekenu 4:7

Se u bhanga kia-mbote, manhi ka ku ẋikina? Ki uila-phe u bhanga kiaiibha, kituxi kia ku batamena bhu muelu; kia ku hamena muene, maji eie ua tokala u ki tumina.

Jisálamu 119:133

Ngʼendese o makanda mami mu njila ia maka mé; kana dingi kituxi ni ki ngi tolola.

Jisálamu 19:13

Selevende ié, Ngana, mu fudise o kubhuma kua izala; o ima ia ku di zangeleka ki iende ni ku ngi tumina; phala ngʼimane nzanza ni kulunga, mbé ki ngi kale ni kituxi kia dikota kokué.

Ijila 13:40

Kioso ki u mona diiala ua mu vuzujuka jindemba mu mútue, diodio dibhala ngó; muene ua zediʼê.

Dialuilu 33:55

Maji akua-xi-phe, ki mu fula o ku a kaiesa, ku pholo ku muia, oso mua ehela-mu, a kà di bhanga kala minha mu mesu enu, jisongo mu jimbanji, à kʼenda ni ku mi tatesa, mʼoxi i mua tungu.

Loma 13:14

Maji kuatenu o mata a Ngana Jezú Kristu, o xitu ki mu i te dingi muẋima, kuila mu kaiela ngó kubhanga o jihanji jê.

Loma 2:8

Maji ua kà lunduluila o njinda iê ni kaxtiku kê ku thandu dia oso-phe akua luimbi, o kubhanga o mbote a ku tokoka, anga enda ni kukaiela ioso iaiibha.

Loma 5:21

Uila kiki, kala kia kexile kutumina o ituxi mu kufuisa, kiene kimoxi ki tumina o kiadi kia Nzambi, ni ki tu bheka ku muenhu, mua Jezú Kristu, Ngana ietu.

Loma 6:14

Kuma o ituxi ki i fuama ku mi tolola dingi, mbata enu ka mi bhake dingi bhoxi dia Kitumu, maji a mi bhake kiá bhoxi dia kiadi kia Nzambi.

Loma 6:16

Mukonda mua kʼijiia kuma kuoso ku mua di bhakula mu kubhika, muala mu abhika a muthu muenʼió uoso mua mu belesela. Kiene enu ue, kikale ituxi mua i bhikila ni mu fu, mba kikale o kutumaka Nzambi, ni a mi xikine ni mu kale mu athu mua iuka.

Loma 8:11

Maji se o Nzumbi ia Nzambi ua fukunuine Jezú mu ʼalunga, ua tungu moxi dienu, uoso ua fukunuine Kristu Jezú mu ʼalunga hadia ua kà phaphumuna ue o mikutu ienu ia kumbama, mukonda dia Nzumbi iê ia tungu moxi dienu.

Loma 8:13

Kuma se mua kaiela xitu, mua kinga kufua. Maji mu nguzu ia Nzumbi, se mua fuisa o imbamba i bhanga o mukutu, mu tambula muenhu.

II Kolindo 4:11

Kuma etu kioso ki tuala mù laia, izuua ioso tuala bhu kibhidi kia kufua mukonda dia Jezú, phale o muenhu ua Jezú ue u monekene mu xitu ietu ia kinga o kufua.

II Kolindo 5:4

Kuma kidi kiene, etu kioso ki tuala mu fundʼumu ia mukutu uetu, tu kema mukonda dia kinemenu kia tu xina. Ki mukonda tu andala a tu zula o mukutu uetu iú ua bhoxi, mbata tua mu kuinda ku tu zuika ni mukutu ua diulu, phala o muenhu u jikinise kiki kia xikamena o kufua.

Ngalásia 5:16

Ki ngambe-phe, kiki: Ehelenu o Nzumbi ia Nzambi ku endesa o mienhu ienu, ki mu kale mu kutumaka dingi o jihanji ja xitu.

Ngalásia 5:24

Oso-phe a tokala Kristu Jezú, o xitu a i fuisa kiá ku dikulusu, ni jingânji jê, ni jihanji ja uhabhu.

Efezo 2:3

Ni kidi-phe, etu ene oso muene mu tua nhunganena jinga mu jihanji ja xitu, ni kubhanga o jivondadi ja xitu ni ja muẋima. Mu kieniiki o kikexilu kietu ki kala kia anʼ a njinda, mu kutambula o kaxtiku ka Nzambi, mukuâ ni athu ene oso.

Efezo 4:22

Bhu kaxiʼ abha ni kikexilu kienu kia bhiti, zulenu o muthu Uokulu, ua bolo, mù kaiela o jihanji ja kudinganala.

Matendelelu 7:2

Anga Jihova Nzambi ié u ku bhakuila-u phala ku a jibha, eie-phe buikisa-u muene, ene oso; kana kuta-nâ kikutu kia ukamba, kana ue ku a kuatela henda;

I Tesalonika 4:5

Kana ni huinga ia hânji iaiibha ia ufusa, kala ki bhanga ió ka xikana, a kambe kuijiia Nzambi.

II Timote 2:22

Jihânji-phe ja unzangala, lenga-ju, u kaiele o kuiuka, ni kuxikana, ni henda, ni paze, kumoxi ni ene oso kiá a dikola kua Nzambi ni muẋima uazele.

Tito 2:12

O kiadi kienhiki ki tu longa kuma, tu ehe o kubhuma ni jihânji jaiibha ja mundu, phala tuende mu ngongo muenhumu ni kilunji, ni kuiuka, ni kuxila Nzambi.

Tito 3:3

Kuma mʼokulu etu-ene tua kexile, tua tobho, tua xibhaka, tua di nganala, tua bhikila maluimbi ma vula matelu, ni jihânji joso, tuende ni phulu ni dixinga, tua iibha, tua di zemba mudietu.

I Phetele 1:14

Mu kala mu ana mua tumaka Nzambi; ki mu kaiele o funza ia maluimbi menu mokulu mu thembu ia uoua.

I Phetele 2:11

Enu akuetu, phange jami, nga mi diondo, mu asonhi, mu jingenji mua tundu mu ixi ienu enu muala ku jixi jengi, kulenga jinga jihânji ja xitu ji lua ita ni muenhu ua muthu.

Juda 1:16

Athu kala iá, akua kudizumina jinga ni kulongolola ni kufunda, enda kioso kia a tumu o jihânji, a kala ni dikanu dia ku di kaka, a kala ni kathombo kʼ athu mbebhu o kunganhala.

Juda 1:18

Ene a mi ambela, exi: Mu izuua i sukidilà-ku, hinu kua kà kala jisemenhi jenda ni ku mi bhanga kasekelu, athu enda kioso kia a tumu jihânji jâ ja kubhuma.

Afundixi 2:3

Mukonda dia kiki, eme uami ngambe kuma: Nguami dingi ku a kaia bhu pholo ienu; a xale muene kienhokio, a kale mínha mu jimbanji jenu, jinzambi jâ ji mi kale mubhetu ua ku mi kuata.