Loma 5:18 - O Mikanda Ikola

¹⁸ Uila kiki, kala kiejile o mulonga ku thandu dia athu oso mu kituxi kimoxi ngó, athu oso iá a xedi ni kuêla, kiene kimoxi, mu kima kia kulunga ngó lumoxi kia bheka o ujitu iú ua ngoho ueza ku thandu dia athu oso mu ku a lungisa nʼ a tambule muenhu.

Loma 5:18 ပူးပေါင်းရင်းမြစ်များ

Izaía 53:11

Kienhiki, muene ua-nda kumona kikalakalu kia lukuaku luê, anga u tana; Selevende iami, Muthu Uaiuka, mu kuijiia kuê kuene na-ku, ua-nda kulungisa athu a ndumba; mukonda muene ua-nda kuambata o ikuma iâ ku thandu diê.

Nzuá 1:7

Muène uejile mu kala mbangi ia mukengeji, athu oso nʼa xikanene kua muène.

Nzuá 12:32

Eme se a ngi zangumuna bhoxi, ngi sunga athu oso ko-kuami.

Nzuá 3:26

Anga eza kua Nzuá exi: Mesene, muthu ió ua kexile-nê ku sámbua dia Njolodá, eie anga u mu kala mbangi, hanji ua mu lembalala? Talesa, ua-la ku batizala kiá, ene oso ala kuia kua muène!

Jipoxolo 13:39

Uoso u xikana, u lungila kua muène ku imbamba ioso i bhinga o Kitumu kia Mozé ki ki tena ku mu lungisa.

Loma 3:25

Nzambi ua bhakula Kristu mu kukala sata, phala mu kufua kuê, Kristu a biluke muène diluuluilu dia athu nʼa tambule o muloloko ua ituxi, mu ku mu xikana muène. Nzambi ua bhange kiki, mù ku idikiza kuila muène uaiuka. Kuma Nzambi mukua muanu, o ituxi ia ta jinga athu mʼ ukulu ua i somboka mu kulenduka kuê.

Loma 4:25

Muene a mu bhakuile mu kufuila o itondalu ietu, iá a mu fukunuine dingi mu ku tu bhana o kulunga, ni a tu xikine kua Nzambi.

Loma 5:12

Kala kiki, mukuâ ni kia bokona o ituxi mu ngongo ku muthu umoxi, o kufua kù kuejiia mu ituxi; kiene ue kia bhiti o kufua ku thandu dia athu oso, kuma ene oso ituxi a i te.

Loma 5:15

Maji bhu kaxi ka kiiadʼ iki bha di tungula. Mukonda o ujitu ua bhana Nzambi mu ngoho ki tu tena ku u sokesa ni kituxi kia Adá. Kia kidi kuila athu avulu afu mukonda dia kituxi kia muthu umoxi. Maji o kiadi kia Nzambi ki ala kotéʼ elele, kuma kia beta o kutena, ki ala ue kota mu kubhana ubhulukilu ku athu dingi avulu, mukonda ue dia muthu umoxi ngó—Jezú Kristu.

Loma 5:19

Mu kuxibhaka kua muthu umoxi, mundu a di bhangele akua ituxi, kiene kimoxi ue, mu kutumaka kua muthu umoxi, mundu a di bhanga akua kulunga, mbata ene oso a a xikina kua Nzambi.

Loma 6:14

Kuma o ituxi ki i fuama ku mi tolola dingi, mbata enu ka mi bhake dingi bhoxi dia Kitumu, maji a mi bhake kiá bhoxi dia kiadi kia Nzambi.

I Kolindo 15:22

Uila ene oso kia fuila mua Adá, kiene ue kia phaphumukina ene oso mua Kristu.

Jihebeleu 2:9

Etu-phe tua mono Jezú! A mu bhangele kathangana ku kala ndenge ia ji-anju, phala mu kiadi kia Nzambi a lole kalunga mu mulonga ua mundu uoso. Kiki-phe tua mu mono kuila mukonda dia phaxi ia bhiti na-iu, a mu zuika kitundu kia fuma ni ujitu.

II Phetele 1:1

Eme Ximá Phetele, ngi mubhika, ngi Poxolo ia ngene ia Jezú Kristu. Nga sonekena akuetu, a mono ue kuxikana kua sokela ni kuetu mu ujitu, a ku muena mu kuiuka kua Nzambi ietu, ni Mubhuludi Jezú Kristu.

I Nzuá 2:20

Maji enu-phe Kristu ua mi lunduluila o Nzumbi Ikôla ku thandu dienu, enu muejiia enhoso o kidi.