Loma 5:8 - O Mikanda Ikola

⁸ Maji o Nzambi-phe ua tu idikiza o henda ia muène ia tu kuatela; mukonda kioso ki tua kexile hanji tu akua ituxi, kiene kia tu fuila Kristu bhu kididi.

Loma 5:8 ပူးပေါင်းရင်းမြစ်များ

Izaía 53:6

Etu oso tua kexi mu kuenda kala jimbudi ja jimbidila; kala muthu u di-texila ni njila iê; maji-phe o mulonga ua tu tokala etu-oso, Jihova ua mu xina-u kiá muene ku thandu diê.

Nzuá 15:13

Kana-ku henda ia tundu iíi, se muthu u bhana muenhu uê bhu kididi kia makamba-mê.

Nzuá 3:16

Mbata Nzambi ua zola o mundu, katé kia suku mu kubhana Monʼ ê umoxi-èlele, phala uoso u mu xikana muène, káfue, maji a kale ni muenhu ki uábhua.

Loma 3:5

Maji se o kutondala kuetu-phe kua sedivila phala kulondekeza o kuiuka kua Nzambi, tuila kiebhi? Manhi tuila Nzambi ua tondala mukua ku tu beta ni njinda? (Bhabha eme nga ki ambe ngó mu uzuelelu ua athu).

Loma 4:25

Muene a mu bhakuile mu kufuila o itondalu ietu, iá a mu fukunuine dingi mu ku tu bhana o kulunga, ni a tu xikine kua Nzambi.

Loma 5:20

O Kitumu kieza phala kuvudisa o kutondala. Maji bhuoso bhua vulu o ituxi, o kiadi kia Nzambi kia somboka dingi mu kusubhajaka kiavulu.

Loma 5:6

Kuma ki tua kexile hanji tua lémbua kubhanga kima kioso-kioso, Kristu kia bhixila bhu thembu iê ia solo Nzambi, ua fuila athu abhumu bhu kididi.

Loma 5:7

Né muthu uaiuka, mukuâ ka moneka kindala u xikina ku mu fuila bhu kididi. Maji se kia bhonzo sai-ku ni iú u xikina kufuila o muthu uambote bhu kididi.

Loma 8:32

Nzambi uedile ni Monʼ ê muène ka mu fikixila, maji ua mu bhakuile mukonda dia etu-ene-oso! Nzambi se ua tu bhana Monʼ ê, u kamba kiebhi ku tu bhana mu ngoho, kumoxi ni muène, o ima ioso kiá?

Loma 8:39

né o mundu uala ku thandu dietu, né ima iala bhoxi-elele. Né kima dingi kioso-kioso kia di bhange, kana-ku kima ki tena ku tu batukisa ku henda ia Nzambi, iene mua Kristu Jezú.

Ngalásia 2:20

Kiki ki eme dingi ngala ku muenhu, maji Kristu uala ku muenhu moxi diami. O kiki o muenhu u ngala na-u mu xitu, nga u muena mu kuxikana Monʼa Nzambi, ió ua tenene ku ngi zola ni ku di bhakula mukonda diami.

Efezo 2:7

Nzambi ua bhange kiki, phala ku hádia ni hádia a kà tene kuidikiza o jinzungule josuʼ ojo ja kiadi kiê, mu mbote ia tu bhange etu mua Kristu Jezú.

Efezo 5:2

Mienhu ienu i kale jinge mu henda kala henda ia Kristu ia tu kuatela, iu ua tenéne ku di bhakula bhu kididi kietu kuma kilumbu, sata ia uabhela Nzambi iala ni dizumba di nuha kiambote.

I Timote 1:16

maji o Nzambi-phe kiene kia ngi lolokela, phala ko kuami eme ngi dikota, Jezú Kristu edikize o kuxididika kuê kuoso kua ngi kala naku. Phala o kienhiki ki xalele mu kubhana kijimbuete kua enhó oso ku pholo a kènda ni ku mu xikana muène, nʼa tambule o muenhu ki uàbhua.

Jihebeleu 8:3

Kuma Nganga ioso ia Dikota a mu xindi o kubhana maujitu ni jisata ja iama. Kiene ue Nganga ietu ia Dikota ua bhingi u kala ue ni kima kia kubhakula.

I Phetele 3:18

Mukonda Kristu ue ua mi fuila bhu kididi. Muène ituxi ua i talela hadi mu lumoxi ngó, o muthu uaiuka bhu kididi kia akua ikuma, phala a tu bhiẋidise kua Nzambi. Muène a mu jibhila mu xitu, a mu phaphumuina mu nzumbi.

I Nzuá 3:16

Bhene bhu tu ijidila ki kala o henda! Mukonda Kristu ua tu bhela o muenhu uê bhu kididi. Mu kiki, etu uetu tua fuama tu bhana o mienhu ietu, mukonda dia jiphange jetu.