Loma 5:7 - O Mikanda Ikola

⁷ Né muthu uaiuka, mukuâ ka moneka kindala u xikina ku mu fuila bhu kididi. Maji se kia bhonzo sai-ku ni iú u xikina kufuila o muthu uambote bhu kididi.

Loma 5:7 ပူးပေါင်းရင်းမြစ်များ

II Samuuele 18:27

Uala ku kilangidilu uixi: Ua tuamenena nga fika kulenga kuê kuedi kala kua Ahimaaze monʼa Zadoke. Muenexi uixi: Hé muene, iú muthu uambote, u tu tudila dizelele diambote.

II Samuuele 18:3

Mundu-phe exi: Eie kana kutunda; kuma etu né tua lenge, ka tu suu; né kaxaxi ketu kafu, ka tu suu; eie-phe mu kuta ua soko ni kuinhi dia midi dietuʼetu bhabha. Kala kiki-phe, kota sʼeie u xale kuema, u kale plondo ia kutunda mu mbonge phala kuia mu ku tu kudila.

Jisálamu 112:5

U mona mbote, muthu u kala mukua kiadi, u bhandulula akuá; imbamba iê ioso u i endesa ni kutetuluka.

Matesu 13:15

Mbata o muẋima ua mundu iú ua kolokota, Mátui mâ ma kokoloka kuívua, mesu mâ a ma jika; ku lengesa o kumona ni mesu, kuívua ni mátui, kuijiia ni muẋima, nʼa lunguluke dingi, eme ni ngʼa sake.

Nzuá 15:13

Kana-ku henda ia tundu iíi, se muthu u bhana muenhu uê bhu kididi kia makamba-mê.

Jipoxolo 11:24

Kuma o Barnabé muene muthu ua mbote uezala Nzumbi Ikôla ni kuxikana. Anga ku di banda athu avulu kua Ngana.

Loma 16:4

a bhakuile kiá jixingu jâ ene mu ku ngi kudila o muenhu uami. Nga a sakidila kiavulu muene. Ki eme ngó nga a sakidila, maji ni Jingeleja joso ja akua jixi jengi, ió ki Jijudé.

Loma 5:6

Kuma ki tua kexile hanji tua lémbua kubhanga kima kioso-kioso, Kristu kia bhixila bhu thembu iê ia solo Nzambi, ua fuila athu abhumu bhu kididi.

Loma 5:8

Maji o Nzambi-phe ua tu idikiza o henda ia muène ia tu kuatela; mukonda kioso ki tua kexile hanji tu akua ituxi, kiene kia tu fuila Kristu bhu kididi.

I Nzuá 3:16

Bhene bhu tu ijidila ki kala o henda! Mukonda Kristu ua tu bhela o muenhu uê bhu kididi. Mu kiki, etu uetu tua fuama tu bhana o mienhu ietu, mukonda dia jiphange jetu.