Loma 6:10 - O Mikanda Ikola

¹⁰ O kufua kuê kua fuile, ua fila o ituxi, mu lumoxi katé ku hádia ni hádia, o muenhu uê ua mu laia, ua mu u laiela Nzambi.

Loma 6:10 ပူးပေါင်းရင်းမြစ်များ

Luka 20:38

O Mozé mu kuzuela kiki, uambe kuila o Nzambi-phe ki Nzambi ia afi, maji Nzambi ia athu a muenhu. Mukonda ene oso muene, ku mesu ma Nzambi, iá-uâ ni muenhu.

Loma 6:11

Kiene kimoxi, enu uenu mu di xinganeka jinga kuma ku ituxi muafu kiá, maji-phe muala ku muenhu phala Nzambi mua Kristu Jezú, Ngana ietu.

Loma 6:9

Tuejiia kuma Kristu kia zubha kufukunuka mu ʼalunga, kanda kufua dingi. Mukonda kalunga ki ka tena dingi ku mu tolola muène.

Loma 8:3

Kima kia lémbua o Kitumu kia Mozé mukonda dia kubhuila kuê mu xitu, Nzambi ua ki bhange muène mu kikexilu kia xitu, ituxi ua i êlesa mu kutumikisa Monʼ ê muène, mu kidifua kia xitu ia ituxi, mu kufuila o ituxi, mbé ituxi na tene ku i zubha-ku.

II Kolindo 5:15

O muène ua fuidile ene oso bhu kididi, phala oso kiki ala ku muenhu, ki ki kale ene dingi a di vu, maji ua a vu muène ua a fuidile bhu kididi, iú ua fukunuka.

II Kolindo 5:21

Kristu kia kexi, ka moneka kituxi, maji Nzambi ua mu tambuisa mbandu ku ituxi ietu, phala etu, mu kisangela ni Muène, tu tambule uetu mbandu mu kulûnga kua Nzambi.

I Phetele 3:18

Mukonda Kristu ue ua mi fuila bhu kididi. Muène ituxi ua i talela hadi mu lumoxi ngó, o muthu uaiuka bhu kididi kia akua ikuma, phala a tu bhiẋidise kua Nzambi. Muène a mu jibhila mu xitu, a mu phaphumuina mu nzumbi.

I Phetele 4:6

Mukonda kiene kia bhekela ue kuboka o Njimbu Iambote kua iá a fua kiá, phala ió ue oso a a fundisa kiá ku muenhu uâ kiala hanji mu ngongo mumu, mukuâ ni kiene kufundisa athu oso. O Njimbuʼiii ia a a tangela-iu ua ene, phala ku muenhu uâ mu nzumbi a kale mu laia kala kia mu laia Nzambi.